SEMUEL SUSULAK-KA ESAN-NA 19:24 - Susula Malalaok Hehelu Palak Ma Hehelu Beuk

²⁴ Ana losa naa boema, ana o'du heni bua papaken-na, de ana foti-longe ma ana eki nai Semuel matan-na, boema ana bala neu dae lain no makaholak, nai lele'dok ma le'odae katemak esa dalen-na. (Dede'a bini-a, dada'di makasososan-na nde ndia, fo nae, “Ade Saul da'di nabi boe do?”)

SEMUEL SUSULAK-KA ESAN-NA 19:24 ပူးပေါင်းရင်းမြစ်များ

2 SEMUEL 6:14

Basa boema, Dauk foti-longe no namahokok nanseli, fo ana fe ha'da-holomata neu Manetualain. Nai lelek ndia, ana pake ka'da si'di abalutu keke'uk, de ana pa'an nai tala'dan-na.

2 SEMUEL 6:20

Nai lelek, Dauk fali ne'un leo uma manek-ka neu, fo nate'a teidalen-nala boema, Mikhal kalua mai leo Dauk mai, de nafa'da nae, “Faik ia, mane Israel-la te'e-te'e, tao-na aoinan-na nananita-nalelak! Nakahola-la so, sama leo hataholi nggoa-panganaa fo ta nanuu mamaek nai uma manek-ka, hataholi mana'a ngga'din-nala ata inaanan-nala matan fa!”

YESAYA 20:2

Teuk telu maneuk-ka, Manetualain nadenu Yesaya, fo Amos anan-na, o'duheni ta'bueis ma si'di lafa lapik fo ana pakek-kala. Ana tunga, de ana la'ok no makaholak ma ana ta pake ta'bueis fa.

MIKHA 1:8

Hu ndia de Au, Mikha, daleng-nga he'dis-sa, ma haladoi. Neukose au la'ok no makaholak ma ta pake ta'bueis fa, soaneu atu'du ae, au daleng-nga he'dis-sa nanseli. Neukose au nggo sama leo busa fui-a, ma dola sama leo manupui onta.

BILANGAN 24:4

fo namanene basa Manetualain dede'a-kokolan so ma nita Manetualain fo Manakoasan-natu'du aoinan-na, boema ana bala neu, tehu no mata malaak.

HATAHOLI 9:21

Basa hataholi la lamanene Saulus tui-benga boema, ala dodoo doa kana. Ala kokolak lae, “Ade ndia ta nde taonisa basa hataholi kamahehelek manai Yerusalem mala fa hetu?. Ade ndia ta nde mana maik leo ia mai fo ana sanga ho'u hataholi kamahehelek manai ia la fo nos leo malanga ima mala leu!”

SEMUEL SUSULAK-KA ESAN-NA 10:6

Nai hatematak ndia boe, neukose Manetualain Duladalen-na koasa o, fo neukose o tunga hataholi sila-la fofoti-lolongen ma eekin-nala, boema ala fe o ha'da-palii beuk, nalosa o masafali da'di hataholi fe'ek.

SEMUEL SUSULAK-KA ESAN-NA 15:35

Losa mate Semuel, te ta natongo seluk no Saul fa. Tehu Semuel dalen-na he'dis-sa, nanahu Manetualain nasasale dale, Ana so'u basa Saul da'di Israel manen-na so.

SEMUEL SUSULAK-KA ESAN-NA 18:10

Balahaa, fo lelek Saul bei nai uman dale no ana ho'u teen-na, te no kaiboik duladalek mangalauk fo Manetualain nadenuk-ka, koasan-nan, nalosa natutu-nafepa sama leo hataholi kamulus-sa. Lelek ndia, Dauk bei nakaminak kecapi sama leo mandoo fai-a.