SEMUEL SUSULAK-KA ESAN-NA 19:23 - Susula Malalaok Hehelu Palak Ma Hehelu Beuk

²³ Da'di, nakandoo leo naa neu, tehu Manetualain Duladalen-na koasan-nan boe, nalosa ana foti-longe ma ana eki nakandoo, nai leleo-lala'on leo Nayot neu-a.

SEMUEL SUSULAK-KA ESAN-NA 19:23 ပူးပေါင်းရင်းမြစ်များ

AMSAL 16:9

Hataholi daebafak-ka bole tutu'u enok, tehu Manetualain nde naketu, so'dan-na eno-dalan.

AMSAL 21:1

Sama leo Manetualain ito-ato lee oen-na, fo ela ana faa tunga dale hihiin-na, leondiak boe, Ana hela-nole manek-ka dudu'a-aafin

BILANGAN 23:5

Boema, Manetualain nafa'da Bileam, hata fo muse nafa'dan, de nadenun fo ana fali ne'un leo Balak neu, fo nanduku-nalosak Manetualain hala hehelun-na neun.

BILANGAN 24:2

de nita leoina Israel-la bei ofu nai bubuak-kala dalek, tunga leoinan leon-nala. Boema, Manetualain Duladalen-na koasan-na Bileam,

MATEOS 7:22

Neu Fai Mate'e ka te neukose hataholi ba'u ka lalo Au lae, ‘Lamatuak, Lamatuak, ade ami ta tui-benga minik O na'de ma fa do? Ma ade ami ta usiheni dula dale mangalau kala, boema ami tao manda'di beuk ba'u ka ta ninik O na'de ma fa do?’

YOHANIS 11:51

Tunga ndo na, Kayafas hala kokolan ndia ta neme aafi mesa na mai ndia fa. Te hu ka nde ana da'di imam matuaina nai teuk ndia dale na, de nafa'da ela nae, neukose Yesus maten soaneu leoina Yahudi la.

1 KORINTUS 13:2

Leomae au tui-benga alelak Manetualain dede'a-kokolan ma au alelak basa dede'a nanabibila-babaa kala, ma au bubuluk basa hata lala'ena, boema au amahele anseli neu Manetualain, nalosa au adenu lete kala fo ala keko, tehu au ta sue-lai hataholi fe'ek fa soona, basa sila la sosoa-ndandaan ta.

SEMUEL SUSULAK-KA ESAN-NA 10:10

Lelek Saul no malalau-maoonon losa Gibea boema, latongo loo nabi bubuak esa. Nai hatematak ndia boe, Manetualain Duladalen-na koasa Saul, de ana tunga nabi sila-la fofoti-lolongen ma eekin-nala.

SEMUEL SUSULAK-KA ESAN-NA 10:12

Boema hataholi esa, ana leo nai ndia, natane nae, “Tao leo beek no nabi fe'ek sila-la – tunga emi hahapum-ma, sila aman nde see?” Dede'a bini ia, dada'di makasososan-na nde ndia, “Ade Saul boeo, da'di nabi do?”

SEMUEL SUSULAK-KA ESAN-NA 10:6

Nai hatematak ndia boe, neukose Manetualain Duladalen-na koasa o, fo neukose o tunga hataholi sila-la fofoti-lolongen ma eekin-nala, boema ala fe o ha'da-palii beuk, nalosa o masafali da'di hataholi fe'ek.

SEMUEL SUSULAK-KA ESAN-NA 18:10

Balahaa, fo lelek Saul bei nai uman dale no ana ho'u teen-na, te no kaiboik duladalek mangalauk fo Manetualain nadenuk-ka, koasan-nan, nalosa natutu-nafepa sama leo hataholi kamulus-sa. Lelek ndia, Dauk bei nakaminak kecapi sama leo mandoo fai-a.

SEMUEL SUSULAK-KA ESAN-NA 19:18

Lelek Dauk nala deak boema, neu leo Semuel uman neu, nai Rama, boema ana tui basa Saul tatao-nono'in soaneu ndia. Basa boema, Dauk no Semuel leu sama-sama leo Nayot leu, de ala leo leme ndia.

SEMUEL SUSULAK-KA ESAN-NA 19:20

Hu ndia de, Saul nadenu hataholi de'ubee, leu ho'u Dauk. Tehu hataholi ia-la, lita nabi bubuak esa, ala foti-longe ma ala eki sama-sama, fo Semuel nde da'di mauli-malangan. Boema, Manetualain Duladalen-na, koasan-na basa Saul nadenu hataholi-la, nalosa sila boeo, mulai foti-longe ma ala eki.

SEMUEL SUSULAK-KA ESAN-NA 19:22

Hu ndia de, Saul neu leo Rama neu. Ana losa oedolu matua esa nai Sekhu boema, natane, Semuel no Dauk lai bee, de hataholi manai sila-la lafa'dan lae, Semuel no Dauk lai Nayot.