SEMUEL SUSULAK-KA ESAN-NA 19:15 - Susula Malalaok Hehelu Palak Ma Hehelu Beuk

¹⁵ Tehu Saul nadenu hataholi sila-la leu seluk leo ndia leu, fo ala mete matan Dauk. Saul fes paleta nde ia nae, “Ndolo moon no pepe'un-na leo ia mai, fo ela au taoisan.”

SEMUEL SUSULAK-KA ESAN-NA 19:15 ပူးပေါင်းရင်းမြစ်များ

AYUB 31:31

Hataholi mananaue-nale'di fe au-a bubuluk nae au fe su'di see boe, na'a nai au umang.

MAZMUR 37:12

Hataholi mangalauk-ka, ana tutu'u hata mangalauk soaneu hataholi malole-a, ma ana meten no nakamuu-nakadauk

ROMA 3:15

Ala la'ok lai-lai metema ala sanga fepa-li'u ma taolisa hataholi.

SEMUEL SUSULAK-KA ESAN-NA 19:14

Lelek Saul nadenu hataholi-la ala mai ho'u Dauk boema, Mikhal nafa'da nae, “Dauk namahe'di.”

SEMUEL SUSULAK-KA ESAN-NA 19:16

Boema, Saul nadenu hataholi-la, ala masok leo kama dale leu, te se'kona lamatua daebafak-ka dodoki-dudulan nde nanape'dak nai pepe'uk lain ndia, no kailungu bi'ihii bulu-a nai dodoki-dudulak ndia langan-na.

SEMUEL SUSULAK-KA ESAN-NA 19:6

Yonatan hala-kokolan taon-na Saul dalen-na nasafali, de ana soo pake Manetualain na'den-na, nae neukose ana ta taonisa Dauk fa.