SEMUEL SUSULAK-KA ESAN-NA 18:8 - Susula Malalaok Hehelu Palak Ma Hehelu Beuk

⁸ Saul namanene boema, namanasa nanseli. Nana, ana dodoo nae, “Lafa'da lae Dauk taonisa musu kefi-kefin, te au soona, ka'da lifu-lifun. Ba'ihanak seluk faa bai te, tao leo bee o, ala taon da'di manek so!”

SEMUEL SUSULAK-KA ESAN-NA 18:8 ပူးပေါင်းရင်းမြစ်များ

KEJADIAN 37:11

Yusuf ka'an-nala lape'da dalek neun, tehu aman dodoo nahele me'is ndia.

KEJADIAN 37:8

Ka'an-nala ka'in lae, “O maedaenga neukose o da'di manek fo o koasa ami do?” Boema ala boetai lakamuu-lakadaun, nanahu me'i nala ma nanahu hata fo nafa'dan.

1RAJA-RAJA 2:22

Salomo natane nae, “Taole'e de, Ina noke au dede'ak ndia? Ndia sama no Ina noke fo ela au fen kandela manek nusak ia. Ade au ka'ang ta ndia fa do? Basa bai te, Imam Abyatar ma Yoab look kana!”

ESTER 3:5

Nai lelek Haman namanene lae, Mordekhai ta nau sene-do'ok neu fan boema, namanasa nanseli.

AMSAL 13:10

Namatutua-namadedema aok-ka, ka'da neni nale'a-napilik-ka; tehu hataholi manatee-tenok-ka, ana nau sipo nanolik.

AMSAL 27:4

Nasa-meluk ndia, ta nanuu dale susue lalaik fa, te neni nakalulutuk, tehu see nakatatakak, metema nasasalematak no nape'da dalek-ka?

PENGKHOTBAH 4:4

Au boeo bubuluk ae hataholi daebafak-ka naue-nale'di no puse titik, ka'da hu kande nape'da dalek nai lelek nita uma titia-tatain ue-le'din buna-boan. Basa sila-la manada'di tak, sama leo sanga enok fo usi anin-na.

BILANGAN 11:1

Neu faik esa boema, leoina ndia mulai haladoi neu Manetualain la'eneu sila toto'a-tataan. Manetualain namanene sila haladoin ndia boema namanasa, de Ana fe ha'i mai neus. Ha'i ndia sii lapa-lapa nai sila tala'da, de na'a heni lalaa ofu-a seli.

BILANGAN 22:34

Boema Bileam nataa nae, “Au asala-asingo so. Au ta bubuluk, ae Tuan napadeik nai enok-ka tala'da, fo napangge au fa. Tehu besak ia, tunga Tuan hahapun-na, metema au la'ok akandoo soona, ta malole fa, de neukose au fali.”

YAKOBIS 4:5

Boso maedaenga, Susula Malalao ka ta hapu ne'ek soaneu nafa'da nae, “Manetualain pe'da-fua Dula Dalek fo hihii-nanaun balakai na seli ndia, nai ita dalen dale.”

SEMUEL SUSULAK-KA ESAN-NA 13:14

Tehu besak ia, Ama Manek paletan-na, neukose ta nakatatakak fa. Nanahu Ama Manek ta tunga Manetualain paletan-na fa, de Manetualain hele basa hataholi fe'ek fo nahiik-kana, fo Ana so'un da'di manek neu anan-nala.”

SEMUEL SUSULAK-KA ESAN-NA 15:28

Boema Semuel nafa'dan nae, “Nai faik ia, Manetualain sii ba'e nusak Israel-la neme Ama Manek mai, fo Ana fen neu hataholi fe'ek fo malole lena neme Ama Manek mai.

SEMUEL SUSULAK-KA ESAN-NA 16:13

No lai-laik, Semuel ho'in-na mina setun ndia, de ana ndo ei Dauk, nenik ana lose mina neun, nai ka'an-nala matan. Nai hatematak ndia boe, Manetualain Duladalen-na koasa-na Dauk. Mulai neme faik ndia mai, Manetualain Duladalen-na sama-sama non tataas esa. Basa boema, Semuel fali ne'un leo Rama neu.

SEMUEL SUSULAK-KA ESAN-NA 18:9

Mulai faik ndia, nape'da dalek no Dauk.

SEMUEL SUSULAK-KA ESAN-NA 19:1

Saul nafa'da anamanen Yonatan, ma basa hataholi mana'a ngga'din-nala nae, ana sanga taonisa Dauk. Tehu Yonatan sue-na Dauk ba'un-na seli,

SEMUEL SUSULAK-KA ESAN-NA 20:31

Ade o ta mame'da, mae nai lelek Dauk bei naso'da, o ta bisa da'di nusak ia manen-na fa? Besak ia, madenu hataholi neu sangan, fo non leo ia mai, nana muse maten!”