SEMUEL SUSULAK-KA ESAN-NA 18:7 - Susula Malalaok Hehelu Palak Ma Hehelu Beuk

⁷ Basa inak-kala foti-longe, ma lakamee lae leo ia, “Saul taonisa musu lifu-lifu-kala, tehu Dauk taonisa musu kefi-kefin.”

SEMUEL SUSULAK-KA ESAN-NA 18:7 ပူးပေါင်းရင်းမြစ်များ

2 SEMUEL 18:3

Tehu hataholi sila lataa lae, “Bosok, Ama Manek. Nana, metema no nakasetik fo ami malai, do leomae mate ami baba'ek dua boeo, musu-a ta paluu fa, nana ana sanga-ka nde Ama Manek dei. Ama Manek belin-na, de'u ami hataholi lifun sanahulu belin-na. Bai te, malole lenak ka'da Ama Manek haitua fe ami tutulu-fafalik neme kota dale mai.”

2 SEMUEL 23:1

Isai anan Dauk, nanahelek da'di manek, de Yakob Manetualain-na, Ana taon da'di hataholi matua. Dauk boeo nde tao fe Israel nakameek. Dauk hala-kokola mate'en-nala nde ia:

2 SEMUEL 6:5

Dauk ma basa leoina Israel-la lala'en-na, ala la'ok nai Peti ndia uluk, boema ala foti-longe su'di bebe'ik, ma lakamee, fo ala fe ha'da-holomata neu Manetualain. Lakaminak kecapi, gambus, rebana, kelentingan, ma simbal.

KELUARAN 15:21

Miryam nakamee soaneus nae, “Makamee ba'eneu Manetualain, Nana Ana sengi no malole nanseli. Ana tapa basa ndala-la loo hataholi manasa'ek-kala leo tasi dale leu.”

SEMUEL SUSULAK-KA ESAN-NA 21:11

Akhis hataholi mana'a ngga'din-nala lafa'dan lae leo ia, “Ade Dauk, fo manek nai nusan-na, nde ia hetu? Ma, ade ta soaneu ndia fa de, lelek ndia, basa inak-kala foti-longe ma lakamee lae leo ia, ‘Saul taonisa musu lifu-lifuk-kala, tehu Dauk taonisa kefi-kefin hetu?’ ”

SEMUEL SUSULAK-KA ESAN-NA 21:12

Dede'a-kokolak sila-la, tao-la Dauk langan-na naleo, de ana bii Manek Akhis-sa nanseli.

SEMUEL SUSULAK-KA ESAN-NA 29:5

Dauk nde ndia hetu? Soaneu Dauk ndia de, makahulun-na, basa inak-kala foti-longe ma lakamee lae leo ia, ‘Saul taonisa musu lifu-lifuk-kala, tehu Dauk taonisa kefi-kefin.’ ”