SEMUEL SUSULAK-KA ESAN-NA 18:17 - Susula Malalaok Hehelu Palak Ma Hehelu Beuk

¹⁷ Saul tutu'u nai dalen dale, fo ela hataholi Filistin-nala taolisa Dauk nai musu dale, fo daenga boso ndia nde taonisan-nana. Da'di, nai faik esa boema, Saul nafa'da Dauk nae, “Merab, fo au anafe'o ulung-nga, neukose au balabaen no o, sa'di o matu'du o palanim-ma nai natee-natatik dale soaneu Manetualain.”

SEMUEL SUSULAK-KA ESAN-NA 18:17 ပူးပေါင်းရင်းမြစ်များ

2 SEMUEL 11:15

Ana sulak nae leo ia, “Metema, natee-natatik-ka makee soona, fe Uria nisik uluk, fo o makadedeak no denge-dengek, tehu ana boso bubuluk, fo ela maten nai musu dale.”

2 SEMUEL 12:9

Tao le'e de, o ta nau taoafik neu Au paletang-ngala fa? Tao le'e de, o tao-no'i tatao-nono'i mangalauk ndia? O taomisa Uria neme natee-natatik dale; o po'ilotak hataholi Amon-nala taolisan, de o ho'i-ma saon-na!

2 SEMUEL 6:16

Lelek fo leni Peti Hehelu-balataak ndia, masok leo kota dale neu, Mikhal, fo Saul anafe'on-na, ana titino neme jendela mai, boema nita Mane Dauk-ka nakaboboku, ma ana foti-longe, fo ana fe ha'da-holomata neu Manetualain, boema ana mete Dauk soona, ana ta hii mete fan.

MAZMUR 12:2

Ou Manetualain, tulu-fali ami, nana ta hapu hataholi ndoos so'on, hataholi manalilinekak neu O-a, mopok-kasa so.

MAZMUR 55:21

Au tia-lai makahulung-nga, sapu-na tia-lain-nala, nalelesi hehelu-balataan.

AMSAL 26:24

Hataholi manamakamuu-makadauk-ka, hala-kokolan makeek, tehu dalen-na, henuk no tipu-daik.

AMSAL 26:25

Leomae, hala-kokolan mangana'uanak, tehu boso mamahelen; nanahu nakamuu-nakadauk-ka, koasa dalen-na.

AMSAL 26:26

Leomae nafuni nakamuu-nakadaun boe, neukose, basa hataholi-la lita tatao-nono'i mangalaun-na.

BILANGAN 21:14

Hu ndia de, nanasulak nai ‘Manetualain Susula Natee-natatin-na’ dalek nae: “… Desa Waheb-pa nai nusa Sufa, ma bafan-nala; Lee Arnon-na,

BILANGAN 32:20

Boema Musa nataa nae, “Metema, te'e-te'e emi nau maheheleaom, fo meu matee-matati soaneu Manetualain,

BILANGAN 32:27

Tehu ami ia soona, ami maheheleaom fo meu matee-matati, fo Manetualain nde nauli-nalanga ami-a. Neukose ami lena leo Lee Yarden-na selik meu, fo ami matee-matati sama leo Tuan nafa'dak-ka.”

BILANGAN 32:29

“Metema Gad ma Ruben hataholin-nala tunga Manetualain paletan-na, fo ala lena leo Lee Yarden-na selik mai, fo latee-latati, ma metema no sila tutulu-fafalin, de emi hapu loso-ma nusak ndia, soona emi muse fes dae Gilead-ta, fo da'di sila pusakan.

ULANGAN 17:7

Basa sakasii-la, nde tapa batu makasososak-ka neu hataholi ndia, fo besak-ka laun-na lala'en-na. No enok ndia, emi hapu tao mamopo, tatao-nono'i mangalauk ndia.

SEMUEL SUSULAK-KA ESAN-NA 14:49

Saul amamanen-nala nde, Yonatan, Yiswi, ma Malkisua. Anafe'o ulun-na na'de Merab, ma ka dua, na'de Mikhal.

SEMUEL SUSULAK-KA ESAN-NA 17:25

Esa nafa'da esa nae, “Mitak-kana nde ndia. Mamanene hala-kokola neheen-na leona! Ita manen Saul naheluk basa, nae su'di see fo ana taonisa Goliat soona, neukose ana fen bua palsen matuaina. Boeo, neukose manek-ka fe hataholi ndia sao anafe'on-na. Ma neukose ana fe hataholi ndia, aman teidalen-nala ta bae bea so'on.”

SEMUEL SUSULAK-KA ESAN-NA 17:36

Atam-ma taonisa, nau singa do meoasu boe, de hataholi Filistin dinitiu ndia boeo, neukose sama-na leo bana sila-la, nanahu napalani nakamumulu-nakamamaek Manetualain fo maso'dak-ka, solda'dun-nala.

SEMUEL SUSULAK-KA ESAN-NA 17:47

ma basa hataholi manai ia-la, neukose lita, lae Manetualain ta paluu tafaina do tee soaneu soi-tefa anan-nala fa. Ndia nde naketu natee-natatik ia eno-dalan, ma Ndia nde neukose fe emi leo ami limam dale mai-a.”

SEMUEL SUSULAK-KA ESAN-NA 18:21

Ana dodoo nai dalen dale nae, “Malole au fe su'dik Mikhal neu Dauk, fo daenga Dauk tu'da leo hihi'ik dale neu, fo hataholi Filistin-nala taolisan.” Da'di, neu ka la'i duan-na, Saul nafa'da Dauk nae, “Besak ia, o bole da'di au manafeung.”

SEMUEL SUSULAK-KA ESAN-NA 18:25

boema Saul nadenus fo lafa'da Dauk lae leo ia, “Fo ama manek nahiik belis-sa, nde ka'da hataholi Filistin natun esa mamae pe'dan-na loun-nala, fo da'di leo babalak neu manek-ka musun-na.” (Saul dale tutu'un-na nde ndia, fo taonisa Dauk, tunga hataholi Filistin-nala liman.)

SEMUEL SUSULAK-KA ESAN-NA 25:28

Fe ampon neu atam-ma, salan ia. Tao leo bee-o, neukose Manetualain tao au Ama Maneng, no au Ama Maneng tititi-nonosin, da'di manek neu Israel, nana au Ama Maneng-nga natee-nata'ti soaneu Manetualain; ma nai au Ama Maneng fai maso'dan-na dalek, au Ama Maneng ta tao tatao-nono'i mangalauk fa.

SEMUEL SUSULAK-KA ESAN-NA 30:26

Lelek Dauk fali ne'un leo Ziglak neu boema, ana haitua bua-lo'a kakalok sila-la seli leo basa kota Yehuda mauli-malangan fo manatia-toban-nana, de nafa'da nae, “Bua palsen ia-la, neme bua-lo'a kakalok fo ami kalon neme Manetualain musun-nala mai, de ami fen neu emi.”