SEMUEL SUSULAK-KA ESAN-NA 18:1 - Susula Malalaok Hehelu Palak Ma Hehelu Beuk

^1-2 Saul no Dauk beekola basa boema, Saul so'u Dauk da'di ndia hataholi mana'a ngga'din, de mulai faik ndia boema, ana ta po'in fali leo ina-aman uman neu fa. Yonatan, fo Saul anamanen-na, namanene hala-kokolak sila-la. Dalen-na nahiik no Dauk boe, de ana sue-lain, sama leo ana sue-lai aoinan-na.

SEMUEL SUSULAK-KA ESAN-NA 18:1 ပူးပေါင်းရင်းမြစ်များ

KEJADIAN 44:30

Yehuda nafa'da Yusuf nae, “Hu ndia Tuan, metema ata ma fali leo ami amam meu te ami ta moo ami fa'dim ndia fa soona, tao leo bee o neukose mate ami amam. So'dan-na namahena neu ka'da ni'iana ndia, ma namalasin-nanseli so, de nalosa dale he'dik fo ami meni fen ndia, neukose neni mamates fen.

2 SEMUEL 1:26

Hai au tolanoong Yonatan, au daleng-nga, he'dis nanseli, nana o belim-ma, ba'un-na seli ba'eneu au. O susue-lalaim neu au-a, ba'u nanseli no dale katemak lena heni inak-ka susue-lalain.

1 TAWARIKH 12:17

Dauk neu natongo nos, de nafa'da nae, “Metema emi mai da'di leo tia-laik soaneu tulu-fali au soona, makabubua moo ami. Ami sipok emi no dale namahokok. Tehu metema emi sanga ke'di au, fo emi fe au leo musu neu soona, leomae au ta tao mangalauk neu emi fa, te Manetualain fo ita bei-ba'i kain sene-do'ok-ka bubuluk, de neukose Ana huku emi.”

MAZMUR 86:11

Ou Manetualain, manoli O hihii-nanaum neu au, fo ela au tungan no lilinekak; taom-ma au fe ha'da-holomata neu O, no dale katematuak.

AMSAL 18:24

Hapu tia-laik fo, ana ta lilineka fa, tehu hapu nggelok malole-na seli, neme tolanook esa mai.

ULANGAN 13:6

Metema, emi tolanom, do emi anatoum do anainam, do emi saoina susue-lalaim-ma, do emi tia-laim-mala, no denge-dengek, ala fufu'di-oodok emi, fo sene-do'ok neu lamatua daebafak fe'ek-kala, fo emi beita malalelak-kasa, ma emi bei-ba'i kaim-mala boeo beita lalelak-kasa fa, leoina fo manaleo deka do manaleo lai dook-ka, lamatua daebafak-nala,

KOLOSE 2:2

Au tao basa sila la, fo ela sila dale nala latea-lahele ma lasue-lalai ao nalosa tututi-nanato nala latea-lahele. No enok ndia, sila lalelak te'e-te'e ma lamahele boema ala bubuluk Manetualain dede'a nafufuni na, fo nde Kristus.

HAKIM-HAKIM 20:11

Hataholi Israel-la dalek esa soaneu leu sapu-la Gibea, enon-na leondiak.

SEMUEL SUSULAK-KA ESAN-NA 14:45

Tehu laun-na nafa'da Saul nae, “Ade Yonatan muse nanahukunisak do? Te se'kona ndia nde neni sesengik matuaina ia? Ta! Ami maheluk pake Manetualain fo maso'dak-ka na'den-na, mae ta bole mopo Yonatan langa doon esa boen, neme langan lain mai fa. Nanahu no Manetualain nde tutulu-fafalin de, ana hapu sesengik nai faik ia.” No enok ndia, laun-na soi-nala Yonatan neme mamates-sa mai.

SEMUEL SUSULAK-KA ESAN-NA 18:3

Hu ndia de, Yonatan soo, neukose ana tao tia-laik no Dauk losa dodoon-na.

SEMUEL SUSULAK-KA ESAN-NA 19:1

Saul nafa'da anamanen Yonatan, ma basa hataholi mana'a ngga'din-nala nae, ana sanga taonisa Dauk. Tehu Yonatan sue-na Dauk ba'un-na seli,

SEMUEL SUSULAK-KA ESAN-NA 19:2

hu ndia de, nafa'dan nae, “Au amang sanga enok, taonisa o; da'di manea matalolole! Balahaa fafaik soona, muu ke'ke nai mamana nafunik esa, fo mahele meme ndia.

SEMUEL SUSULAK-KA ESAN-NA 20:17

Da'di, soaneu ka la'i duan-na, Yonatan nadenu Dauk naheluk nae, neukose ana sue-lai ndia, nana ndia sue-lai Dauk sama leo ndia sue-lai ndia aoinan-na mesak-kana.

SEMUEL SUSULAK-KA ESAN-NA 20:8

Au oke tutulu-fafalik neme o mai, nanahu ita tao basa hengenee-balataak nai Manetualain matan so. Tehu, metema au asala soona, taomisa au, tehu boso fe au leo o amam neu.”

SEMUEL SUSULAK-KA ESAN-NA 22:8

Hu ka nde ndia de, emi malahalak fo la'ban au, de ta hapu hataholi esa boen, nafa'da au nae, au anang-nga nok touk fo mana'de Dauk ndia so hetu? Ta hapu hataholi esa boen, nai emi dalek, ana dudu'a-dodoo au aoinang-nga, do nafa'da au nae Dauk fo au solda'dung-nga, bei nahani fai loak soaneu ana taonisa au, ma nae au anang Yonatan nde nakatutuluk-kana!”

SEMUEL SUSULAK-KA ESAN-NA 23:18

Basa boema, Dauk no Yonatan tao hengenee-balataa tia-laik nai Manetualain matan. Basa boema, Yonatan fali ne'un leo uman neu, te Dauk leo nahele neme Hores.