SEMUEL SUSULAK-KA ESAN-NA 17:43 - Susula Malalaok Hehelu Palak Ma Hehelu Beuk

⁴³ Goliat nafa'da Dauk nae, “Ai tete'ek ndia, sosoan-na beek? Ade, o maedaenga au ia busa do?” Boema Goliat soo-supa Dauk nenik basa Goliat lamatua daebafa-nala na'den-na.

SEMUEL SUSULAK-KA ESAN-NA 17:43 ပူးပေါင်းရင်းမြစ်များ

KEJADIAN 27:29

Sa'di leo been-na leoinak-kala da'di o atam, ma leoina leo nala lakatele neu o. Sa'di leo been-na o koasa basa o tolano ka'a-fa'dim-mala, ma o inam tititi-nonosin sene-do'ok nai o matam. Sa'di leo been-na nanasoo-supak neu basa hataholi fo ana soo-supa o, ma nanaba'e-palak neu basa hataholi fo ana ba'e-pala o.”

2 SEMUEL 16:5

Lelek Dauk losa Bahurim boema, hataholi esa ana mai neme mamanak ndia mai, de neu deka no hataholi makadotok fo manatunga manek-ka, boema ana soo-supa Dauk. Hataholi ndia, na'de Simei, fo Gera anan-na, fo bei Saul tolanoo ka'a-fa'din ndia.

2 SEMUEL 16:9

Yoab fa'din Abisai, fo Zeruya anan-na, nafa'da manek-ka nae, “Tao le'e de, Ama Manek po'ilotak manatao tasi'bu ndia soo-supa Ama Manek? Po'i atam-ma, fo atam-ma te'te heni langan-na!”

2 SEMUEL 3:8

Boema, Abner namanasa nanseli, de nafa'da nae, “Ade, au Ama Maneng-nga, naedaenga au ia, alelesi Saul fo au ook Yehuda do? Neme makasososan mai-a, au lilineka neu Saul, fo Tuan aman, ma au lilineka neu tolanoo ka'a-fa'din, boema tia-lain-nala. Au tulu-fali basa au Ama Maneng so, nalosa Dauk ta bisa sengi fan. Leomae leondiak boe, au Ama Maneng nakamumulu-nakamamaek au, ka'da hu kande dede'a ina-anafe'ok-ka.

2 SEMUEL 9:8

Mefiboset sene-do'ok seluk, ma nafa'da nae, “Atam ia, sosoa-ndandaan beek! Tao le'e de, Ama Manek malole nanseli neu atam-ma?”

1RAJA-RAJA 20:10

“Neukose ami manem-ma haitua solda'du makadotok nanseli mai fo ala tao lakalulutuk o kotam-ma, nalosa bei ela afu manai o kotam-ma ta dai ala la'u lenik sila liman-na fa. Ana soo fo ela basa lamatua daebafak-kala hukun ma lena-lenak ala taolisan, metema ana ta tao natetu dede'ak ndia fa!”

2RAJA-RAJA 8:13

Boema, Hazael nataa nae, “Ah, au ia hataholi sosoa-ndandaa taak, de hapu nai bee, au anuu koasa matuaina ndia!” Tehu, Elisa nataa nae, “Manetualain natu'du basa au, nae neukose, o da'di mane Siria.”

AMSAL 26:2

Sama leo manupui-a laa-laa nai lalai, leondiak boe, soo-supak ta bisa la'e, hataholi sala taak-ka fa.

BILANGAN 22:6

Hataholi sila-la, balakain-na lena heni ami. Da'di, mai leona! Fo supa-soos soaneu au. Fafa'kama ami hapu sengis, fo ami usi henis leme nusak ia mai. Nana au amahele, metema o fe hataholi baba'e-papalak soona, neukose ana hapu baba'e-papalak, ma o supa-soo hataholi soona, neukose ana hapu supa-sook.”

HAKIM-HAKIM 9:27

Leu seu angol nai osi angol-la, boema ala nasu angol, fo ala tao feta. La'a-linu nai sila lamatua daebafan-na, mamana sosongon-na, boema ala soo-supa Abimelekh lae,

SEMUEL SUSULAK-KA ESAN-NA 14:12

Basa boema, laloo bebou neu Yonatan no atan-na lae, “Kae leo ia mai, fo daenga ami matu'du emi hata esa!” Boema Yonatan nafa'da touanak ndia nae, “Tunga au leona, te Manetualain fe basa hataholi sila neu Israel so.”

SEMUEL SUSULAK-KA ESAN-NA 24:14

Ama Manek nalelak dede'a bini makahulun eli esa, nde ia nae, ‘Ka'da hataholi mangalauk-ka nde, tao tatao-nono'i mangalauk-ka.’ Hu ndia de, neukose atam-ma ta tao nahe'di Ama Manek fa.

SEMUEL SUSULAK-KA ESAN-NA 24:15

Taoafik neu atam, fo mane Israel-la sanga taonisan ia. Mete atam fo nanausi do'e-do'ek ia! Atam-ma, ka'da busa mates esa, ma utu esa mesak-kana.