SEMUEL SUSULAK-KA ESAN-NA 17:40 - Susula Malalaok Hehelu Palak Ma Hehelu Beuk

⁴⁰ Basa boema, ana ho'in-na aitete'e foo bi'in-na, de ana helen-na batu bobongok 5 neme lee dale mai, boema ana taos leo ba'du-na sakun dale neu. Ma ana sadia-na pipilun-na nai liman dale so, de neu natongo no Goliat.

SEMUEL SUSULAK-KA ESAN-NA 17:40 ပူးပေါင်းရင်းမြစ်များ

MATEOS 10:10

Boso mini alukosu doik boe, do bua papakek biak dua nai emi leleo-lala'o ma dalek, do tabueis, do ai tete'ek boe. Nanahu hataholi mana maue-male'di kala, nandaa nanafe ngga'di.

HAKIM-HAKIM 3:31

Mauli-malangan sila-la nde Samgar fo Anat anan-na. Ndia boeo, natee-nata'ti, de ana soi-po'i hataholi Israel-la. Ana taonisa hataholi Filistin natun nee, nenik aitete'e foo sapin-na.

SEMUEL SUSULAK-KA ESAN-NA 17:39

Mate'en-na, Dauk pa'a Saul tafainan-na neu ba'du besi ndia, boema ana la'ok so'ba, tehu ana ta bisa fa, nanahu Dauk ta biasa pake bua papake musu fa. Dauk nafa'da Saul nae, “Atam-ma ta bisa la'ok no pake bua papakek ia fa. Atam-ma ta biasa pake fan.” Boema ana o'du heni bua papakek sila-la lala'en-na.

SEMUEL SUSULAK-KA ESAN-NA 17:41

Dodoo faa boema, Goliat manaho'u babaa fanan-na nakahuluk, ma Goliat tunga dean-na, de ana la'ok deka no Dauk.