SEMUEL SUSULAK-KA ESAN-NA 17:32 - Susula Malalaok Hehelu Palak Ma Hehelu Beuk

³² Dauk nafa'da Saul nae, “Ama Manek, ta paluu ita bii hataholi Filistin ndia fa! Au sadia basa, soaneu la'ban hataholi ndia.”

SEMUEL SUSULAK-KA ESAN-NA 17:32 ပူးပေါင်းရင်းမြစ်များ

MAZMUR 3:6

Au angape'uk, de au sungu no nee-nee lino-linok, ma au fo'a seluk, nana Manetualain tia-to'ba au.

YESAYA 35:4

Mafa'da hataholi fo, dale ba'ihanak-ka mae, “Matetea-mahehele o dalem-ma, ma boso bii, te O Manetualaim-ma mai soaneu huku musu-la, Ana mai soi-tefa-nala emi.”

YESAYA 7:4

Mafa'da manek-ka, mae ana muse naheheleaon, tehu dalem-ma boso ba'ihana. Ana ta bole bii-namata'u do napangamak fa. Manek Pekah ma Manek Rezin-na loo solda'dun-nala, fo hataholi Siria sila-la, nasa-melun-nala ta lenak neme ha'ilute makamamasuk dua mai fa.

BILANGAN 13:30

Tehu Kaleb nakatetesa-nakatatamak hataholi fo dalen-na falahaa neu Musa. Kaleb nae, “Ita muse sapu-ta nusak ndia, fo ata loso-tan besak ia boe, nanahu ita balakain-na dai, soaneu ita sengis.”

BILANGAN 14:9

Boso la'ban Manetualain, ma boso bii-mamata'u neu hataholi manaleo manai nusak ndia, nana neukose ita sengis, no mu'dak. Nana manamasulu-mahapas-sala, ana la'oelas so, de Manetualain nook ita. Da'di boso bii-mamata'u.”

IBRANI 12:12

Hu ndia de, tao balakai emi limam mana ndole-ndaku mala, ma emi lungulanga mana delem ndia!

YOSUA 14:12

Hu ndia de, besak ia, fe nusa letelepak fo Manetualain helu basa, fen neu au so, nai lelek au ma hataholi fo sama-sama loo au fali ma'im-ma, fo ami meni hala nafa'dak. Nai lelek ndia, o mamanene matam, lae hataholi ao matuaina ma ei madema-la lai naa, fo lokes soona lae, leoina Enak. Ala leo lai kota-kota matuaina-la, lanuu papala nanadamak. Fafa'kama, Manetualain, neukose Ana tulu-fali au, nalosa au hapu usi henis, sama leo Manetualain nafa'dak-ka.”

SEMUEL SUSULAK-KA ESAN-NA 14:6

Boema Yonatan nafa'da touanak manaho'u tee-tafan ndia nae, “Mai fo ata teu leo hataholi Filistin dinitiu sila-la, uma nanean-na teu. Fafa'kama Manetualain nau tulu-fali ita. Nana Manetualain hapu fe sesengik neu, nau nenik hataholi makadotok, do hataholi lumanak boe.”

SEMUEL SUSULAK-KA ESAN-NA 16:18

Lamanene dede'ak ndia boema, atan esa nafa'da nae, “Kota Betlehem-ma laun esa, na'de Isai, anatouanan esa nakaminak nalelak sasanu. Hataholi ndia palani, ma solda'du malole esa. Bai te, aon-na makadelek ma malela dede'ak, ma Manetualain tulu-falin tataas esa.”

SEMUEL SUSULAK-KA ESAN-NA 17:31

Tehu hataholi de'ubee, lamanene Dauk hala-kokolan, de landuku-lalosak-kana neu Saul, da'di Saul naloo Dauk neu nataa.