SEMUEL SUSULAK-KA ESAN-NA 16:14 - Susula Malalaok Hehelu Palak Ma Hehelu Beuk

¹⁴ Manetualain Duladalen-na la'oela Saul so, de besak ia, Manetualain nadenu duladale mangalauk-kala tao doi-doson.

SEMUEL SUSULAK-KA ESAN-NA 16:14 ပူးပေါင်းရင်းမြစ်များ

2 SEMUEL 7:15

Tehu, neukose Au ta tao mangalauk neu fan, nandaa no Au hehelu-balataang. Neukose, Au ho'u ahele Au hehelu-balataang soaneun, de ta sama leo Au taon neu Saul, fo Au keko heok-kana neme kandela nangatutuun lain mai, fo ela o bisa da'di manek.

1RAJA-RAJA 22:19

Mikha nafa'da seluk nae, “Besak ia, mamanene hata fo Manetualain nafa'dan! Au ita Manetualain nangatuuk nai kandela Mandela-masa'an lain nai nusa so'dak-ka, ma basa ata nusa so'da nala lapadeik deka loon.

1RAJA-RAJA 22:22

Manetualain natane nae, ‘Eno na tao leo beek?’ Dula dalek ndia nataa nae, ‘Neukose au u fo au tao a basa Ahab nabi nala lasapepeko-lasandandali.’ Manetualain nae, ‘Hei, taon leona, neukose o hapu fufu'di man.’ ”

MAZMUR 51:11

Lepos masafali O mata-panam neme au sala-singong mai, ma lose heni basa au salang-ngala lala'ena.

HOSEA 9:12

Tehu leomae hapu ni'iana-la nanabongik, fo lakaboboin losa namatua boe, neukose Au ho'i alas. Neukose, Au ta po'ilotak esa boen, bisa naso'da fa. Hai leoina Israel-la lemin, metema Au la'oela emi soona, soe ba'eneu emi!”

HAKIM-HAKIM 16:20

Boema, ana nggasi ma nae, “Simson! Hataholi Filistin-nala mai!” Simson fo'a, de naedaenga ana hapu natapo'i, sama leo nai fai-fai maneuk-kala. Ana ta bubuluk, nae Manetualain la'oelan so.

HAKIM-HAKIM 16:29

Basa ndia boema, Simson ho'un-na dii ka duak manai tala'da, fo manatia-toba uma ndia. Boema, ana to'ba lima kiin-na neu dii esa, ma lima konan-na neu dii esak-ka, ma

HAKIM-HAKIM 9:23

Boema, Manetualain nakadada'dik musu-a, fo ela Abimelekh musu no hataholi Sikhem-mala, nalosa ala la'ban Abimelekh.

SEMUEL SUSULAK-KA ESAN-NA 11:6

Saul namanene halak ndia boema, Manetualain Duladalen-na koasa-nan.

SEMUEL SUSULAK-KA ESAN-NA 16:15

Hu ndia de, Saul atan-nala lafa'dan lae, “Ami bubuluk mae Manetualain nadenu duladale mangalauk-kala, tao doi-doso Ama Manek.

SEMUEL SUSULAK-KA ESAN-NA 16:16

Metema, Ama Manek nau soona, ami sadia basa, meu sanga hataholi makaminak nalelak kecapi esa. Neu faik bee fo duladale mangalauk-kala tao doi-doso Ama Manek soona, hataholi ndia nakaminak kecapi-na, fo Ama Manek dalen-na tesa-tama seluk.”

SEMUEL SUSULAK-KA ESAN-NA 16:23

Mulai neme ndia mai, metema duladale mangalauk-ka masok leo Saul dalek neu soona, Dauk ho'in-na sasanun-na, fo nakaminak-kana. Boema Saul name'da dalen-na tesa-tama ma nee-nee lino-lino seluk, nanahu duladale mangalauk ndia kalua so.

SEMUEL SUSULAK-KA ESAN-NA 18:10

Balahaa, fo lelek Saul bei nai uman dale no ana ho'u teen-na, te no kaiboik duladalek mangalauk fo Manetualain nadenuk-ka, koasan-nan, nalosa natutu-nafepa sama leo hataholi kamulus-sa. Lelek ndia, Dauk bei nakaminak kecapi sama leo mandoo fai-a.

SEMUEL SUSULAK-KA ESAN-NA 18:12

Saul name'da nae Manetualain nasulu-nahapa Dauk, te Manetualain la'oela ndia so. Hu ndia de, ana bii nanseli neu Dauk.

SEMUEL SUSULAK-KA ESAN-NA 28:15

Basa ndia boema, Semuel nafa'da Saul nae, “Tao le'e de, o taom-ma au daleng-nga ta tesa-tama fa? Tao le'e de, o maloo falik au?” Boema, Saul nataa nae, “Au apangamak anseli, nanahu hataholi Filistin-nala sapu-la au, tehu Manetualain la'oela au so. Ana ta nataa au so'on, nau tunga basa nabi-la, do tunga me'i-afek boe. Hu ndia de, au dokodoe neu Ama, fo ela Ama nafa'da au muse tao beek.”