SEMUEL SUSULAK-KA ESAN-NA 15:8 - Susula Malalaok Hehelu Palak Ma Hehelu Beuk

^8-9 Saul taonisa la'iesak Amalek laun-nala ma solda'dun-nala. Tehu Saul no solda'dun-nala ho'u-la Agag, fo hataholi Amalek-kala manen-na, tehu ala ta taolisa fan, leondiak boe, bi'ilopon-nala ma sapi ao neulaun-nala, sapianan-nala ma bi'ilopoana maaon-nala, ma hata-heto mabelin lala'en-na; ala taolisa ka'da bana-manu nggo'dadui ma beli taak-kala.

SEMUEL SUSULAK-KA ESAN-NA 15:8 ပူးပေါင်းရင်းမြစ်များ

1RAJA-RAJA 20:30

Hataholi fo manaladeak-ka, lalai leo kota Afek ka leu, tehu ndefaheni kota ndia papala nanadama na de ana tuni na sila hataholin lifun duahulu hitu. Benhadad boeo nalai leo kota ndia neu, de ana ke'ke nai uma esa kaman dalek.

1 TAWARIKH 4:43

Ala taolisa bei ela hataholi Amalek-kala, boema neme lelek ndia mai, ala leo lahele leme ndia.

ESTER 3:1

Basa faik de'ubee boema, Mane Ahasyweros-sa so'u touk esa na'de Haman, fo da'di malangan neu basa malangan-nala. Haman nde been-na, Hamedata anan, fo neme Agag bobongin-na mai.

IMAMAT 27:29

Nakalenak, hataholi fo nanafe hehelik neu Manetualain soaneu tao namopo-namaten soona, ta bole soi falik-kana fa; muse taonisan.

BILANGAN 24:7

Ala hapu u'da oe-a, sasi kao-kao, bubu'u-palusa bini-nggen, hapu oe makadotok. Manen-na, neukose tetu-temak, lena heni Agag, ma nusan-na, neukose nananamatutua-namadedemak.

YOSUA 10:39

Yosua loso-na kota ndia no manen-na, ma basa kota fe'ek manai titia-tatain-nala. Ana taonisa la'iesak hataholi manai sila-la. Yosua tao Debir no manen-na, sama leo ana tao Hebron ma Libna, boema manen-na.

YOSUA 11:12

Yosua nangatuun-na la'iesak kota sila-la, ma ana ho'un-na manen-na, de ana taonisan, nandaa no Musa fo Manetualain atan ndia, paletan-na.

YOSUA 8:23

ela ka'da kota Ai manen-na. Ala ho'u-lan, de loon neu nataa Yosua.

SEMUEL SUSULAK-KA ESAN-NA 15:20

Saul nataa nae, “Au tunga Manetualain, paletan-na so, ma au u atee-atati nandaa no hala-hehelun neu au-a; au foo uni Agag fo Amalek manen-na, da'di hataholi nanafook, ma au taoisa la'iesak hataholi Amalek-kala so.

SEMUEL SUSULAK-KA ESAN-NA 15:3

Da'di, muu leona, fo sapu-ma hataholi Amalek-kala, fo tao makalulutuk hata-heton-nala lala'en-na. Boso ela hata esa boen; taomisa la'iesak touk-kala, inak-kala, ni'iana-la ma ni'iana bongi beuk-kala; boeo sapi, bi'ilopo, onta ma keledei.”

SEMUEL SUSULAK-KA ESAN-NA 22:19

Saul boeo, ana paleta fo taolisa laiesak laun Nob, fo imam Ahimelekh-ka kotan-na; muse taonisa la'iesak touk, inak, ni'iana, ni'iana nanabongi beuk, sapi, keledei ma bi'ilopo boe.

SEMUEL SUSULAK-KA ESAN-NA 30:1

Basa faik dua boema, Dauk no solda'dun-nala fali le'us leo Ziklag leu. Lelek ala losa naa boema, ala hapu halak lae hataholi Amalek-kala, sapu-la nusa Yehuda boboan kona, ma ala sapu-la Ziklag boe. Ala ta taolisa hataholi esa boen. Tehu ala hotu heni kota ndia, de ala la'ok lakandoo sila leleo-lala'on, no loo inak-kala, ni'iana-la, ma laun fe'e-fe'ek-kala. Ala foo leni Dauk no solda'dun-nala teidalen-nala boe, fo Dauk saoinan duas, fo nde Ahinoam ma Abigail, lai dalek boe. Dauk no solda'dun-nala dalen-nala he'dis nanseli, nalosa ala ta hahae kikii-makaleleuk-ka fa, losa ala sota-mangu lanseli.