SEMUEL SUSULAK-KA ESAN-NA 15:3 - Susula Malalaok Hehelu Palak Ma Hehelu Beuk

³ Da'di, muu leona, fo sapu-ma hataholi Amalek-kala, fo tao makalulutuk hata-heton-nala lala'en-na. Boso ela hata esa boen; taomisa la'iesak touk-kala, inak-kala, ni'iana-la ma ni'iana bongi beuk-kala; boeo sapi, bi'ilopo, onta ma keledei.”

SEMUEL SUSULAK-KA ESAN-NA 15:3 ပူးပေါင်းရင်းမြစ်များ

2 SEMUEL 1:8

Boema natane, see atam-ma, de atam-ma tuin nae atam ia, hataholi Amalek.

KELUARAN 17:14

Manetualain nafa'da Musa nae, “Sulak-ma sesengik ia, fo ela nananafandendelek nahele. Mafa'da Yosua, mae neukose Au tao amopo-amate hataholi Amalek-kala.”

KELUARAN 20:5

Boso sene-do'ok neu dodoki-dudulak matak leondiak-ka, nanahu Au nde emi Manetualain, de Au ta nau makasasamak-kana no hata esa boen. Hataholi fo nakamuu-nakadau Au-a, Au hukun losa tititi-nonosi ka telu ma ka 4.

BILANGAN 24:20

Basa boema, nai ninitak ndia dalek, Bileam nita hataholi Amalek-kala. Boema, ana kokolak hala nafa'da elak ia, “Neme basa leoina manai daebafak-ka lala'en-na, Amalek nde manakoasa matuaina. Tehu neu mate'en-na te, leoina ndia, neukose mopok-kana losa dodoon-na boe.”

BILANGAN 31:17

Nah, besak ia, taomisa ni'iana touanak lala'en-na, ma basa inak lala'en fo, ta matatema so'on.

YOSUA 10:39

Yosua loso-na kota ndia no manen-na, ma basa kota fe'ek manai titia-tatain-nala. Ana taonisa la'iesak hataholi manai sila-la. Yosua tao Debir no manen-na, sama leo ana tao Hebron ma Libna, boema manen-na.

SEMUEL SUSULAK-KA ESAN-NA 14:48

Natee-nata'ti no napalanik nanseli, de ana sengi hataholi Amalek-kala, boema ana soi-po'i Israel neme nakodaa-la koasan-na mai.

SEMUEL SUSULAK-KA ESAN-NA 15:18

bai te, Manetualain nadenu Ama Manek tao namopo-namate hataholi Amalek mangalauk sila-la. Nananadenuk Ama Manek, fo matee-mata'ti la'ban hataholi sila, losa basas la'iesak-kasa.

SEMUEL SUSULAK-KA ESAN-NA 22:19

Saul boeo, ana paleta fo taolisa laiesak laun Nob, fo imam Ahimelekh-ka kotan-na; muse taonisa la'iesak touk, inak, ni'iana, ni'iana nanabongi beuk, sapi, keledei ma bi'ilopo boe.

SEMUEL SUSULAK-KA ESAN-NA 27:9

Ana taonisa la'iesak touk-kala ma inak-kala, boema ana kalo neni bi'ilopo, sapi, keledei, onta, boema papake-ngganggaok boe. Basa boema, ana fali ne'un, de neu leo Akhis neu.

SEMUEL SUSULAK-KA ESAN-NA 30:17

Nai lelek neu fai balahaan-na, dulufula boema, Dauk sapu-nalas, de natee-natatik-ka losa le'odae. Musu-a hataholin esa boen, ta hapu nala deak fa, de maso'dak ka'da ta'eanak natun haa, nana ala sa'e onta de lalai.