SEMUEL SUSULAK-KA ESAN-NA 15:24 - Susula Malalaok Hehelu Palak Ma Hehelu Beuk

²⁴ Saul namanene dede'ak ndia boema, ana manaku neu Semuel nae, “Memak au asala-asingo so. Au la'olena Manetualain paletan-na, ma au ta taoafik neu Ama natutu'dun-na fa. Au bii au solda'dung-ngala, boema au tao atetu nonoken-nala.

SEMUEL SUSULAK-KA ESAN-NA 15:24 ပူးပေါင်းရင်းမြစ်များ

KEJADIAN 3:12

Touk ndia nataa nae, “O fe au inak fo, ana da'di au tia-laing ndia, nde fe au ai ndia boan-na, boema au u'an so.”

KEJADIAN 3:17

Boema Manetualain nafa'da touk ndia nae, “O mamanene o saoinam-ma hala-kokolan, de o mu'a ai fo, Au kena-ka'ik ndia boan-na so. Hu kande o tatao-nono'im ndia, de dae-a nanasoo-supak. O muse maue-male'di no puse ti'tik, nai o fai maso'dam-ma dalek, fo ela dae ia, bisa fe buna-boa manadaik soaneu o nana'a-nininum.

2 SEMUEL 12:13

Boema, Dauk nafa'da Natan nae, “Au asala-asingo basa neu Manetualain so.” Boema Natan nataa nae, “Manetualain fe do'o do ampon neu Ama Manek so; da'di neukose ta mate Ama Manek fa.

AYUB 31:34

Au ta bii-amata'u neu lea hahapun-na fa, ma au ta afaduli hataholi-a, nakamumulu-nakamamaen-na fa. Beita la'i esa fo, au ahele eme uma, do au dedenge fa, ka'da hu kande, au bii neukose lakamumulu-lakamamaek au.

MAZMUR 51:4

Safe-saa au tatao-nono'i mangalaung lala'ena; tao balisi au neme au sala-singong-nga mai.

KELUARAN 10:16

No lai-laik, manek-ka naloo Musa no Harun, boema nafa'da nae, “Au asala-asingo basa neu Manetualain, fo emi Manetualaim-ma, ma neu emi so.

KELUARAN 23:2

Boso tunga hataholi ba'u, metema ala tao salak do ala ta tunga hoholo-lalanek no matetun-na nenik ala fe sakasii pepekok.

KELUARAN 9:27

Boema, manek-ka naloo Musa no Harun, de nfa'da nae, “Au asala-asingo so. Manetualain nde ndoos-sa, te au ma au laung-ngala, tao salak so.

AMSAL 29:25

Bii-mamata'u hataholi dede'a kokolan soona, neninin-na toto'a-tataak. Mamahele neu Manetualain soona, neukose o nee-nee lino-linok.

YEREMIA 38:5

Manek Zedekia nataa nae, “Hei! Taon sama leo emi dale hihiim-ma, te au ta kena-ka'i emi fa.”

BILANGAN 22:34

Boema Bileam nataa nae, “Au asala-asingo so. Au ta bubuluk, ae Tuan napadeik nai enok-ka tala'da, fo napangge au fa. Tehu besak ia, tunga Tuan hahapun-na, metema au la'ok akandoo soona, ta malole fa, de neukose au fali.”

MATEOS 27:4

Neu boema nafa'das nae, “Au asala-asingo so, nana au ke'dindiu hataholi sala tak ndia de nalosak nanahuku nisak!” Tehu lafa'dan lae, “Ami ta mafaduli fa. O dede'am ndia!”

GALATIA 1:10

Ade no enok ndia fo meten soona, nonoo ka bai de, au amahena hataholi daebafa ka, manaku au do? Ta leondiak fa! Au amahena ka'da Manetualain nde manaku au a. Ade au bei sanga enok fo, au ho'i hataholi daebafa ka dale na, fo ela ala manaku au do? Metema au bei tao leondiak soona, Kristu satan ta au fa.

NINITAK 21:8

Tehu hataholi manabii-mamata'u ka, hataholi kamahehele tak, hataholi mangalauk, kanisa ka, hataholi manasosoa-piao ka, hataholi manapake malela suangi la, manasongo-tango ka, ma basa mana masapepeko-masandandali kala, neukose nanatapak leo tasi ha'i ma belerang manapila lo'a-lo'a ka dalek leu. Ia nde mamate kala'i dua.”

SEMUEL SUSULAK-KA ESAN-NA 15:15

Saul nataa nae, “Bana sila-la, bana kakalok neme hataholi Amalek-kala mai. Laun-nala ho'i-la bi'ilopo ma sapi maao-la, fo ala tunu-hotun da'di leo tutunu-hohotuk neu Manetualain fo o Manetualaim-ma. Tehu ami taomisa la'iesak ala tunu-hotu ela bana-la.”

SEMUEL SUSULAK-KA ESAN-NA 15:30

Saul nataa nae, “Au asala-asingo basa so. Tehu Ama sue-na, fali sama-sama moo au, fo ela au hapu sene-do'ok neu Manetualain fo Ama Manetualain-na. No enok ndia, Ama fe ha'da-holomata neu au, nai basa au mauli-malangan leoina-la matan, ma nai nusak Israel-la lala'en-na.”

SEMUEL SUSULAK-KA ESAN-NA 2:29

Da'di, tao le'e de emi bei tenepeta lita tutunu-hohotuk fo nandaa no Au paletang-nga, fo Au leoinang-nga, tunu-hotu fen neu Au? Tao le'e de, o fo Eli, fe ha'da-holomata neu o anam-mala, lena neme o fe ha'da-holomata neu Au, ma o po'ilotak-kasa tao laao aoinan-nala nenik baba'ek neulauk-kala, neme basa tutunu-hohotuk fo Au leoinang-nga tunu-hotun soaneu Au?

SEMUEL SUSULAK-KA ESAN-NA 26:21

Boema, Saul nataa nae, “Au tao salak so. Dauk, anang-ngo, fali leona! Neukose au ta tao mangalauk neu o so'on, nanahu le'odaek-ka, o ta taomisa au fa. Tete'ek-ka, au ha'da-paliing nggoak. Au asala te'e-te'e so!”