SEMUEL SUSULAK-KA ESAN-NA 14:23 - Susula Malalaok Hehelu Palak Ma Hehelu Beuk

²³ Latee-lata'ti su'di enok-ka nanalun-na, losa ala seli Bet-Awen. Nai faik ndia dalen-na, Manetualain soi-tefa-na Israel.

SEMUEL SUSULAK-KA ESAN-NA 14:23 ပူးပေါင်းရင်းမြစ်များ

2RAJA-RAJA 14:27

Manetualain ta nanuu dudu'ak soaneu tao nakalulutuk Israel, losa dodoon-na fa, hu ndia de, Ana tulu-falis tunga mane Yerobeam II.

2TAWARIKH 32:22

Enon-na leondiak, Manetualain soi-po'i Manek Hizkia ma laun Yerusalem-mala leme manek Sanherib-pa koasan-na mai ma, ma neme sila musu fe'e-fe'en-nala mai. Manetualain fes maso'da nee nee-lino lino-ka de ala ta hapu nakasese'bok neme nusaina manai sila titia-tatain-nala mai fa.

KELUARAN 14:30

Nai faik ndia, Manetualain soi-tefa-na leoina Israel-la neme hataholi Masir-ra mai, ma lita hataholi Masir-ra popolan-nala benggela nai tasi su'un-na.

HOSEA 1:7

Tehu neukose, Au sue-lai leoina Yehuda. Au Manetualain, fo sila Manetualain-na, neukose soi-tefa alas, tehu ta nenik natee-natatik, boeo ta nenik tafaina do kokouk do manasa'e ndala-la fa.”

ULANGAN 20:4

Emi Manetualaim-ma, Ana tunga fo Ana tulu-fali emi, fo Ana fe emi sengi.’

YOSUA 7:2

Nai lelek ndia, Yosua nadenu hataholi de'ubee, leme Yerikho leo Ai leu, fo kota esa nai Betel boboan dulu, deka no Bet-Awen. Ladenu hataholi sila leu palisak lutu-lutuk nusak ndia. Lakalala'ok basa sila bela-ba'un ndia boema,

HAKIM-HAKIM 2:18

Metema Manetualain fe leoina Israel-la mauli-malangan esa soona, Manetualain tulu-fali mauli-malangan ndia do'e-do'e. Ma nai lelek mauli-malangan ndia bei naso'da, Manetualain soi-po'is do'e-do'e leme musun-nala mai. Metema namanenes ala hoonggu'u, nanahu ala fepa-li'us, ma ala tuni-ndenis soona, dalen-na ta tu'da kasian neu fas.

SEMUEL SUSULAK-KA ESAN-NA 10:19

Au soi-po'i emi neme basa doidosok ma honggu'uk lala'en-na mai so, tehu besak ia, emi ta sipok Au, fo emi Manetualaim-ma fa, nanahu emi moke, fo ela Au atu'du fe emi manek esa. Nah, malole so, de makabubua nai Au, fo emi Manetualaim Manakoasam-ma matan, tunga emi esa-esak leon.’ ”

SEMUEL SUSULAK-KA ESAN-NA 13:5

Ndia te, hataholi Filistin-nala boeo lakabubua basa fo sapu-la hataholi Israel-la; sila solda'dun manasa'e kaleta lifun teluhulu solda'du manasa'e ndala lifun nee, ma solda'du-anak de'u solokaek manai tasi su'un-na. Ala ofu nai Mikhmas, fo nai Bet-Awen boboan dulu.

SEMUEL SUSULAK-KA ESAN-NA 9:16

“Balahaa fafaik, fafa'kama li'u ba'u ia, neukose Au adenu hataholi esa neme leo Benyamin-na mai, neu natongo no o. So'u hataholi ndia, nenik lose mina neun, fo ana da'di manek neu Au anang Israel. Neukose ana soi-tefa-na Au anang-ngala leme hataholi Filistin-nala mai. Au ita basa Au anang-ngala doi-doson ma kikii-makaleleun loke tutulu-fafalik so.”