SEMUEL SUSULAK-KA ESAN-NA 14:19 - Susula Malalaok Hehelu Palak Ma Hehelu Beuk

¹⁹ Lelek Saul bei kokolak no imam ndia te, nakalupuk manai hataholi Filistin-nala mamana ofun-na boetai nakadele, nalosa Saul nafa'da imam ndia nae, “Ita ta hapu seluk loak soaneu toke natutu'duk neme Manetualain mai so'on!”

SEMUEL SUSULAK-KA ESAN-NA 14:19 ပူးပေါင်းရင်းမြစ်များ

MAZMUR 106:13

Tehu no lai-laik, ala lafandele heni Manetualain tatao-nono'in, de ala tao no, ta loke nanoli-nafa'dan fa.

YESAYA 28:16

Hu ndia de, Manetualain Fo Mademainan-nafa'da nae leo ia, “Neukose, Au tao uma latek fo, matea ma mahelek nai Sion; batu bu'uk kabelik esa, fo nanasulak nai batu ndia nae, ‘See fo namahehelena matea-mahelek soona, neukose ana ta nau kala fa.’

BILANGAN 27:21

Yosua muse noke natutu'duk neme Imam Eleazar-ra mai, ma Eleazar muse natane Au hihii-nanaung nenik ana pake Urim ma Tumim. No enok ndia, hela-nole Yosua, ma basa leoina Israel-la lala'en-na, nai basa dede'ak lala'en fo latongo loon.”

YOSUA 9:14

Boema hataholi Israel-la, sipo-la, hataholi Gibeon sila nana'a-nininun faaanak, te ta latane Manetualain la'eneu dede'ak ndia fa.

SEMUEL SUSULAK-KA ESAN-NA 13:11

tehu Semuel natane nae, “Ama Manek tao hata so?” Saul nataa nae, “Au ita laun-na, mulai la'oela au, te Ama mai ta nandaa no li'u fo Ama naketu-ka fa. Bai te, hataholi Filistin-nala lakabubua nai Mikhmas so.

SEMUEL SUSULAK-KA ESAN-NA 14:20

Boema, Saul no hataholin-nala tutulumatak landaa, leo mamana natee-natatik-ka dale leu. Nai ndia, lita hataholi Filistin-nala esa tasibu no esa; esa sapu-na esa, ma esa taonisa esa.

SEMUEL SUSULAK-KA ESAN-NA 14:24

Nai faik ndia, hataholi Israel-la beemale ma lamala'a, nana Saul soo-supa basa nae, “Metema au beita balas au nape'da daleng-nga neu au musung-ngala fa soona, nanasoo-supak ba'eneu hataholi fo na'a su'di beek-ka nai faik ia.” Hu ndia de, nai faik ndia dalen-na, hataholi esa boeo, ta na'a fa.

SEMUEL SUSULAK-KA ESAN-NA 30:7

Boema, Dauk nafa'da Imam Abyatar, fo Ahimelekh anan-na nae, “Meni ba'du babaa fanak ndia, leo ia mai!” Boema, Abyatar neni fen ba'du babaa fanak ndia.