SEMUEL SUSULAK-KA ESAN-NA 14:10 - Susula Malalaok Hehelu Palak Ma Hehelu Beuk

¹⁰ Tehu, metema ladenu ita teu leo sila teu soona, neukose ita teu leo naa teu, nanahu ndia nde da'di ta'du-tana nae, Manetualain fe basa sila neu ita so.”

SEMUEL SUSULAK-KA ESAN-NA 14:10 ပူးပေါင်းရင်းမြစ်များ

KEJADIAN 24:14

Neukose au afa'da anafe'oanak sila-la esa ae, ‘Sue-na, makona o nggusim-ma, fo fe au oe faa dei.’ Metema, nataa nae, ‘Minu leona, ma au fe Ama onta nala linu boe!’ soona ndia nde, O helen soaneu O atam Isak. Metema, dede'ak ndia da'di soona, neukose au bubuluk, ae O madale malole neu au tuang Abraham.”

2RAJA-RAJA 20:9

Yesaya nataa nae, “Neukose, Manetualain fe Ama Manek ta'du-tana, nae Ana tao natetu, hala hehelun-na. Besak ia, bee kande, Ama Manek nahiik-kana: le'do-a salaon-na, nai dii fo Manek Ahas-sa taok-ka, ana tutulumatak nggani eik 10, do nakadedeak, nggani eik 10?”

KELUARAN 3:12

Manetualain nataa nae, “Neukose, Au tulu-fali o. Ma metema o moo leoina ndia kalua neme Masir mai soona, neukose emi sene-do'ok neu Au nai letek ia. Ndia da'di buti, nae Au adenu o.”

HAKIM-HAKIM 6:36

Boema, Gideon nafa'da Manetualain nae, “Manetualain, O mafa'da basa, mae O nau pake au soaneu soi-po'i hataholi Israel-la.

HAKIM-HAKIM 7:11

Mahani te, neukose o mamanene hata, fo musu-a kokolak-kana, soona dede'ak ndia, ana tao-na o mapalani sapu-malas.” Boema Gideon no Pura leu leo dae too no musu-a.

SEMUEL SUSULAK-KA ESAN-NA 10:7

Metema, basa sila-la da'di soona, tao su'di beek fo o dodoo-nana malole, nanahu Manetualain no o.

SEMUEL SUSULAK-KA ESAN-NA 14:9

Metema, ladenu ita tate'e, fo tahani losa ala mai, soona neukose ita tahele teme ka'da mamanak ndia, fo ata boso lena leo selik teu.