SEMUEL SUSULAK-KA ESAN-NA 13:7 - Susula Malalaok Hehelu Palak Ma Hehelu Beuk

⁷ Nggelok lena Lee Yarden-na boe, de leu leo Gat no Gilead nusan-dale leu. Saul bei nai Gilgal, ma laun manatungan-nana, ala dele bengge'be no bibii-ka.

SEMUEL SUSULAK-KA ESAN-NA 13:7 ပူးပေါင်းရင်းမြစ်များ

IMAMAT 26:17

Neukose, Au huku emi, nalosa emi musu-mala sengi emi, ma hataholi fo ta lahiik loo emi fa, ana koasa emi. Neukose, emi bii-mamata'u manseli, nalosa leomae hataholi ta usi emi fa te, emi malai.

ULANGAN 20:8

Basa solda'du matuaina-la boeo, muse lafa'da dede'ak ia neu emi lae, ‘Ade, nai emi dalek, hapu hataholi tene manahailuak ma manabii-mamata'uk do? Metema hapu soona, ana bole fali ne'un, fo ela ana boso taon-na hataholi fe'ek mopo palanin-na.’

ULANGAN 28:25

Metema, emi ta tunga emi Manetualaim-ma fa soona, neukose Ana fe emi musum-mala, ala sengi emi. Neukose emi meu matee-matati no napalanik, tehu emi malai tu'u-fo'a. Basa leoina manai daebafak-ka, ala mete emi toto'a-sosotam soona, ala bii-lamata'u lanseli.

ULANGAN 3:12

“Dae ndia ana da'di ita nuun boema, au fe leo Ruben-na ma leo Gad-ta, dae manai kota Aroer-ra boboan kii, fo deka no Lee Arnon-na, ma dae letelepak Gilead-ta seli no kotan-nala.

YOSUA 13:11

Nusa Gilead-ta nai dalek boe, nusa-nusak manai Gesur ma Maakha titia-tatain-nala, boema Lete Hermon-na lala'en-na, ma nusa Basan lala'en-na losa leo Salkha neu.

YOSUA 13:8

Leo Ruben, ma Gad boema leo Manasye seli, sipo basa dae baba'ek neme Musa, fo Manetualain atan ndia mai so: fo nde dae manai Lee Yarden-na boboan dulu.

HAKIM-HAKIM 7:3

Da'di, po'a-benga neu o ana paletam-mala mae, ‘See name'da-nana ana bii soona, muse no lai-laik, ana la'oela Letek Gilead ia, fo ana fali ne'un leo uman neu.’ ” Boema, hapu hataholi lifun duahulu dua fali le'us; de ela ka'da hataholi lifun sanahulu.

SEMUEL SUSULAK-KA ESAN-NA 13:8

Saul nahani Semuel, faik hitu dalen-na, nandaa no Semuel helu neun, tehu Semuel beita losa Gilgal boen te, laun-na mulai la'oela Saul so.

SEMUEL SUSULAK-KA ESAN-NA 17:11

Lelek Saul no hataholin-nala lamanene naheek ndia boema, ala nggenge-la, ma ala bii lanseli.

SEMUEL SUSULAK-KA ESAN-NA 31:7

Lelek hataholi Israel manaleo nai Bafak Yizreel-la selik, ma Lee Yarden-na boboan dulu, lamanene lae solda'du Israel-la lalai so, ma lae mate Saul no anamanen-nala so boema, lalai la'oela sila kotan-nala. Basa boema, hataholi Filistin-nala, langatuu-la kota sila-la.