SEMUEL SUSULAK-KA ESAN-NA 13:5 - Susula Malalaok Hehelu Palak Ma Hehelu Beuk

⁵ Ndia te, hataholi Filistin-nala boeo lakabubua basa fo sapu-la hataholi Israel-la; sila solda'dun manasa'e kaleta lifun teluhulu solda'du manasa'e ndala lifun nee, ma solda'du-anak de'u solokaek manai tasi su'un-na. Ala ofu nai Mikhmas, fo nai Bet-Awen boboan dulu.

SEMUEL SUSULAK-KA ESAN-NA 13:5 ပူးပေါင်းရင်းမြစ်များ

KEJADIAN 22:17

Neukose, Au ba'e-pala o nenik baba'e-papalak manasasi kao-kaok-ka, ma Au fe o tititi-nonosim de'u nduuk manai lalai-a, ma solokaek manai tasi su'un-na. Neukose, o upu-anam sengi musun-nala.

2 SEMUEL 17:11

Hu ndia de, au nanoli-nafa'dang leoiak: Maloo makabubua basa hataholi Israel-la leme basa nusak-ka lala'en-na mai, fo ela dede'un-na, de'u solokaek manai tasi su'un-na. Boema, Ama Manek nde nauli-nalangas leo natee-natatik dale leus.

1RAJA-RAJA 20:27

Hataholi Israel-la boeo sadia matalolole sila solda'dun-nala de ala la'o. Boema solda'du Israel sila-la tutulumatak nai bubuak dua dalek, de ala ofu lasasalematak loo hataholi Siria sila-la. Metema nakasasamak solda'du Israel-la loo solda'du Siria-la fo ala tapa sasala lahenu mamanak ndia soona, mete solda'du Israel-la sama leo bi'ihiik bubuak dua mesan.

2TAWARIKH 1:9

Besak ia ou Manetualain ela leo bee na O tao matetu O hehelu-balataam neu au amang. O so'u basa au da'di manek neu leoina matuaina fo ta leke na dede'un-na ia fa.

YESAYA 10:28

Solda'du Asyur-ra loso-la kota Ayat-ta so. Ala seli Migron so! Ala la'oela tua-lepan-nala nai Mikhmas!

YESAYA 48:19

Neukose o tititi-nonosim, de'u solokaek manai tasi su'uk-ka; Au apalani afa'da nana, tao leo bee-o, ta mate-mopo fas.”

YEREMIA 15:8

Neukose emi nusam-ma henuk no inafalu, lenaheni solokaek manai tasi-a su'un dede'un-na. Neukose Au taoisa hataholi-la nai fai muli-solun-na dalek de nalosa sila inan-na to'a-taa. Nai fai lele'don-na Au uni fes hataholi manamakak toto'a-tataak-ka esa fo nalosa ala lame'da bii-namata'uk ma ala maletale.

HOSEA 10:5

Neukose, kota Samaria laun-nala bii-lamata'u. Sila ma imam-imam fo lalalau-laoono sapi lilopilas manai Betel ndia, neukose dalen-nala he'dis-sa ma ala kii, nanahu mopo basa sila sosongo-tatangon ndia matua-mademan so.

HOSEA 4:15

Hai emi fo hataholi Israel-la lemin, emi ta lilineka neu Au fa! Tehu Au amahena, Yehuda ta tao salak leondiak-ka fa. Boso makaluku-makatele nai Gilgal do Betel. Boso soo-supa nai naa, menik Manetualain fo maso'dak-ka, na'den-na.

HOSEA 5:8

Puu pupuuk-ka nai Gibea leona! Fo liin-na, da'di ta'du-tana hala nalolook esa, soaneu natee-natatik-ka nai Rama. Eki natee-natatik-ka nai Betel! Ayo, hataholi Benyamin-nala lemin, tutulu matak, fo matee-mata'ti leona!

ROMA 9:27

Nabi Yesaya kokolak no halabelak la'eneu leoina Israel nae, “Leomae leoina Israe la dede'u na de'u solokaek manai tasi su'u ka, tehu ka'da lumanak mesa kana neukose laso'da;

YOSUA 11:4

Boema manek sila-la mai loo basa solda'dun-nala, makadotok nanseli sama leo solokaek manai tasi su'un-na. Ndala ma kaleta musun-nala boeo, makadotok nanseli.

YOSUA 18:12

Sila daen-na too kii, ana mulain neme Lee Yarden-na mai, boema ana kae leo masadokek manai Yarden boboa kiin-na, basa boema ana leo muli neu, de ana tunga nusa letelepak-ka, fo losa nusak manai moo solokaek Bet-Awen-na neu.

YOSUA 7:2

Nai lelek ndia, Yosua nadenu hataholi de'ubee, leme Yerikho leo Ai leu, fo kota esa nai Betel boboan dulu, deka no Bet-Awen. Ladenu hataholi sila leu palisak lutu-lutuk nusak ndia. Lakalala'ok basa sila bela-ba'un ndia boema,

HAKIM-HAKIM 7:12

Nai bafak ndia dalek, hataholi Midian, Amalek ma hataholi fe'ek-kala leme moo solokaek-ka mai, lakapepela su'di lai mamanak lala'en-na. Metes soona, sama leo lamak-kala lakamomotu. Sila ontan-nala makadotok nanseli, sama leo solokaek manai tasi su'uk-ka.

SEMUEL SUSULAK-KA ESAN-NA 13:11

tehu Semuel natane nae, “Ama Manek tao hata so?” Saul nataa nae, “Au ita laun-na, mulai la'oela au, te Ama mai ta nandaa no li'u fo Ama naketu-ka fa. Bai te, hataholi Filistin-nala lakabubua nai Mikhmas so.

SEMUEL SUSULAK-KA ESAN-NA 13:2

ana hele hataholi Israel lifun telu; nai hataholi sila-la dalek, hataholi lifun dua loo Saul nai Mikhmas, ma nai Betel dae letelepan-na, ma lifun esa loo anamanen Yonatan leu leo Gibea, fo nai leo Benyamin-na nusan-na. Ana po'i laun bei elak-kala fo ala fali le'us leo esa-esak uman neu.

SEMUEL SUSULAK-KA ESAN-NA 14:23

Latee-lata'ti su'di enok-ka nanalun-na, losa ala seli Bet-Awen. Nai faik ndia dalen-na, Manetualain soi-tefa-na Israel.

SEMUEL SUSULAK-KA ESAN-NA 14:52

Nai Saul maso'dan-na dalek, natee-nata'ti no napalanik tataas esa la'ban hataholi Filistin-nala. Hu ndia de, metema Saul nita hataholi mabe'i-balakaik, do palani soona, no lai-laik ana ho'i-nan da'di ndia solda'dun.

SEMUEL SUSULAK-KA ESAN-NA 17:1

Nai faik esa, fo nai lelek hataholi Filistin-nala hoka basa solda'dun-nala, fo ala tutulu matak soaneu latee-lata'ti. Ala ito-ato solda'dun-nala lapadeik lakadadalak nai kota Sokho, fo nai Yehuda nusan dale, ma ala tao sila mamana ofun-na nai Sokho ma Azeka tala'da, deka no Efes-Damim.

SEMUEL SUSULAK-KA ESAN-NA 7:13

Hataholi Filistin-nala kakalan-na leondiak. Manetualain ta fes loak masok Israel nusan-na seluk so'on, nai lelek Semuel bei naso'da.