SEMUEL SUSULAK-KA ESAN-NA 13:19 - Susula Malalaok Hehelu Palak Ma Hehelu Beuk

¹⁹ Ta hapu tuka besi nai Israel-lala'en-na fa, nanahu hataholi Filistin-nala ta fe hataholi Ibrani-la loak tao tafaina ma tee-dongi fa.

SEMUEL SUSULAK-KA ESAN-NA 13:19 ပူးပေါင်းရင်းမြစ်များ

2RAJA-RAJA 24:14

Mane Yoyakhin, inan, saon-nala, hataholi mana'a ngga'din-nala, ma mauli-malangan Yehuda-la, basa-basan lala'en-na, hataholi nananita – nalelak 7.000 – ala da'di hataholi nanafook, de foo lenis leo Babel neu. Boeo basa tuka ai-la, tuka besi-la, dede'un-na hataholi 1.000, basa-basas hataholi mabe'i-balakaik ma palani mesa-mesan, nai natee-natatik-ka dalek. Hataholi daa manek-kala, hataholi nananita-nalelak-kala boeo, foo lenis leo mamana ookak-ka neu – basa-basan lala'en-na, hataholi 10.000. Isabai-na, foo leni la'iesak laun Yerusalem-mala; ela ka'da laun nuu-taa hata-taak-kala.

YESAYA 54:16

Au nde akadada'dik tuka besi, fo ana nggengge'u ha'i-a, soaneu tutu tafa-sisilo. Au boeo, nde manamakadada'dik solda'du, fo manapake tafa-sisilo soaneu nanisa.

YEREMIA 24:1

Manetualain fe au ninitak esa nae, faik esa boema Yoyakhin fo Yoyakim ana manen-na fo manek Yehuda no basa malanga manapaleta Yehuda-la, basa malelak-kala, ma basa manadoki-dulak malelak nanafua nenik neme Nebukadnezar fo manek Babel-la, fo ninis dai leo nanahukuk neme Yerusalem leo Babel neu. Au ita sapai dua henuk no ai boa kaak-a nai dalek beten-na nai Manetualain Uman so'dan-na.

YEREMIA 29:2

Manada'dik ndia basa ndek Manek Yoyakhin no ina bongin-na, uma manek-ka manana'a ngga'din-nala, lasik-lasik Yehuda-la ma Yerusalem, tuka-la ma tuka besi-la, fo manakaluak neme Yerusalem mai-a.

HAKIM-HAKIM 5:8

Lelek Israel mulai sene-do'ok neu lamatua daebafak-ka, natee-natatik-ka, da'di nai sila nusan-na; palani ta'ti batu lifun haahulu nai leoina dalek, ta hapu hataholi esa boen, ana so'uk tafa-sisilo fa.

SEMUEL SUSULAK-KA ESAN-NA 13:20

Da'di, hataholi Israel-la muse leu leo hataholi Filistin-nala leu, metema ala sanga fofola lamatane sila luku-na, tatatin-nala, takan-nala ma besi lukun-na;