SEMUEL SUSULAK-KA ESAN-NA 13:13 - Susula Malalaok Hehelu Palak Ma Hehelu Beuk

¹³ Semuel namanene dede'ak ndia boema, nafa'da Saul nae, “Ama Manek tataon ndia, tatao-nono'i nggoak nanseli. Leounik-ka Ama Manek tunga Manetualain paletan neu Ama Manek-ka soona, tao leo bee o, neukose Manetualain fe nakeketuk, fo Ama Manek ma Ama Manek tititi-nonosin da'di manek Israel losa dodoon-na.

SEMUEL SUSULAK-KA ESAN-NA 13:13 ပူးပေါင်းရင်းမြစ်များ

KEJADIAN 31:28

Nakalenak bai, o ta fe au loak, fo au de'i au upu-anang, da'dileo ta'du-tana nasi'da-naba'ek boen. O tatao-nono'im ndia, nggoak nanseli!

2 SEMUEL 24:10

Tehu lelek Dauk leke basa leoina ndia dede'un-na boema, name'da nasala, de nafa'da Manetualain nae, “Ou Manetualain, au asala-asingo anseli so. Fe do'o do ampon neu au, nana au tatao-nono'ing ndia, nggoak nanseli.”

1RAJA-RAJA 18:18

Boema Elia nataa nae, “Au ta nde maneni susa soe ndia fa, te Ama Manek dei. Ama Manek ma Ama Manek teidalen-nala nde maneni susa soe ndia dei. No sene-do'ok neu Baal-la sosongo-tatangon-nala, Ama Manek la'olena Manetualain paletan-nala.

1RAJA-RAJA 21:20

Lelek Ahab nita Elia boema nae, “Hai musunok konei, Mate'e na o matango moo au!” Elia nataa nae, “Tete'e ka. Hu kande Tuan nakikisak dalen-na, fo tao hata mangalauk nai Manetualain mata memeten-na,

1 TAWARIKH 10:13

Saul maten nanahu ana ta lilineka neu Manetualain, ma ana ta tunga paletan-nala fa. Ana ta noke natutu'duk neme Manetualain mai fa, te noke neme hataholi manamatek-kala dula dalen-na mai. Hu ndia de, Manetualain hukun, de Ana fe kandela manen-na neu Dauk fo Isai anan-na.

2TAWARIKH 16:9

Manetualain mete leo daebafak-ka lala'en-na mai soaneu Ana fe be'ibalakain neu hataholi fo manalilinekak neun. O tao nakeketu ngoak so, hu ndia de mulai besak ia, neukose o la'ola'di natee-natatik tatasesa.”

2TAWARIKH 19:2

nabi esa na'de Yehu fo Hanani anan-na ana mai nataa manek-ka. Nabi ndia nafa'dan nae, “Ade nandaa Ama Manek tulu-fali hataholi mangalauk ma mook hataholi manamamanasa Manetualain-na do? Ama Manek tatao-nono'in ndia nde taon-na Manetualain namanasa Ama Manek.

AYUB 34:18

Manetualain huku manek ma manakoasa-la, metema ala tao tatao-nono'i mangalauk, ma lalelesi.

AMSAL 12:8

Hataholi-a nanakoa-nanakiok, nandaa no manatee-tenon-na; hataholi nananakadadaek-ka, nandaa no nggoa-panganan-na.

AMSAL 19:3

Hataholi daebafak-ka, nggoan-na, nakatutu'dak seluk aoinan-na, basa boema, ana fe salak neu Manetualain, hu kande tataon ndia.

YESAYA 39:5

Boema Yesaya nafa'da manek-ka nae, “Manetualain Fo Manakoasan-nafa'da nae,

YEREMIA 18:10

Tehu neu makabuin-na leoina ndia ta nau namahele neu Au fa, boema Au tao-no'i hata fo mangalauk-ka soona neukose Au dudu'ang ndia Au pe'da tatakan-na.”

SEMUEL SUSULAK-KA ESAN-NA 1:22

Tehu oek ia, Hana ta tunga fa. Nafa'da saotoun-na nae, “Mahani fo fina heni Semuel soona, neukose au on leo Manetualain Uman neu, ma nai fai maso'dan-na dalek, neukose ana leo nai naa.”

SEMUEL SUSULAK-KA ESAN-NA 13:12

Boema au dodoo, boso nalosak ba'ihanak seluk fa bai te, solda'du Filistin-nala sapu-la au nai Gilgal ia, te se'kona au beita dokodoe Manetualain dale susuen-na fa. Hu ndia de, au ho'i nakeketuk, fo tunu-hotu tutunu-hohotuk sila-la.”

SEMUEL SUSULAK-KA ESAN-NA 15:11

“Au asasale dale, so'u Saul da'di manek, nana ana lepos nasadea Au so, ma ana ta nakalala'ok Au paletang-nga fa.” Semuel dalen-na he'dis-sa, de le'odae katemak esa, ana haladoi neu Manetualain.

SEMUEL SUSULAK-KA ESAN-NA 15:22

Tehu Semuel nae, “Beek kande, Manetualain nahiik-kana, tunga do fe tutunu-hohotuk? Tunga neu Manetualain, nde mole lena neme tunu-hotu tutunu-hohotuk. Tunga no dale katematuak, malole lena neme bi'ilopo mina mai.

SEMUEL SUSULAK-KA ESAN-NA 15:28

Boema Semuel nafa'dan nae, “Nai faik ia, Manetualain sii ba'e nusak Israel-la neme Ama Manek mai, fo Ana fen neu hataholi fe'ek fo malole lena neme Ama Manek mai.

SEMUEL SUSULAK-KA ESAN-NA 16:1

Basa teuk de'ubee boema, Manetualain nafa'da Semuel nae, “O dalem-ma he'dis losa fa'ihi'da hu kande Saul? Ade, Saul ta da'di manek Israel so'on hetu? Besak ia, ho'i-ma mina setun, fo muu leo Betlehem muu, soona muu leo hataholi esa na'de Isai, nanahu Au hele basa anan esa da'di manek so.”

SEMUEL SUSULAK-KA ESAN-NA 26:21

Boema, Saul nataa nae, “Au tao salak so. Dauk, anang-ngo, fali leona! Neukose au ta tao mangalauk neu o so'on, nanahu le'odaek-ka, o ta taomisa au fa. Tete'ek-ka, au ha'da-paliing nggoak. Au asala te'e-te'e so!”