SEMUEL SUSULAK-KA ESAN-NA 12:20 - Susula Malalaok Hehelu Palak Ma Hehelu Beuk

²⁰ Semuel nataa nae, “Boso bii, leomae emi tao basa tatao-nono'i mangalauk ndia so, te boso fali deak neme Manetualain mai, tehu mamahele mahele neun, no emi dalek-katema tuam-ma.

SEMUEL SUSULAK-KA ESAN-NA 12:20 ပူးပေါင်းရင်းမြစ်များ

1 TAWARIKH 28:9

Boema Dauk nafa'da Salomo nae, “Anang-ngonei, ela leo been-na Manetualain fo o amam sene-do'ok-ka, o sipok-kana da'di leo o Manetualaim. O muse mamahele neun no dalek-katematuak ma dale ndoos. Nana Ana bubuluk basa ita dudu'a-aafin ma ita dale hihiin-na. Metema o sangan soona, neukose o hapun, tehu metema o la'oelan soona, neukose Ana ta sipok o losa dodoon-na fa.

MAZMUR 101:3

neukose au ta po'ilotak tatao-nono'i mangalauk-ka fa. Au ta hii hataholi manafali deak-ka, tatao-nono'in fa, ma au ta nau sanga langa he'dik o fas.

MAZMUR 125:5

Tehu hataholi manake'di-ndiuk-ka, ela leo bee-na, Manetualain hukun, sama-sama no hataholi mangalauk-ka. Ela leo bee-na, O anam-mala so'da-molek!

MAZMUR 40:4

Ana nanoli au, nakamee-nakamee beuk, nakamee kokoa-kikiok, soaneu ita Manetualain-na. Hataholi makadotok litan, de ala bii-lamata'u, boema lamahele neu Manetualain.

KELUARAN 23:25

Metema, emi sene-do'ok neu Au, Manetualain fo emi Manetualaim-ma soona, neukose Au ba'e-pala emi nenik nana'ak ma nininuk, ma neukose Au tao adook basa he'di-laus lala'en-na neme emi mai.

KELUARAN 32:30

Balahaa boema, Musa nafa'da leoina ndia nae, “Emi tao basa sala-singok matuaina so. Tehu besak ia, au sanga kae seluk leo letek ndia lain soaneu asasalematak o Manetualain; sanga tao leondia fo au hapu do'o do ampon soaneu emi sala-singom.”

YEREMIA 3:1

Manetualain nafa'da nae, “Metema touk esa elaheni saoinan-na, boema tou fe'ek saon-na inak ndia, soona touk fo inak ndia sao elan-na, ta bole ho'i falik-kana, da'di leo saoinan fa, nana dede'ak ndia, neukose tao nalutu nusak ia. O fo Israel, o manuu susue tou-ta'ek ma ina anafe'ok makadotok nanseli so, hapu nai bee, besak ia, o nau fali ma'im-ma leo Au mai!

HAGAI 2:5

Lelek emi kalua meme Masir mai-a, Au aheluk basa ae neukose, Au asulu-ahapa ahele emi. Ma besak ia boeo, Au bei asulu-ahapa emi. Da'di ta palu emi bii-mamata'u fa.

ULANGAN 10:12

“Besak ia tolano-tolanoong-ngala lemin, taoafik neu hata fo, emi Manetualaim-ma noken neme emi mai fo nde: Fe ha'da-holomata neu emi Manetualaim-ma, ma tao-no'i basa paletan-nala lala'en-na. Sue-lain ma makaluku-makatele neun, neni basa emi ao paa samanem lala'en-na.

ULANGAN 11:16

Boso nau hataholi fufu'di-oodok emi, fo emi dook-ka meme Manetualain mai, fo emi sene-do'ok ma mamahele neu lamatua daebafak fe'ek-kala.

ULANGAN 31:29

Au bubuluk, ae mate au soona, neukose hataholi sila-la da'di hataholi mangalauk, ma ala ta sipok hata fo, au anolin neu sila fa. Ma neu makabuin-na te, susa-soe-a tuni-ndeni nalas, nanahu ala tao-la Manetualain namanasa, nanahu ala la'olena hata fo, Ana ka'in-na.”

YOSUA 23:6

Hu ndia de, manea leona, fo ela emi tunga ma makalala'ok basa hata lala'en fo nanasulak nai Musa Susula Hoholo-lalanen dale, Boso la'olena hoholo-lalanek sila-la, esa boen.

1 PETRUS 3:16

Tehu emi tao-no'i sila la no nakaloe aok ma ha'da-holomata. Ela leo bee na, emi dale bobongo ana ma ndoos, fo ela metema hataholi nakamumulu-nakamamaek emi, hu ka nde emi so'da ma malole, sama leo hataholi mana tunga Kristu sa, soona neukose hataholi mana makamumulu-makamamaek emi ndia, ana mae.

SEMUEL SUSULAK-KA ESAN-NA 12:19

Boema, lafa'da Semuel lae, “Fali-ma, ami dei Ama, hule-haladoi neu Manetualain fo o Manetualaim-ma, fo ela boso mate ami. Besak ia, ami mame'da mae fe'ek neme ami sala-singom makahulun-na mai, ami masala-masingo seluk, nanahu ami moke manek esa.”