SEMUEL SUSULAK-KA ESAN-NA 12:11 - Susula Malalaok Hehelu Palak Ma Hehelu Beuk

¹¹ Basa boema, Manetualain nadenu Gideon, de basa boema Barak, de basa ndia boema, Yefta, ma mate'en-na au. Ami esa-esak soi-po'i emi neme emi musum-ma mai so, nalosa emi hapu maso'da no tetu-temak.

SEMUEL SUSULAK-KA ESAN-NA 12:11 ပူးပေါင်းရင်းမြစ်များ

2RAJA-RAJA 13:5

Manetualain fe hataholi Israel-la, mauli-malangan esa, fo ana so'i-pois leme Siria koasan-na mai, nalosa laso'da no mole-dame seluk, sama leo makasososan-na.

1 TAWARIKH 7:17

Ulam anatoun esa, na'de Bedan. Ndia nde Gilead fo Makhir anan-na, ma Manasye upun-na, tititi-nonosin.

HAKIM-HAKIM 4:6

Faik esa boema, nadenu hataholi neu naloo Barak, fo Abinoam neme kota Kedes-sa, nai nusa letelepak Naftali-a, anan-na. Boema nafa'da Barak nae, “Israel Manetualain-na paleta neun, ‘Maloo makabubua touk lifun sanahulu leme leo Naftali ma leo Zebulon-na mai, fo moos leo Letek Tabor-ra neu.

HAKIM-HAKIM 6:14

Basa boema, Manetualain fe paleta ia neu Gideon nae, “No basa o be'i-balakaim lala'en-na, muu soi-po'i hataholi Israel-la, leme hataholi Midian-nala koasan-na mai. Au nde adenu o.”

HAKIM-HAKIM 6:31

Tehu Yoas nataa basa hataholi manala'ban sila-la nae, “Ade emi mook Baal, de emi nau masala'en do? See kande nok-kana soona, neukose nanataonisak faik ia! Metema, memak Manetualain nde Baal ndia soona, nemen-na, fo ndia mesak-kana nasala'e aoinan-na, nana nanaofe henik ndia, nde been-na, Baal mei tunu-hotun-na.”

HAKIM-HAKIM 6:32

Hu kande Yoas nafa'da nae, “Nemen-na, fo Baal mesak-kana la'ban Gideon, nana ana ofe heni mei tunu-hotun so,” boema mulai neme ndia mai, hataholi-la foi Gideon na'de “Yerubaal.”

HAKIM-HAKIM 7:1

Faik esa boema, Gideon no ana paletan-nala fo'a fafaianak nanseli. Ala la'o, de ala ofu nai deka no oemata Harod-ta. Hataholi Midian-nala, ofu nai sila boboan kii, nai bafak manadeka no Pupukuk More.

HAKIM-HAKIM 8:29

Basa natee-natatik ndia boema, Gideon fali ne'un leo nggolo-ta'dun neu, de ana leo neme naa.

HAKIM-HAKIM 8:35

Boeo, ala ta balas dale malole neu Gideon teidalen-nala, ma neu basa Gideon tatao-nono'i malolen neu hataholi Israel-la fa.

SEMUEL SUSULAK-KA ESAN-NA 3:20

Hu ndia de, basa hataholi Israel fo maleme nusak ndia lala'en-na mai, ala manaku lae Semuel nde been-na, Manetualain nabin. Nai lelek Semuel kokolak soona, basa leoina Israel-la lamanenen. Manetualain bei natu'du nakandoo aoinan-na nai Silo, fo nai bee, soaneu ka la'i makasososan-na, natu'du aoinan-na neu Semuel, de Ana kokolak non.

SEMUEL SUSULAK-KA ESAN-NA 7:13

Hataholi Filistin-nala kakalan-na leondiak. Manetualain ta fes loak masok Israel nusan-na seluk so'on, nai lelek Semuel bei naso'da.