SEMUEL SUSULAK-KA ESAN-NA 12:10 - Susula Malalaok Hehelu Palak Ma Hehelu Beuk

¹⁰ Basa boema, ala hule-haladoi neu Manetualain ma ala manaku sila sala-singon-nala; lafa'da lae, ‘Ami masala-masingo basa so, nanahu ami lepos masadea O, ou Manetualain, ma ami sene-do'ok neu Lamatua daebafak Baal ma Asytoret, dodoki-dudulan-nala. Tehu besak ia, soi-tefa-mala ami neme ami musum-ma mai, soona neukose ami sene-do'ok neu O!’

SEMUEL SUSULAK-KA ESAN-NA 12:10 ပူးပေါင်းရင်းမြစ်များ

MAZMUR 106:44

Tehu Manetualain namanene hoo-nggu'un-nala, boema, Ana taoafik neu susan-nala.

YESAYA 26:16

O huku basa ami so, nai ami makase'em-ma dalek, ami fali leo O mai, ma hule-haladoi neu O, Manetualain.

YESAYA 33:22

Nana Manetualain nde been-na, ita Manakee-manafulan, Manetualain nde been-na, manafe ita hoholo-lalanek-ka; Manetualain nde been-na, ita Manen, Neukose Ana soi-tefa-na ita. Emi talim-mala, lakama'a so, de ta hapu pa'a nahele dii laa, nai mamanan-na fa, boema, ta hapu lofa laa neu fa. Nai lelek ndia, neukose hataholi baba'e bua-lo'a nanaloso-nak makadotok, ma hataholi lu'ueik-kala, neukose ala kalo bua-lo'a kakalok.

YOSUA 13:31

Basa boema, nusa Gilead-ta seli, nai dalek boe, boema Asytarot ma Edrei, fo nde Mane Og-ka nai Basan, nusa paletan-na, popon duas. Ala fe la'iesak nusak ndia leo Mahir, fo Manasye anan-na, tititi-nonosin teidalen-nala.

HAKIM-HAKIM 10:10

Boema, hataholi Israel-la laloo bou-bou neu Manetualain lae, “Ami masala-masingo basa neu O so, nanahu, ami ta taoafik neu O fa, ou ami Manetualain! Ami sene-do'ok neu lamatua daebafak Baal-la.”

HAKIM-HAKIM 2:11

Basa boema, hataholi Israel-la, lasala-lasingo neu Manetualain. Ala ta sene-do'ok seluk neu Manetualain, fo sila bei-ba'i kain-nala Manetualain-na, fo nde Manetualain, fo nos kalua leme Masir mai-a. Ala mulai sene-do'ok neu Baal-la, ma Asytoret boema lamatua daebafak fe'ek fo leoina manai sila titia-tatain-nala, sene-do'ok-ka. Boema, Manetualain namanasas, de Ana po'ilotak hataholi mangalauk-kala sapu-lalas, de lamanako leni hata-heton-nala. Ta lapalani lasasalematak loo musu-musu manai titia-tatain-nala fa.

HAKIM-HAKIM 3:15

Tehu lelek hataholi Israel-la laloo bou-bou, loke tutulu-fafalik neu Manetualain, boema Ana fe Ehud neu, fo ana soi po'is. Ehud hataholi kiiko'dek; Gera anan ndia, fo neme leo Benyamin-na mai, ma ndia nde biasa neni bea fo, muse hataholi Israel-la bae leo mane Eglon-na neu.

HAKIM-HAKIM 3:7

Hataholi Israel-la, lasala-lasingo neu Manetualain, fo sila Manetualain-na. Lafandele henin, nalosa ala hule-haladoi neu sosongo-tatangok Baal ma Asyera.

HAKIM-HAKIM 3:9

Basa boema, hataholi Israel-la laloo bou-bou, loke tutulu-fafalik neu Manetualain, boema Manetualain fe Otniel neu soi-po'is. (Otniel nde bee-na, Kenas fa'din Kaleb, anan-na.)

HAKIM-HAKIM 4:3

Yabin nanuu kaleta musu besi natun sio. Ana paleta hataholi Israel-la no balakaik, teuk duahulu dalen-na. Basa boema, laloo bou-bou loke tutulu-fafalik neu Manetualain.

HAKIM-HAKIM 6:7

Basa boema, hataholi Israel-la, laloo bou-bou loke Manetualain tulu-fali sila, fo ala la'ban hataholi Midian-nala.

SEMUEL SUSULAK-KA ESAN-NA 7:2

Manetualain Peti Hehelu-balataan ndia nai Kiryat-Yearim dook-ka boe, fafa'kama teuk duahulu. Nai lelek ndia, basa hataholi Israel lala'en-na laloo bou-bou neu Manetualain fo loke tutulu-fafalik.

SEMUEL SUSULAK-KA ESAN-NA 7:6

Boema basa-basas lakabubua lai Mizpa. Ala aso oe boema ala po'a henin fo da'di leo tunu-hotuk neu Manetualain basa boema, nai faik ndia dalen-na, ala oka aon-nala. Lafa'da lae, “Ami masala-masingo basa neu Manetualain so.” (Nai Mizpa ndia nde Semuel mulai da'di mauli-alangan neu hataholi Israel-la.)