SEMUEL SUSULAK-KA ESAN-NA 11:13 - Susula Malalaok Hehelu Palak Ma Hehelu Beuk

¹³ Tehu Saul nafa'da nae, “Ta bole taomisa hataholi esa boen nai faik ia dalen-na, nanahu nai faik ia dalen-na, Manetualain soi-tefa-na Israel so.”

SEMUEL SUSULAK-KA ESAN-NA 11:13 ပူးပေါင်းရင်းမြစ်များ

2 SEMUEL 19:22

Tehu, Dauk nafa'da Abisai ma ka'an Yoab nae, “Boso sese'dok nai dede'ak ia dalek. Tao le'e de, emi tao susa au? Nai faik ia dalen-na, au da'di manek seluk neu Israel, de ta bole hukunisa hataholi Israel esa boen.”

2 SEMUEL 19:23

Basa boema, manek-ka nafa'da Simei nae, “Au apalani soo, neukose ta hukunisa o fa Simei.”

2 SEMUEL 23:10

Eleazar natee-nata'ti nakandoo, fo ana tao namopo-namate hataholi Filistin-nala, nalosa ana sota-mangu nanseli. Liman-na mela, nalosa tafainan-na ta hapu natapo'i neme liman-na mai fa. Nai faik ndia dalen-na, Manetualain fe sesengi matuaina neu hataholi Israel-la. Solda'du Israel fo na'kasa lakadedeak-ka, ala fali ma'is leo mamanak fo Eleazar natee-nata'ti, boema ala o'du-la hataholi manamatek manai sila-la ba'du natee-nata'tin-nala.

KELUARAN 14:13

Musa nataa nae, “Boso bii-mamata'u! Makatatakak mahele! Neukose emi mita hata fo Manetualain taon soaneu soi-tefa-nala emi. Hataholi Masir fo besak ia emi mitak sila-la, neukose emi ta mita seluk-kasa so'on.

KELUARAN 14:30

Nai faik ndia, Manetualain soi-tefa-na leoina Israel-la neme hataholi Masir-ra mai, ma lita hataholi Masir-ra popolan-nala benggela nai tasi su'un-na.

YESAYA 59:16

Ana dodoo doak-kana, nae ta hapu hataholi tutulumatak fa, ma ta hapu manamasala'e fa. Boema, Ana pake koasa mesan-na, soaneu soi-tefa, ma fes sesengik.

1 KORINTUS 15:10

Tehu, hu ka nde Manetualain susue-lalain, de au da'di sama leo au fo besak ia. Ma ta palsuma, Manetualain fe do'o do ampon neu au fa. Nakalenak bai, au nde puselaipana lenaheni basa Lamatua ka hataholi nadedenu fe'e nala; Tehu tunga ndo na au ue-osang ta ndia fa; te ndia fo Manetualain manasue-lai au ma manatao-no'i sama-sama no au a, ue-osan ndia.

SEMUEL SUSULAK-KA ESAN-NA 10:27

Tehu, hataholi mangalauk de'ubee lafa'da lae, “Masa bole, hataholi ia masosoa-ndandaak ba'eneu ita?” Lakadadaek Saul, ma ala ta fen bua palsen fa, Tehu, ta'ko ana ta bubuluk fa.

SEMUEL SUSULAK-KA ESAN-NA 14:45

Tehu laun-na nafa'da Saul nae, “Ade Yonatan muse nanahukunisak do? Te se'kona ndia nde neni sesengik matuaina ia? Ta! Ami maheluk pake Manetualain fo maso'dak-ka na'den-na, mae ta bole mopo Yonatan langa doon esa boen, neme langan lain mai fa. Nanahu no Manetualain nde tutulu-fafalin de, ana hapu sesengik nai faik ia.” No enok ndia, laun-na soi-nala Yonatan neme mamates-sa mai.

SEMUEL SUSULAK-KA ESAN-NA 19:5

Ana pasak so'dan-na, nai lelek ana taonisa Goliat, ma Manetualain fe basa Israel sesengi matuaina tunga Dauk so. Ama mita matam manada'dik ndia so, de nai lelek ndia, ama mamahoko. Da'di, tao le'e de besak ia, ama sanga tao doi-doso hataholi sala taak-ka, ma ta no ne'ek hata esa boen, ama nau taomisa Dauk?”