SEMUEL SUSULAK-KA ESAN-NA 10:27 - Susula Malalaok Hehelu Palak Ma Hehelu Beuk

²⁷ Tehu, hataholi mangalauk de'ubee lafa'da lae, “Masa bole, hataholi ia masosoa-ndandaak ba'eneu ita?” Lakadadaek Saul, ma ala ta fen bua palsen fa, Tehu, ta'ko ana ta bubuluk fa.

SEMUEL SUSULAK-KA ESAN-NA 10:27 ပူးပေါင်းရင်းမြစ်များ

2 SEMUEL 20:1

Nai kota Gilead-ta, hapu tou manatao tasibu esa, na'de Seba. Bikri neme leo Benyamin-na mai, anan ndia. Lelek hataholi manatunga Dauk-ka, beenongo mai boema, Seba puu pupuuk-ka, ma naloo bou-bou nae, “Dauk ndia, hataholi fe'ek, de sosoak hata, ita tunga hataholi ndia? Hai hataholi Israel-la lemin, mai fo ata fali teu-tala!”

2 SEMUEL 8:2

Dauk sengi hataholi Moab-pala boe. Nadenus fo langape'uk lakandondoo leu dae lain, boema, metema hapu hataholi telu nai mamanak esa soona, ana taonisa hataholi dua. Da'di, hataholi Moab-pala lakatele neu Dauk, de ala bae bea leo Dauk neu.

1RAJA-RAJA 10:25

Sila esa-esak mai no leni bua palsen soaneu Salomo. Ala fe bua-lo'a lilofulak, lilopilas papake-ngganggaok, tee-tafa, bumbu ndende, ndala ma bana esa na'de bagal. Leondiak tunga-tunga teuk.

1RAJA-RAJA 4:21

Basa teidalek-kala lanuu osi angol ma osi ai kaak. Nai Salomo fai maso'da na, laun manai Yehuda ma Israel-lala'en-na, neme kota Dan-na losa kota Bersyeba laso'da nee nee-lino linok boema tetu-temak. Nana, basa manek manai lee Efrat-a boboan muli, lakatele neun, ma basa leoina maleme nusaina manai nusan-na boboa kaisun, tao tiak loon. Dae manai Lee Efrat-a boboan muli, fo mulai neme Tifsah, nakandoo leo muli neu, fo leo kota Gasa nai Filistin losa Masir dae too na, Salomo koasa basan lala'en-na. Leoina manai nusak ndia, lakatele neun ma ala fe kefek. Nana'ak fo Salomo paken tunga faik nde been-na ha'desopu lutuk kilo lifun lima, ma ha'desopu selak kilo lifun sanahulu, sapi nakaboboik sanahulu, sapi nana po'ilotak duahulu, ma bi'ilopo natun esa. Fe'ek neme ndia mai boe, nusa mata-matak-kala manupui mata-matak-kala.

1RAJA-RAJA 5:1

Hiram, fo mane Tirus sa tao tia-laik no Mane Dauk ka tataas esa. Lelek Hiram nama nene nae Salomo da'di manek nggati aman Dauk boema, anan-nadenu hataholi neu leo Salomo neu.

2TAWARIKH 13:7

Ana naloo nakabubua hataholi malela ha'da tak bubuak esa, de lakaseti Rehabeam fo Salomo anamanen-na tunga sila hihii-nanaun, fo nai lelek ndia muli-soluk nanseli ma ana ta lena-la'ban nalelak fa.

2TAWARIKH 17:5

Manetualain fe Yosafat nangatutuu matea-mahelek da'di leo manek Yehuda. Basa laun-na lala'en-na fen bua palsen de ana da'di kamasu'ik boema ala fe ha'da-holomata nanseli neun.

MAZMUR 38:13

Hataholi fo, ana nau taonisa au-a, ana lona hihi'ik ba'eneu au, hataholi fo, ana nau tao susa-soe au-a, ana fe nasanene'da mahelek sanga tao namopo-namate au.

MAZMUR 72:10

Mane-manek Tarsis-sala ma pulu-pulu-la leni tunu-hotuk soaneun Mane-manek Arab ma Etiopia-la ala mai fo leni bea.

PENGKHOTBAH 7:21

Boso nau namanene hataholi dede'a-kokola anin-nala, see bubuluk, malalau-maoono esa bei soo-supa o.

YESAYA 36:21

Laun Yerusalem-mala lamanene dede'ak ndia, te ta lataa fa, nana Manek Hizkia paleta basa, fo ela ka'da ala bedenge.

MATEOS 2:11

Boema lakandoo leo uma dale leu de lita ni'iana ndia no inan Maria. Tutika ala senek de lakaluku-lakatele neu ni'iana ndia. Boema ala buka sila mamana pepe'da bua lo'an de, ala ho'i-la sila tutunu-hohotun de ala fen neu ni'iana ndia. Hataholi kateluk sila la lini lilopilas, boominik, ma aidaa tuu kaboominik.

HATAHOLI 7:35

Musa ia nde Musa fo leoina Israe la ta sipo kana fa, ma ala tipahenin ninik dede'a-kokola ka nae, ‘See ka nde so'u o da'di ami mauli-malangam, ma mana maketu-mala'di ma?’ Tehu mate'e na, ndia nde Manetualain nadenun fo ana da'di mauli-malangan, ma mana fe so'dak neu hataholi Israe la, ninik tutulu-fafalik neme ata nusa so'dak fo ana mai natongo non neme telaana mana pilak dale a.

ULANGAN 13:13

nae emi leoinam-mala, hataholi mangalaun de'ubee, ala tao-la laun manai kota, latofa-latalak nenik ala sene-do'ok neu lamatua daebafak fo emi beita malelak-kana fa

SEMUEL SUSULAK-KA ESAN-NA 11:12

Basa boema, leoina Israel-la latane Semuel lae, “Basa hataholi fo naka'sa lapalani lafa'da lae, Saul ta nandaa da'di ita manen fa, lai bee? Tunga ndoon-na, Ama fes leo ami mai, fo daenga ami taomisas.”

SEMUEL SUSULAK-KA ESAN-NA 11:13

Tehu Saul nafa'da nae, “Ta bole taomisa hataholi esa boen nai faik ia dalen-na, nanahu nai faik ia dalen-na, Manetualain soi-tefa-na Israel so.”

SEMUEL SUSULAK-KA ESAN-NA 16:20

Basa boema, Isai sadia-na keledei esa, boema ana fua bi'ihiiana esa, loti ma alukosu bana louk esa henuk no angol. Ana fe basa sila-la leo Dauk neu, fo ana fen leo Saul neu.

SEMUEL SUSULAK-KA ESAN-NA 2:12

Eli anan-nala tatao-nono'in mangalaun nanseli. Ala ta lamanene Manetualain fa,

SEMUEL SUSULAK-KA ESAN-NA 25:17

Hu ndia de, tai-dodoo dede'ak ia, fo ho'i nakeketuk tunga hata fo Ina bisa taon. Nana, tao leo bee-o, neukose babalan-na ana mai, soaneu ita tuan-na, ma neu basa teidalen-nala lala'en-na. Ita tuan-na, langa batu nanseli, nalosa ana ta nau ita kokolak too fan!”