SEMUEL SUSULAK-KA ESAN-NA 10:19 - Susula Malalaok Hehelu Palak Ma Hehelu Beuk

¹⁹ Au soi-po'i emi neme basa doidosok ma honggu'uk lala'en-na mai so, tehu besak ia, emi ta sipok Au, fo emi Manetualaim-ma fa, nanahu emi moke, fo ela Au atu'du fe emi manek esa. Nah, malole so, de makabubua nai Au, fo emi Manetualaim Manakoasam-ma matan, tunga emi esa-esak leon.’ ”

SEMUEL SUSULAK-KA ESAN-NA 10:19 ပူးပေါင်းရင်းမြစ်များ

AMSAL 16:33

Hataholi daebafak-ka tu'u batu, fo ana bubuluk ua-nalen, tehu ka'da Manetualain mesak-kana, nde naketu natataan-na.

MIKHA 5:2

Da'di, neukose Manetualain po'ilotak sila musun-nala koasa anan-nala, losa inak fo nananaketuk soaneu da'di manakoasa ndia inan, ana bongi-nan. Basa ndia soona, hataholi fo sila leoina esa, bei lai mamana tu'u-tapak, neukose Ana taos da'di esa loo sila leoinan-na.

BILANGAN 11:20

tehu emi mi'an bula katemak esa dalen-na, losa emi mamahe'di-mapalau, ma emi muta hu kande nana'ak ndia. Manada'dik ndia ana da'di, nanahu emi tipa Manetualain fo manai emi tala'da heom-ma. Ma boeo, hu kande emi kii basa nai matan, ma emi haladoi mae emi la'oela dae Masir-ra so.”

BILANGAN 17:2

“Madenu hataholi Israel-la, fo ala fe o aitete'ek sanahulu dua, fo leo esan-na, aitete'ek esa, soona mane leo-a nde muse fe matan ai tete'ek ndia. Sulak mane leo sila-la, esa-esak na'den-na neu ai tete'en-na,

ULANGAN 17:14

“Metema emi leo nai dae fo, emi Manetualaim-ma fen neu emi-a soona, fafa'kama emi mahiik manuu manek esa, sama leo leoina fe'e-fe'ek fo, manai emi titia-taataim-mala boe.

YOSUA 24:1

Yosua naloo nakabubua basa leoina Israel-la leon-nala neme Sikhem, de nadenu basa lasi nggolok-kala, mauli-malangan-nala, manakee-manafula, ma basa malanga solda'du matuaina-la, fo mai lataa. Boema, ala mai lataa Manetualain.

HAKIM-HAKIM 8:23

Boema, Gideon nataa nae, “Ta. Neukose au ta da'di emi mauli-malangam fa; au anang-nga boeo ta. Manetualain nde da'di emi mauli-malangam-ma.”

SEMUEL SUSULAK-KA ESAN-NA 10:20

Boema Semuel nadenu basa leo-la leu leo uluk leu, de hehelek-ka la'e Benyamin leon-na.

SEMUEL SUSULAK-KA ESAN-NA 12:12

Tehu lelek emi mita Nahas, fo Amon manen-na, sanga sapu-na emi boema, emi ta sipok Manetualain da'di emi manem fa, de emi mafa'da au mae, ‘Ami hii manek esa paleta ami.’ ”

SEMUEL SUSULAK-KA ESAN-NA 14:23

Latee-lata'ti su'di enok-ka nanalun-na, losa ala seli Bet-Awen. Nai faik ndia dalen-na, Manetualain soi-tefa-na Israel.

SEMUEL SUSULAK-KA ESAN-NA 14:38

Hu ndia de, Saul nafa'da laun-na mauli-malangan nae, “Basa-basam-mala leo ia mai, fo palisak, ala tao sala-singo beek nai faik ia.

SEMUEL SUSULAK-KA ESAN-NA 4:1

Nai lelek ndia, hataholi Filistin-nala hoka la'iesak solda'dun-nala, fo leu latee-lata'ti loo Israel; hu ndia de, solda'du Israel-la tutulumatak leo natee-natatik dale leu; Ala ofu deka loo Eben-Haezer, te solda'du Filistin-nala ofu nai Afek.

SEMUEL SUSULAK-KA ESAN-NA 8:19

Tehu leoina ndia, ta nau taoafik neu Semuel hala-kokolan fa, lena-lenak lafa'da lae, “Nemen-na! Leomae leo beek boe, ami mahiik hapu manek.

SEMUEL SUSULAK-KA ESAN-NA 8:5

de lafa'dan lae, “Mamanene leon Ama, Ama namalasi so, te Ama anan-nala ta ta'bu tunga Ama ei tata'bun-na fa. Da'di, Ama so'u fe ami manek esa, fo daenga ami manuu manek sama-na leo leoina fe'ek-kala boe.”