SEMUEL SUSULAK-KA ESAN-NA 10:18 - Susula Malalaok Hehelu Palak Ma Hehelu Beuk

¹⁸ de nafa'das nae, “Manetualain, fo Israel Manetualain-na, nafa'dak-ka nde ia, ‘Au o emi kalua meme Masir mai, ma Au soi-po'i emi neme hataholi Masir-ra koasan-na mai, ma leoina fe'ek lala'en fo manatuni-ndeni emi so.

SEMUEL SUSULAK-KA ESAN-NA 10:18 ပူးပေါင်းရင်းမြစ်များ

KELUARAN 29:46

Neukose ala bubuluk lae Au nde Manetualain fo sila Manetualain-na fo mana no sila kalua leme Masir mai, fo ela Au hapu leo nai sila tala'daheon. Au nde sila Manetualain-na.”

BILANGAN 10:9

Ma metema emi matee-mata'ti nai emi nusam-ma, fo emi masala'e emi aoinam-ma neme musu-a mamain-na soona, puu pupuuk sila-la. Soona Au Manetualain, fo emi Manetualaim-ma neukose tulu-fali, ma soi-tefa emi neme emi musum-ma mai.

HAKIM-HAKIM 2:1

Manetualain ata nusa so'dan-na, neu leo Bokhim neu, de nafa'da hataholi Israel-la nae, “Au kalua basa emi neme Masir mai so, de Au o emi leo nusak fo Au helu basan neu emi bei-ba'i kaim-mala so. Au boeo afa'da ae, ‘Hehelu-balataak, fo manapa'a Au o emi-a, neukose Au ta tao ketu fan.

SEMUEL SUSULAK-KA ESAN-NA 12:8

Lelek Yakob no teidalen-nala mai lo Masir mai, ma hataholi Masir-ra tuni-ndenis-sala, emi bei-ba'i kaim-mala dokodoe tutulu-fafalik neu Manetualain, boema Manetualain nadenu Musa no Harun. Hataholi ka duak sila-la loo emi bei-ba'i kaim-mala kalua leme Masir mai, de ala tulu-falis fo ala leo lahele nai nusak ia.