SEMUEL SUSULAK-KA ESAN-NA 1:23 - Susula Malalaok Hehelu Palak Ma Hehelu Beuk

²³ Elkana nataa nae, “Hei, tao hata fo o meten malole; mahele meme uma losa fain-na losa, o fina heni ita anan-na. Ma sa'di leo been-na, Manetualain taon-na o hehelu-balataam da'di nananitak.” Da'di Hana nahele neme uma, losa fina heni anan-na.

SEMUEL SUSULAK-KA ESAN-NA 1:23 ပူးပေါင်းရင်းမြစ်များ

2 SEMUEL 7:25

Ma besak ia, ou Manetualain sa'di leo been-na, O tao matetea-mahehele hehelu-balataak, fo O kokolak-kana la'eneu au aoianang-nga, ma au tititi-nonosing. Sa'di leo been-na, tao matetu hata fo O helu basak ndia so.

1RAJA-RAJA 3:21

Balahaa fafaik, lelek au fo'a fo au sanga asu'u au anang-nga, te au itan maten so. Lelek au taoafik matalolole neun te se'kona au anang-nga ta nde ndia fa.”

MAZMUR 22:9

Lafa'da lae, “Nemen-na fo nasalai dean-na neu Manetualain, fo ela Manetualain soi-tefa nan, metema Manetualain dalen-na neulauk non!”

YESAYA 44:26

Au nde atetea-ahehele Au atang-nga, dede'a-kokolan, ma Au tao-no'i dale tutu'uk fo, Au atang-nga nafa'dan. Au afa'da, ae neukose Yerusalem-ma, nanaleok seluk, ma kota-kota manai Yehuda-la, neukose Au afofo'a falik-kasa; ai-batu manatapasasalan-nala, neukose nanatao matalololek.

BILANGAN 30:12

Tehu metema, nai lelek saotoun-na namanene dede'ak ndia boema, ana kena-ka'in, soona inak ndia natapo'i neme nasar, do hehelu-balataan ndia mai. Neukose Manetualain fen do'o do ampon, nanahu saotoun-na kena ka'in.

MATEOS 24:19

Bibii namata'u ka ba'u naseli nai fai-faik sila la ba'eneu ina kailus ala ma ina mana masu'u ni'iana beu ana la!

LUKAS 11:27

Yesus kokolak basa nae leondia boema, inak esa nai hataholi makadotok sila la tala'da nafa'da Yesus nae, “Tete'e ka, maua-manalek neu inak fo mana bongi ma manamasu'u O a!”

SEMUEL SUSULAK-KA ESAN-NA 1:17

Boema Eli nae, “Metema leondiak soona, fali mu'um ma no so'da-molek. Sa'di leo been-na, Israel Manetualain-na, sipok o nonokem-ma.”

SEMUEL SUSULAK-KA ESAN-NA 14:36

Basa boema, Saul nafa'da solda'dun-nala nae, “Mai fo ata teu sapu-ta hataholi Filistin-nala le'odaek ia boe, boema popo-tamanako bua-lo'an-nala losa fafaik, ma taotisa la'iesak-kasa.” Boema lataa lae, “Hei, Ama Manek, tao beek fo Ama Manek meten malole.” Tehu imam-ma nae, “Mai fo ata toke takahuluk natutu'duk neme Manetualain mai.”

SEMUEL SUSULAK-KA ESAN-NA 14:40

Boema Saul nafa'da laun Israel-la lala'en-na nae, “Emi basa-basam-mala, mapadeik mai boboak ia.” Boema, lataa lae, “Ela leo been-na, Ama Manek tao beek fo Ama Manek meten malole.”