1RAJA-RAJA 5:8 - Susula Malalaok Hehelu Palak Ma Hehelu Beuk

⁸ Boema Hiram haitua fe Salomo natataak-ka nde ia nae, “Au sipo a Tuan hala nonoken-na de au aheheleaong tao atetu Tuan hala nonoken-na. Neukose au sadia ai kaiou Libanon ma ai kaiou biasa fo nandaa no Tuan nonoken-na.

1RAJA-RAJA 5:8 ပူးပေါင်းရင်းမြစ်များ

2 SEMUEL 6:5

Dauk ma basa leoina Israel-la lala'en-na, ala la'ok nai Peti ndia uluk, boema ala foti-longe su'di bebe'ik, ma lakamee, fo ala fe ha'da-holomata neu Manetualain. Lakaminak kecapi, gambus, rebana, kelentingan, ma simbal.

1RAJA-RAJA 5:7

Hiram namahoko nanseli lelek ana sipo na halak ndia. Naaf'da nae, “Koa-kio Manetualain faik ia, nanahu Ana fe Dauk ana manek esa manatee-tenok nanseli soaneu ana da'di manek neu leoina matuaina ia.”

1RAJA-RAJA 5:9

Neukose au hataholing-ngala lakona ai sila-la neme Libanon leo tasi dale neu. Losa ndia soona ala pa'a lakabubua ai momolak sila-la da'di ofaanak fo lii nenis tunga tasi su'u na leo Tuan mamanan-na neu. Losa naa soona, ala se'iheni ofaanak sila-la fo ala fes leo Tuan hataholin-nala fo launu matalololes. Au oke Tuan, fo ela Tuan sadia nana'ak soaneu hataholi-hataholi fo manai au uma mane nga.”

1RAJA-RAJA 6:15

Basa papala nanadamak manai dalek-ka nananakatatamak nenik ai kaiou Libanon, mulai neme uma laten-na mai losa hunun-na. Laten-na nanataok neme ai kaiou biasa mai.

1RAJA-RAJA 6:34

Boeo ala tao la lelesu dook dua neme ai kaiou biasa mai, fo dook kaduak sila-la hapu dikun.

2TAWARIKH 2:16

Neukose ami lo'o ai kaiou neme letelepak Libanon-na de'u Tuan paluu-ka boema ami pa'as da'di ofaanak, fo ami makabobonuk-kasa tunga tasi losa leo Yope leu. Tuan hapu ndolos neme naa mai leo Yerusalem neu.”

2TAWARIKH 3:5

Kama makasososak-ka nanapapalak nenik ai kaiou neulauk mesa-mesan ma nananakadiditak nenik lilopilas. Nai lilopilas fo nananakadiditak ndia, hapu ai palem-ma dodoki-dudulan ma namosina dulan-na.