1RAJA-RAJA 3:3 - Susula Malalaok Hehelu Palak Ma Hehelu Beuk

³ Salomo sue-lai Manetualain ma ana tunga aman natutu'du nala, tehu ana bei do'do bana ma ana tunu-hotu boomenik nai pupukuk-kalalain manai mamana mata-matak-kala.

1RAJA-RAJA 3:3 ပူးပေါင်းရင်းမြစ်များ

1 KORINTUS 8:3

Tehu hataholi fo te'e-te'e ana sue-lai Manetualai na, Manetualain nalelak hataholi ndia.

MAZMUR 31:23

Nai au napangamang-nga dalek, au aedaenga, Manetualain tu'u-tapa heni au, neme matan-na mai so. Tehu Ana namanene au dokodoeng-nga, nai lelek au aloo bou-bou neun.

ULANGAN 30:16

Faik ia, au paleta emi, fo sue-lai emi Manetualaim-ma, ma tungan, boema tao-no i basa hoholo-lalanen ma paletan lala'en-na, fo ela emi maso'da no tetu-temak, ma emi da'di leoina matuaina. Neukose, emi Manetualaim-ma fe emi baba'e-papalak nai nusak fo, ta dook-ka so'on te, emi mangatuu-man ndia.

ULANGAN 6:5

Sue-lai emi Manetualaim-ma no emi dalek-katematuam-ma: Matu'du emi susue-lalaim ndia, nai emi heo-hilum-ma dalek, ma nai emi tatao-nono'i ma dalek.

1RAJA-RAJA 3:14

Ma metema o sama leo o amam Dauk, fo ana tunga Au boema ana tunga Au hoholo-lalaneng soona, neukose Au fe o fai nalu-le'do loak.”

1RAJA-RAJA 3:6

Salomo nataa nae, “Manetualain, O matu'du basa mae O sue-lai man seli neu au amang Dauk fo O atam ndia. Au amang ndia malole, ana tao tunga ndoon-na boema ana lilineka neu O. Ma da'dileo buti esa nae losa nakandondoohenin, O sue-lai mahelen, ma O fen ana touk esa fo besak ia ana paleta nggatin.

ULANGAN 30:20

Sue-lai emi Manetualaim-ma, ma tungan leona, ma lilineka neun. Soona, emi ma emi tititi-nonosim, neukose laso'da ma teu naluk nai nusak fo, Manetualain helu basan neu emi bei-ba'i kaim Abraham, Isak ma Yakob.”

ULANGAN 30:6

Neukose Ana tao nabebeu emi dalem-ma, nalosa emi sue-lai emi Manetualaim-ma no emi dalek-katematuam-ma, ma emi leo mahele meme nusak ndia.

ULANGAN 10:12

“Besak ia tolano-tolanoong-ngala lemin, taoafik neu hata fo, emi Manetualaim-ma noken neme emi mai fo nde: Fe ha'da-holomata neu emi Manetualaim-ma, ma tao-no'i basa paletan-nala lala'en-na. Sue-lain ma makaluku-makatele neun, neni basa emi ao paa samanem lala'en-na.

YAKOBIS 2:5

Mafandendelek tolano-tolanoo susue-lalai ngala lemein! Manetualain hele basa hataholi nuu taa-hata tak manai daebafak ia la, ala da'di hataholi kamasu'ik nai namahehele ka dalek. Neukose hataholi sila la, nde da'di Manetualain hataholi kamahehelen, sama leo Manetualain helu basan neu hataholi mana sue-lai nana.

YAKOBIS 1:12

Maua-manalek ba'eneu hataholi fo nakatatakak na dale na, nai lelek fo ana la'oladi sosoba-susu'di ka. Nana metema, nala sosoba-susu'dik ndia deak soona, neukose ana sipo nggadi na, fo nde maso'dak fo Manetualain helu basan neu hataholi mana sue-lai nana.

ROMA 8:28

Ita bubuluk basa, Manetualain ito-ato basa dede'ak lala'ena, de nalosa nini buna-boa malole soaneu hataholi manasue-lai nana, ma hataholi fo nandaa no dale tutu'u na.

YOHANIS 14:21

Hataholi fo ana sipok Au paleta ngala fo ana tao tungan soona, ndia nde sue-lai Au a. Boema Au Ama nga sue-lai hataholi manasue-lai Au a. Neukose Au boeo sue-lai hataholi ndia, fo Au atu'du Au aoina nga neu hataholi ndia.”

YOHANIS 14:15

“Metema emi sue-lai Au, ma emi makalala'ok Au paleta ngala soona,

MATEOS 22:37

Boema Yesus nataa nae, “Sue-lai o Manetualaim no o dale katema tua ma, no basa o ao paa samanem, ma no basa o dudu'a-aafim.

2RAJA-RAJA 18:22

Basa boema, Asyur malanga solda'du manai lain ndia, nafa'da nae, “Do fafa'kama, emi mafa'da, mae emi mamahena neu emi Manetualain do? Nai lelek, Hizkia fe paleta, fo ela hataholi Yehuda-la, ma hataholi Yerusalem-mala, maso-kasasi ka'da nai mei tunu-hotuk manai Yerusalem-ma matan-na, ade nanatao nakalulutuk ndia, ta nde mei tunu-hotuk-ka, ma mamana sene-do'ok neu Manetualain-na hetu?

2RAJA-RAJA 18:4

Ana tao nakalulutuk lamatua daebafak-ka mamana sosongo-tatangon-nala, ma ana tao natu'u batu lutun-nala, boema ana tao nalutu lamatua daebafak Inak Asyera, dodoki-dudulan. Boeo ana tao nakalulutuk menge liti, fo Musa taok-ka, fo loken lae Nehustan. Nana, losa lelek ndia, hataholi Israel-la, bei tunu boomenik fo fe ha'da-holomata neu menge liti ndia.

2RAJA-RAJA 15:35

Tehu susuek la'iesak-kana, ana ta tao nakalulutuk mamana sosongo-tatangok neu lamatua daebafak-ka fa, nalosa laun-na ka'da tunu-hotu, tutunu-hohotuk lahele ma ala tunu boomenik nai ndia. Yotam nde nafofo'a Lelesuina Kii, fo nai Manetualain Uman.

2RAJA-RAJA 15:4

Tehu, susuek la'iesak-kana, ana ta tao nakalulutuk, mamana sosongo-tatangok neu, lamatua daebafak-ka fa, de nalosa laun-na tunu-hotu nahele tutunu-hohotuk, ma ala tunu boomenik, nai ndia.

2RAJA-RAJA 14:4

de ndia boeo, ta tao nakalulutuk mamana sosongo-tatangok neu lamatua daebafak-ka fa, nalosa laun-na ka'da tunu-hotu lakandoo tutunu-hohotuk, ma tunu boomenik nai ndia.

2RAJA-RAJA 12:3

Tehu, leomae leondiak boe, ana ta tao nakalulutuk lamatua daebafak-ka, mamana sosongo-tatangon fa, de nalosa laun-na bei tunu-hotu tutunu-hohotuk, ma tunu boomenik nai ndia.

1RAJA-RAJA 22:43

Sama leo aman Asa, Yosafat tao-no'i hata fo malole nai Manetualain mata memete na. Nai nusan dale, ana tao namopo basa ina touk manandolo lee fo manai mamana sene-do'ok neu sosongo-tatanok fo bei ela kala neme aman Asa tepo-lele na mai. Tehu sosongo-tatango kala mamanan-nala ana ta tao nakalulutu kasa fa. Laun-na bei ka'da fe tutunu-hohotuk ma boomenik nai naa. Yosafat tao na ofan-nala sama leo Tarsis ofan-nala fo ala ho'i lilopilas neme Ofir mai, tehu ofak sila-la ta da'di la'o fa, nanahu nalutus nai Ezion-Geber. Mane Ahazia neme Israel kokoe fo daenga ofa isin-nala la'o sama-sama loo Yosafat ofa isin-nala, tehu Yosafat ta sipok fa, leomae nanuu tututi-nanato malole no mane Israel-la. Basa boema mate Yosafat de latoin nai mane-manek manai kota Dauk ka late nala. Anan Yoram nggatin da'di manek. Tutui fe'ek la'eneu Yosafat, la'eneu palani tati batu na, ma natee-natati nala nanasulak nai Mane-manek Yehuda-la buku Tutuin dale. Nai tepo-lelek ndia, nusa Edom ma manen ta. Fo manapaleta manai naa, malanga nusak esa.

1RAJA-RAJA 15:14

Leomae Asa ta tao nakalulutuk basa mamana sosongo-tatangok-kala fa, tehu ana lilineka nahele neu Manetualain nai fai maso'dan-na dalek.

1RAJA-RAJA 15:3

Abiam tao sala-singok sama leo aman. Ana ta lilineka no dalek-katema tua na neu Amak, fo Manetualain na fa, ndia fe'ek no Dauk fo ba'i nelu na.

1RAJA-RAJA 11:38

Metema o sama leo Au atang Dauk fo o tunga Au no dalek-katema tuak boema maso'da tunga Au hoholo-lalaneng, ma tao mamahoko Au daleng-nga nenik tao basa hata fo Au paletan neu o, soona neukose Au ook-ko tataas esa. Neukose Au fe o da'di manek nai Israel. Neukose Au helu memak ae o tititi-nonosim neukose da'di mane Israel nggati o, sama leo hata fo Au tao basan soaneu Dauk.

1RAJA-RAJA 11:34

Leomae leondiak boe, neukose Au ta ho'i a la'iesak nusak ndia neme ndia mai fa. Neukose Au po'ilota kana ana koasan-nai fai maso'da na dalek. Au tao dede'ak ndia, nanahu Au atang Dauk, fo Au hele basan so, ma ana tunga Au hoholo-lalaneng ma Au paletang-nga la.

1RAJA-RAJA 11:6

Leondiak Salomo nasala-nasingo neu Manetualain. Dauk, fo Salomo-aman, tunga Manetualain no dalek-katematuak, tehu Salomo ta leondiak fa.

1RAJA-RAJA 11:4

nalosa nai lelek fo nai fai lasin-na, ala hapu fufu'di-oodok lan fo ana sene-do'ok neu lamatua daebafa fe'ek-kala. Dauk, fo Salomo-aman, lilineka neu Amak, fo Manetualain na, tehu Salomo ta sama leo aman fa.

1RAJA-RAJA 9:4

Metema o da'di ata neu Au no dale ndoos ma tao tunga ndoon-na sama leo o amam Dauk, ma o tunga Au hoholo-lalaneng ma Au paletang-nga la,

ULANGAN 10:13

Tunga la'iesak Manetualain paletan fo, faik ia, au anduku-alosak-kana neu emi, hu kande neni malole fe emi.

ULANGAN 11:13

Da'di, tunga la'iesak paleta fo faik ia, au anduku-alaosak-kana neu emi; sue-lai emi Manetualaim-ma, ma makaluku-makatele neun, nenik basa emi ao paa samanem lala'en-na.

MAZMUR 145:20

Nasulu-nahapa basa hataholi manasue-lain-nana, tehu Ana tao namopo-namate, hataholi manatao tatao-nono'i mangalauk-ka.

IMAMAT 17:5

Paleta ndia sosoan-na nde, fo ela leoina Israel-la leni la'iesak bana tunu-hotuk, fo biasa ala do'do bana sila-la nai tina-la dalek-ka, muse lenis leo Manetualain Lalaa Teman-na neu. Sila muse leni tunu-hotuk sila-la leo imam-ma, nai Manetualain Lalaa Teman-na lelesun-na, bafan-na neu, fo ana do'don nai ndia, fo soaneu tutunu-hohotu mole-dame.

SEMUEL SUSULAK-KA ESAN-NA 9:12

Anafe'oanak sila-la lataa lae, “Hei, hapu, besak-ka neu. Metema emi la'ok lai-lai soona, fafa'kama emi tunga hapun. Besak-ka ana fali ma'in leo kota mai, nanahu faik ia, hapu tunu-hotu fe laun-na tutunu-hohotuk nai mei tunu-hotuk nai pupukuk lain. Metema ana beita mai fa soona, hataholi nanaka'ik-kala beita la'a fa, nanahu muse ana fe nakahuluk baba'e-papalak neu tutunu-hohotuk sila-la dei. Metema emi meu besak ia soona, neukose ana beita nda'e pupukuk-ka fo neu na'a fa te, emi matongo moon so.”

1RAJA-RAJA 8:25

O boeo maheluk basa moo au amang mae metema tititi-nonosin te'e-te'e ala tunga Au sama leo ndia, soona neukose o tititi-nonosim da'di manek neu Israel tataas esa. Besak ia, ou Amak, fo Israel Manetualain na, tao matetu basa hata fo O helu basan neu au amang Dauk, fo O atam ndia.

1RAJA-RAJA 8:61

Ela leo been-na emi, fo anan-nala, lilineka tataas esa neu Amak, fo ita Manetualain na, ma tunga hoholo-lalanek ma paletan-nala sama leo hata fo emi taon nai faik ia.”

1RAJA-RAJA 14:8

Au fe basa o, nusak fo Au loso an neme Dauk tititi-nonosin-nala mai. Tehu o ta sama leo Au atang Dauk fa. Ana lilineka te'e-te'e neu au ma ana tunga Au paletang-ngala. Ana taok-ka'da hata fo Au akaheik ana taon.

1RAJA-RAJA 14:23

Nai pupuku kala lain ma nai ai matuaina la huun-na, ala lafofo'a mamana sosongo-tatangok-kala, ma lapadedeik lutu batu la boema ala tao Asyera fo lamatua daebafak inak ka doki-dulan, soaneu ala sene-do'ok.

1RAJA-RAJA 15:5

Manetualain tao dede'ak ndia hu kande Dauk tao namahoko dalen-na so. Ta la'iesa boen fo Dauk la'olena Manetualain paletan-nala fa, ta'da fe'e nai Uria fo hataholi Het ndia, dede'a na dalek.

1RAJA-RAJA 15:11

Sama leo Dauk, fo ba'ikai na, Asa tao namahoko Manetualain dalen-na.

2RAJA-RAJA 12:4

Faik esa boema, Yoas naloo basa imam-nala, de nadenus, fo ala pe'da doik fo, ala hapus neme tutunu-hohotuk nai Manetualain Uman, nau doik fo nanaba'ek, nai lelek ala tao feta tutunu-hohotuk, do doi fee-feek, fo hataholi-a fe no dale hihii-nanau mesan-na.

2RAJA-RAJA 14:3

Amazia tao hata, fo nandaa no Manetualain dalen-na, tehu ndia ta sama leo ba'i kain Dauk fa. Sama leo aman boe,

2TAWARIKH 15:17

Leomae leondiak boe, Asa ta tao nakalulutuk la'iesak mamana sosongo-tatangok manai nusak ndia fa, tehu nai fai maso'dan-na dalek, ana lilineka nahele neu Manetualain.