1RAJA-RAJA 20:7 - Susula Malalaok Hehelu Palak Ma Hehelu Beuk

⁷ Boema Mane Ahab-pa naloo basa mauli-malanga Israel-la de nae, “Emi sakasii matam mae hataholi ia sanga tao susa-soe ita. Ana noke no nakasetik fo ela au fe au saoinang-ngala ma au anang-ngala boema au lilopila lilofulang-ngala, de au sipok nonoken-nakasetin ndia.”

1RAJA-RAJA 20:7 ပူးပေါင်းရင်းမြစ်များ

1RAJA-RAJA 20:6

Tehu besak ia, neukose nadenu malanga solda'du la fo ala nggale'da o uma manem-ma, ma o hataholi mana'a ngga'di mala uman-nala, boema ala ho'i la su'di beek fo ala bubuluk lae bua kabelik. Balahaa fafa'kama li'u leo iak te, neukose ala mai leo ia mai.”

1RAJA-RAJA 20:8

Basa mauli-malangan-nala ma laun-na lae, “Boso litu hataholi ndia, Ama Manek! Boso tunga hihii-nanaun.”

1RAJA-RAJA 21:8

Boema Izebel sulak susulak pake Ahab na'den-na ma nakadiditak segel manek-ka neu susulak ndia. Ana haitua susulak ndia leo mauli-malangan ma lasi-lasi nggolok manai Yizreel-la.

1RAJA-RAJA 8:1

Basa ndia boema Mane Salomo naloo lasi-lasi leo-la ma teidale-bobongik lala'en-na leme Israel mai fo latongo loon nai Yerusalem, fo ala laliheok Manetualain Peti Hehelu-balataan neme Sion, kota Dauk, leo Manetualain Uman neu.

2RAJA-RAJA 5:7

Lelek mane Israel-la lees susulak ndia boema, ana sii-sii bua papaken-na, nanahu dalen-na, ta tesa-tama fa, boema nae, “Soe! Hu beek de, mane Siria ndia noke au tao alea-ahai hataholi ia? Manetualain ta nde au fa, fo nanuu koasa, soaneu tao naso'da do tao namate hataholi! Tao leo bee-o, mane Siria ndia, ka'da sanga salak no au ndia.

1 TAWARIKH 13:1

Manek Dauk ka nakokolaok no basa malanga solda'du matuainan fo nauli-nalanga solda'du lifun esa ma solda'du natun esa.

1 TAWARIKH 28:1

Manek Dauk-ka paleta fo ela basa mauli-malangan Israel-la lakabubua. Da'di basa maneleo, malangan teidale-bobongik, basa manamanea manek-ka ma anamanen-nala hata-heton boema bana-manun-nala – dede'a keke'un-na, basa uma manek-ka hataholi matua-mademan-nala, malanga solda'du matuaina-la ma hataholi nananita-nalelak-kala, fo basa-basas lakabubua lai Yerusalem.

AYUB 15:35

Ndia nde sila fo manatutu'u eno mangalauk-ka, boema lakalala'ok-kana; ke'di-ndiuk-ka, nai dalen dale tataas esa.”

MAZMUR 140:2

Ou Manetualain, soi-po'i au neme hataholi mangalauk-ka mai, ma manea au neme hataholi maseti-malakak-ka mai.

MAZMUR 36:4

Dede'a-kokolan mangalauk-ka, ma henuk no tipu-daik-ka, ana ta tao dede'a malole, ma manatee-tenok so'on.

MAZMUR 62:3

Ka'da Ndia nde, nasulu-nahapa ma soi-tefa au, Au manamasala'eng-nga nde Ndia, de neukose au ta anggengo fa.

AMSAL 11:14

Metema leoina mauli-malangan ta soona, neukose nakalulutuk; tehu metema manamanoli-mafa'da makadotok soona, hapu so'da-molek.

AMSAL 11:27

See manggate tao malole soona, neukose hataholi sue-lain; see sanga mangalauk-ka soona, neukose toto'a-sosotak tunin-nalan.

AMSAL 24:2

Sila ka'da dudu'a-dodoo naseti-nalakak, ma kokolak hata fo neni soe fe hataholi.

AMSAL 6:14

Dudu'a-aafin kaboo-kabalik, dalen-na henuk no tutu'u eno mangalauk, ma neni nale'a-napilik nai mamanak lala'en-na.

DANIAL 11:27

Basa boema, mane ka duak sila-la neukose la'a lakabubua nai mei esa lain, tehu lape'da dudu'a-aafi mangalauk, ma neukose esa nasapepeko-nasandandali esa. Tehu sila dale tutu'un-nala buna-boan ta, nana fain-na beita losa fa.