Ýermeýa 17:11 - Mukaddes Kitap

¹¹ Haram baýlyk toplan öz guzlamadyk ýumurtgalarynyň üstünde oturan käkilik kimindir. Ömri ýarpy bolanda, ol baýlyk elden gider, ömrüniň ahyrynda bolsa ol akmak bolup çykar.

Мукаддес Китап

¹¹ Харам байлык топлан өз гузламадык юмуртгаларының үстүнде отуран кәкилик киминдир. Өмри ярпы боланда, ол байлык элден гидер, өмрүниң ахырында болса ол акмак болуп чыкар.

Ýermeýa 17:11 ပူးပေါင်းရင်းမြစ်များ

Eýýup 20:21

Iýenlerinden artany bolmady, munuň üçin rowaçlyklary uzaga çekmez.

Zebur 49:13

Öküzleriň etini iýýärinmi Men? Erkeçleriň ganyny içýärinmi Men?

Süleýmanyň pähimleri 13:11

Duýdansyz gelen baýlyk barha azalar, el bilen çöpleýän köp gazanar.

Süleýmanyň pähimleri 15:27

Nebsine çapýan öýüne alada getirýär, parany ýigrenýän bolsa uzak ýaşaýar.

Süleýmanyň pähimleri 21:6

Ýalan söz bilen toplanan hazyna ölüme kowalap barýan ümür-dumandyr.

Süleýmanyň pähimleri 23:5

Seniň gözüň baýlyga kaklyşanda, şol baýlyk gidýändir, çünki ol birden ganat çykaryp, bürgüt ýaly asmana uçýandyr.

Süleýmanyň pähimleri 28:16

Düşünjesiz hökümdar juda zalymdyr, adalatsyz gazanjy ýigrenýän bolsa ömrüni uzaldýandyr.

Süleýmanyň pähimleri 28:20

Sadyk adamyň ýalkawy köp bolar, baýlygyň yzynda hars urýan bolsa jezasyz galmaz.

Süleýmanyň pähimleri 28:22

Gysganç adam baýlygyň yzynda hars urup, başyna garyplygyň geljegini bilýän däldir.

Süleýmanyň pähimleri 28:8

Peýda we göterim bilen baýlygyny artdyrýan ony garyplara sahawat edýän adam üçin ýygnaýandyr.

Ýermeýa 22:13

Öýüni nädogrulyk bilen gurýanyň, eýwanyny adalatsyzlyk bilen giňeldýäniň, başga birini mugt işledip, onuň hakyny bermeýäniň dat gününe!

Ýermeýa 22:17

Emma seniň gözüň we ýüregiň haram gazanja, bigünä gan dökmäge, zulum hem zorluk etmäge dikilipdir.

Ýermeýa 6:13

«Uludan-kiçä ählisi haram gazanjyň yşkynda, pygamberden ruhana çenli her kes gün görýär hile bilen.

Ýermeýa 8:10

Uludan-kiçä ählisi haram gazanjyň yşkynda, pygamberden ruhana çenli her kes hile bilen gün görýär. Şonuň üçin aýallaryny başgalara, melleklerini talaňçylara bererin.

Amos 3:10

«Galalarynda zorluk bilen talan oljalaryny toplaýarlar, dogry iş etmegi hiç bilmeýärler. Muny Reb aýdýandyr.

Mika 2:9

Halkymyň aýallaryny rahat öýlerinden kowýaňyz. Çagalaryny berekedimden ebedilik mahrum edýäňiz.

Mika 7:3

Pis işe türgendir elleri, hökümdarlar, kazylar para soraýarlar, güýçlüler arzuwyna zor bilen amal edýärler. Adalaty ýoýýarlar şeýdip.

Сепаня 1:9

Şol gün galp hudaýlara sežde edýänleri, Öz hudaýlarynyň buthanasyny zulum hem hileden doldurýanlaryň baryny jezalandyraryn».

Закаря 5:4

Men ony ýolladym. Ol ogrynyň hem-de Meniň adymdan ýalandan ant içýäniň öýüne girer we şol öýde-de galar; agaç-tagtasydyr daşlary bilen bile öýi ýuwudar. Muny Hökmürowan Reb aýdýandyr».

Malaky 3:5

Hökmürowan Reb şeýle diýýär: «Soňra Men höküm çykarmak üçin ýanyňyza gelip, jadygöýlere, zynagärlere, ýalan ýere ant içýänlere garşy we talabanyň, dul aýalyň, ýetimiň hakyny iýýänlere garşy, gelmişegi hukugyndan mahrum edýänlere, Menden gorkmaýanlara garşy derrew şaýat bolaryn.

Matta 23:13

Waý halyňyza, Töwrat mugallymlary we fariseýler! Eý, ikiýüzlüler! Siz Gögüň Şalygyna girmäge adamlaryň öňüni baglaýarsyňyz, oňa ne özüňiz girýärsiňiz, ne-de girjeklere ýol berýärsiňiz.

Luka 12:20

Emma Hudaý oňa: „Eý, akmak! Edil şu gijäniň özünde janyň alnar. Onsoň özüň üçin taýýarlan zatlaryň kime galar?“ diýýär.

1 Timoteos 6:9

Baýamakçy bolýanlar bolsa synaga düşüp, akmak we erbet höwesleriň toruna çolaşýandyrlar. Bu höwesler olary weýrançylyga we heläkçilige uçradýandyr,

Titus 1:11

Olaryň agzyny baglamak gerek. Çünki olar ýygnaklarda öwretmesiz zatlary öwredip, maşgalalary bütinleý dargadýarlar. Iň erbedi-de, olar bulary pul gazanmak üçin öwredýärler.

2 Petrus 2:14

Olaryň zynadan gözleri doýmaýar, hiç wagt günäni bes etmeýärler. Olar durnuksyz kişileri duzaga düşürip azdyrýarlar. Olaryň kalby açgözlüge ýugrulyp, näletlenen adamlardyr.

2 Petrus 2:3

Açgözlükden ýaňa bu galp mugallymlar öz toslama hekaýatlary bilen siziň puluňyzy üterler. Şonuň üçin olaryň jezasy gadymdan taýýar durandyr, heläkçiligi bolsa gijikmez.