تیتوس 2:14 - مُقادِّس کیتاب

¹⁴ عیسی مسیح بیزی هِمّه گونَه‌لِردِن آزاد اِتمِک اوچین، اُزونی قربانی اِتدی.‏ اُل مونی اُزونه یاخشیلیق اِتمِکده قایراتلی و پَک بیر خالقی قازانماق اوچین اِتدی.‏

تیتوس 2:14 ပူးပေါင်းရင်းမြစ်များ

مَتّیٰ 1:21

اُل بیر اُغول دُغرار، سِن اُنونگ آدینا عیسی داقارسینگ، سِبَبی اُل اُز خالقینی گونَه‌لِریندِن نِجات بِرِر»‏ دییدی.‏

مَتّیٰ 20:28

اینسان اُغلی-دا اُزونه خیدمات اِدیلمِگی اوچین دَل-ده، اُندان باشغا بِیلِکیلِره خیدمات اِتمَگه و جانینی فِدا اِدیپ، هِمّه‌لِری آزاد اِتمَگه گِلِندیر»‏ دییدی.‏

مَتّیٰ 3:12

اُنونگ خارمان آراسّالایان چارشاخی اِلیندِدیر.‏ اُل خارمان یِرینی سوپوریپ، بوغدایینی آمّارا ییغنار.‏ سامانی بُلسا سُنمِز اُددا یاقار.‏»‏

یوحنا 6:51

آسماندان اینِن دیری چُرِک مِندیرین.‏ موندان اییِن آدام اِبِدی یاشار.‏ دونیَه‌نینگ یاشایشی اوچین بِرجِک چُرِگیم مِنینگ اُز بِدِنیمدیر.‏»‏

رِسول‍لار 15:14

اینه، شمعون بیزه خودایینگ اُوالدان باشغا میلِّتلِره نَهیلی ناظار سالاندیغینی و اُلارینگ آراسیندان اُزونه بیر خالق سایلاپ آلاندیغینی دوشوندیریپ بِردی.‏

رِسول‍لار 15:9

خودای اُلارینگ ایمانینینگ اوستو بیلِن یورِکلِرینی پَکلِدی.‏ شِیدیپ، خودای بیزینگ بیلِن باشغا میلِّتلِرینگ آراسینداقی فارقی یُق اِتدی.‏

رِسول‍لار 20:28

اُزونگیزه و مُقادِّس روحونگ سیزینگ باقماغینگیزا بِرِن هِمّه سوروسینه گُز-قولاق بُلونگ.‏ خودایینگ کِلیساسینا چُپانچیلیق اِدینگ.‏ اُل بو کِلیسانی اُز اُغلونینگ قانی بیلِن ساتین آلدی.‏

رِسول‍لار 9:36

یافادا تابیتا آدلی بیر آیال شَگیرت باردی.‏ آدینینگ مَعنیسی جِرِن.‏ مونونگ اِدِن یاخشی ایشلِری، بِرِن صاداقالاری قاتی کَندی.‏

غَلاطیه‌لِر 1:4

آتامیز خودای اِراداسینا گُرَه، عیسی مسیح بیزی شو بِتِرلییَن اِییَمدِن آزاد اِتمِکچی بُلوپ، گونَه‌لِریمیز اوچین اُز جانینی بِردی.‏

غَلاطیه‌لِر 2:20

مِن مسیح بیلِن صلیبه چویلِندیم، ایندی مِن دَل-ده، مِندَکی مسیح یاشایاندیر.‏ بِدِندَکی یاشایشیم بُلسا خودایینگ اُغلونا بُلان ایمانیمینگ اوستو بیلِندیر.‏ اُل مِنی سُیوپ، اُزونی مِنینگ اوچین قربانی اِتدی.‏

غَلاطیه‌لِر 3:13

مسیح شِریغاتینگ اِعلان اِدِن لَعنِتینی اُز اوستونه آلیپ، بیزی شُل شِریغاتینگ لَعنِتدِن آزاد اِتدی.‏ چونکی تُورات‌دا:‏ ‏«‏آغاچدان آسیلان هِر کِس لَعنِتلِنِندیر»‏ دییّپ یازیلاندیر.‏

اِفِسُسلار 1:11

هِمّه زادی اُز ایسلِگینه لاییقلیقدا یِرینه یِتیریَن خودای اُز نییِتینه گُرَه بیزی اُودِن بِلَّپ، مسیحینگ اوستو بیلِن سایلاپ-سِچدی.‏ اُل مونی بیزینگ، یَعنی عیسی مسیحه اَوَّلکی بُلوپ ایمان گِتیرِنلِرینگ خودایینگ جِلالینی عارشا گُتِرمِگیمیز اوچین عِمِل اِتدی.‏

اِفِسُسلار 2:10

سِبَبی خودای بیزی عیسی مسیحینگ اوستو بیلِن یاراتدی.‏ اُل بیزی اُوالدان تاییارلاپ قُیان یاخشی ایشلِرینی اِتمِگیمیز اوچین یاراتدی.‏

اِفِسُسلار 5:2

مسیح یالی سُیوپ یاشانگ.‏ اُل بیزی سُیوپ، خودایا ایسلی عاطیر و هِم قربانلیق حُکمونده بیزینگ اوچین جانینی قربان اِتدی.‏

۱ تیموتاوس 1:15

شُنگا گُرَه-ده:‏ ‏«‏عیسی مسیح گونَه‌کَرلِری نِجات بِرمَگه دونیَه‌میزَه گِلدی»‏ دییِن سُزلِر دُغری و هِر طارافدان قابول اِدِرلیکدیر.‏ شُل گونَه‌کَرلِرینگ اینگ گونَه‌کَری-ده مِندیرین.‏

۱ تیموتاوس 2:10

اُز یاخشی ایشلِرینه آوادانلانسینلار.‏ اُز تاقوالیدیقلارینی ایقرار اِدیَن آیال‍لارا شِیله اِتمِک یاراشیاندیر.‏

۱ تیموتاوس 2:6

عیسی مسیح هِمّه‌لِری آزاد اِتمِک اوچین، اُزونی قربانی اِتدی، و شُنونگ بیلِن اُز میناسیپ واقتیندا شو حاقیقات تاصدیقلاندی.‏

۱ تیموتاوس 6:18

اُلارا یاخشیلیق اِتمِگی، یاخشی ایشلِر، ساخیلیق و اِلی آچیقلیق خازیناسینی ییغناماغی تابشیر.‏

تیتوس 2:7

یاخشی ایشلِرینگ بیلِن اُلارا هِمّه زاتدا نِمونه بُل.‏ تَعلیماتی صاپ یورِکدِن اِدِبلیلیک بیلِن اُورِت،

تیتوس 3:8

بو سُزلِرینگ باری حاقیقاتدیر.‏ خودایا ایمان گِتیرِنلِرینگ یاخشیلیق اِتمِکده قُلایلاشماقلاری اوچین، بو زاتلاری خاص بِلِّمِگینگی ایسلِیَرین.‏ بو زاتلار اینسانلار اوچین قاوی و پِیدالیدیر.‏

عِبرانیلار 1:3

اُغول خودایینگ بِییکلیگینینگ یالقیمیدیر، اُنونگ کَمیل‌لیگینینگ صوراتیدیر.‏ اُل هِمّه عالِم-جاهانی قودراتلی سُزی بیلِن ساقلاپ، بیزی گونَه‌لِردِن پَکلَندِن سُنگ، عارشدا بِییک خودایینگ ساغیندا اُتوردی.‏

عِبرانیلار 10:24

بیری-بیریمیزی سُیمَگه و یاخشی ایشلِر اِتمَگه هُوِسلِندیرمِک بارادا فیکرلِنِیلینگ.‏

عِبرانیلار 9:14

اِگِر شِیله اِدِن بُلسالار، اُندا مسیحینگ قانی بیلِن خاص-دا اولی ایشلِر اِدیپ بُلار!‏ شِیدیپ، مسیح اِبِدی روحونگ اوستو بیلِن اُزونی عایپسیز قربانلیق حُکمونده خودایا هُدورلِدی.‏ اُنونگ دُکِن قانی بیزینگ وِجدانیمیزی اُلومه اِلتیَن ایشلِردِن پَکلِیَر، شُندا بیز دیری خودایا خیدمات اِدیَریس.‏

یعقوب 4:8

خودایا یاقینلاشینگ، اُل هِم سیزه یاقینلاشار.‏ اِی گونَه‌کَرلِر، اِلینگیزی گونَه‌دِن پَکلَنگ.‏ اِی ایکیگُوونلیلِر، یورِگینگیزی پَکلَنگ.‏

۱ پِطرُس 1:18

آتا-بابالارینگیزدان میراث آلان بو پوچ دورموشینگیزدان قیزیل-کوموش یالی فانی زاتلارینگ اوستو بیلِن نِجات تاپماندیغینگیزی بیلیَنسینگیز.‏

۱ پِطرُس 1:22

ایندی سیز حاقیقاتا موطیع بُلماق بیلِن یورِکلِرینگیزی پَکلِدینگیز، تویس یورِکدِن سُیگه اِیه بُلدونگیز.‏ شُنونگ اوچین بیری-بیرینگیزی تویس یورِکدِن سُیونگ.‏

۱ پِطرُس 2:12

ایمانسیزلارینگ آراسیندا قاوی و دُغری یاشانگ.‏ شُندا اُلار سیزی یالنگیش ایش اِتمِکده تُهمِت اورسالار-دا، دُغری ایشلِرینگیزی گُروپ، خودایینگ گِلجِک گونی اُنی بِییکلِندیرِرلِر.‏

۱ پِطرُس 2:9

اِمّا سیز بِیله دَلسینگیز، چونکی سیز سایلانیپ-سِچیلِن خالقسینگیز.‏ سیز پادیشاهینگ کاهینلاری، مُقادِّس میلِّت و خودایا باغلی خالقسینگیز.‏ خودای سیزی قارانگقیلیقدان اُزونینگ عجاییپ نورینا چاغیردی.‏ سیز اُنونگ بِییکلیگینی اِعلان اِتمِک اوچین سایلانیپ-سِچیلِنسینگیز.‏

۱ پِطرُس 3:18

مسیح هِم بیزی خودایینگ یانینا اِلتمِک اوچین، گونَه‌لِر سِبَپلی هِمیشه‌لیک و بیر گِزِک عاذاپ چِکدی.‏ اُزی عادیل بُلسا-دا، گونَه‌کَرلِر اوچین اُلدی.‏ بِدِن تایدان اُلدوریلسه-ده، اِمّا روح تایدان اُل دیرِلدیلدی.‏

۱ یوحنا 1:7

اِمّا خودایینگ نوردا بُلشی یالی، بیز هِم نوردا گِزیَن بُلساق، اُندا بیری-بیریمیز بیلِن شِریکلیگیمیز باردیر.‏ اُنونگ اُغلی عیسانینگ قانی بیزی هِمّه گونَه‌دِن پَک اِدیَندیر.‏

۱ یوحنا 1:9

اِمّا گونَه‌لِریمیزی بُیون آلساق، اِمین هِم عادالاتلی خودای گونَه‌لِریمیزی باغیشلار و بیزی هِر هیلی یامانلیقدان پَک اِدِر.‏

۱ یوحنا 3:2

عزیزلِریم، بیز ایندی خودایینگ فِرزِنتلِریدیریس.‏ بیزینگ نَهیلی اویتگِجِکدیگیمیز هِنیز بِلّی دَل، اِمّا مسیحینگ گِلیپ گُرِنجِک واقتیندا اُنگا مِنگزِجِکدیگیمیزی بیلیَریس، سِبَبی اُنی بُلشی یالی گُرِریس.‏

آیانلیق 1:5

اُلومدِن اَوَّلکی بُلوپ دیرِلِن، دونیَه پادیشاهلارینینگ حُکومداری بُلان اِمین شاهات عیسی مسیحینگ مِرحِمِتی و پاراحاتلیغی سیزه یار بُلسون!‏ بِییکلیک و قودرات اِبِدی مسیحینگکیدیر!‏ چونکی اُل بیزی سُیِندیگی سِبَپلی، قانینی دُکوپ، گونَه‌لِریمیزدِن آزاد اِتدی.‏ اُل بیزدِن پادیشاهلیق یارادیپ، بیزی آتاسی خودایا خیدمات اِتمِک اوچین کاهینلار بِلِّدی.‏ اَمین!‏

آیانلیق 5:9

اُلار تَزه بیر آیدیم آیدیاردیلار:‏ ‏«‏سِن میناسیپسینگ بو طوماری آلماغا، هِم-ده اُنونگ مُهورلِرینی دُومَگه.‏ چونکی داماغینگ چالنیپ و اُز قانینگ بیلِن، هِر طایفادان، هِر دیلدِن، هِر خالقدان و هِر میلِّتدِن خودای اوچین آداملاری ساتین آلانسینگ.‏