تیتوس 1:9 - مُقادِّس کیتاب

⁹ اُل اُزونه اُورِدیلِن دُغری تَعلیماتا صادیقلیق بیلِن ایزینا دوشمِلیدیر.‏ باشغالارا هِم بو تَعلیماتا لاییقلیقدا ناصیحات بِریپ، اُنگا قارشی چیقیانلارینگ دُغری دَلدیکلِرینی بِلّی اِتمِلی.‏

تیتوس 1:9 ပူးပေါင်းရင်းမြစ်များ

رِسول‍لار 18:28

اُل مُقادِّس یازغیلار اِساسیندا عیسانینگ مسیحدیگینی تاصدیق اِدیپ، یَهودیلِرینگ ناحاقدیغینی خالقینگ اُوونده آچیق آیان اِدیَردی.‏

۱ قُرِنتُس‌لار 14:24

اِمّا اِگِر ایمان گِتیرمِدیک یا-دا دوشونمِیَنینگ بیری نبوّتلیق اِدیپ دورقا گِلسه، اُل هِمّه‌لِر طارافیندان گونَه‌کَرلِنیپ، حُکوم اِدیلیَندیگینی اِشیدِر.‏

۱ تِسالونیکیلِر 5:21

هِر زادی ایمتِحان اِدیپ گُرونگ.‏ قاوی زادی قاییم ساقلانگ.‏

۲ تِسالونیکیلِر 2:15

شُنگا گُرَه-ده، اِی عزیزلِر، ایندی ایماندا قاییم دورونگ!‏ بیزدِن سُز یا نامه‌نینگ اوستو بیلِن اُورِنِن تَعلیماتینگیزا قاییم یاپیشینگ.‏

۱ تیموتاوس 1:10

زیناکَرلِر، بیری-بیری بیلِن تِلِکه ایش اِدیَن اِرکِکلِر، قول سُوداگَرلِری، یالانچیلار، یالان یِره قاسام ایچیَنلِر، و هِم دُغری تَعلیماتا قارشی چیقیانلارینگ هِمّه‌سی اوچیندیگینی بیلیَریس.‏

۱ تیموتاوس 1:15

شُنگا گُرَه-ده:‏ ‏«‏عیسی مسیح گونَه‌کَرلِری نِجات بِرمَگه دونیَه‌میزَه گِلدی»‏ دییِن سُزلِر دُغری و هِر طارافدان قابول اِدِرلیکدیر.‏ شُل گونَه‌کَرلِرینگ اینگ گونَه‌کَری-ده مِندیرین.‏

۱ تیموتاوس 1:19

ایماندا قاییم دوروپ، وِجدانینگی پَک ساقلا.‏ کَبیر آداملار وِجدانلارینی آیاق آشاق قُیاندیغی اوچین، ایمانلاری قایا اورلان کِشتی کیمین آورام-آورام بُلدی.‏

۱ تیموتاوس 4:9

بو سُزه اینانمالیدیر و هِر طارافدان قابول اِدیلمِلیدیر.‏

۱ تیموتاوس 6:3

اِگِر کیم-ده باشغا تَعلیماتی اُورِدیپ، تانگریمیز عیسی مسیحینگ دُغری تَعلیماتینی یالان بیلیپ، خودایینگ یُلونا لاییق بُلان تَعلیماتی قابول اِتمِیَن بُلسا،

۲ تیموتاوس 1:13

سانگا اُورِدِن دُغری تَعلیماتیمی نِمونه حُکمونده قاییم توتوپ، عیسی مسیحینگ بِریَن ایمانینا و سُیگوسینَه قاتی یاپیش.‏

۲ تیموتاوس 2:2

کَن شاهاتلارینگ یانیندا مِندِن اِشیدِن سُزلِرینگی بِیلِکیلِره-ده تَعلیم بِریپ بیلجِک وِفادارلی آداملارا تابشیر.‏

۲ تیموتاوس 2:25

اُل اُزونه قارشی چیقیان آداملارا هِم یومشاقلیق بیلِن ناصیحات بِرمِلیدیر.‏ بِلکی، خودای بو آداملارینگ هِم توبا گِلمِگینه بیر یُل آچار.‏ اُلار-دا حاقیقاتی بیلیپ

۲ تیموتاوس 3:14

اِمّا سِن اُز اُورِنِن و اینانیان تَعلیماتینگا وِفالی قال.‏ چونکی اُنی کیملِردِن اُورِنِندیگینگی بیلیَنسینگ.‏

۲ تیموتاوس 4:3

چونکی آداملارینگ دُغری تَعلیماتی دینگلَسی گِلمِجِک زاماناسی گِلِر.‏ شُندا اُلار اُز هُوِسلِرینه میناسیپ، قولاقلارینا-دا گِرِکلی سُزلِری آیتجاق مُعلِّملِری گُزَرلِر.‏

تیتوس 1:11

اُلارینگ آغزینی باغلاماق گِرِک.‏ چونکی اُلار کِلیسالاردا اُورِتمِسیز زاتلاری اُورِدیپ، ماشغالالاری دویبوندِن دارغادیارلار.‏ اینگ یامان-دا، اُلار بولاری حاقسیز قازانماق اوچین اُورِدیَرلِر.‏

تیتوس 2:1

سِن بُلسا دُغری تَعلیماتا لاییق گِلیَن زاتلاری اُورِت.‏

یهودا 1:3

اِی عزیزلِر، مِن سیزه خودایینگ مِنی و سیزی نَهیلی نِجات بِرِندیگی بارادا یازماغی خاص دُغری بیلیَردیم.‏ اِمّا مونگا دِرِک خودایینگ اُز مُقادِّس خالقینا بیر گِزِک و هِمیشه‌لیک تابشیران ایمانی اوغروندا سیزی چالیشماغا قووات بِریپ یازماغیمینگ خاص-دا واجیپدیغینا گُز یِتیردیم.‏

آیانلیق 3:11

‏«‏مِن باسیم بارارین.‏ تاجینگی هیچ کیم آلماز یالی، ایمانینگی قاییم ساقلا.‏

آیانلیق 3:3

اِشیدِنلِرینگی و اُورِنِنلِرینگی یادا سال، اُلاری بِرجای اِت-ده توبا گِل.‏ اُیانماسانگ، بیر اُغری یالی بارارین.‏ مِنینگ هایسی ساغاتدا اوستونگه بارجاغیمی-دا بیلمَن قالارسینگ.‏