تیتوس 1:10 - مُقادِّس کیتاب

¹⁰ سِبَبی فیتنه‌چیلِر، بُش سُزلیلِر و آلدییانچیلار دییسِنگ کَندیر.‏ شِیله آداملار، اِساسان-دا، نِجات تاپماق اوچین سونِّت اِدیلمِلیدیگینی ماصلاحات بِریَنلِرینگ آراسیندا باردیر.‏

تیتوس 1:10 ပူးပေါင်းရင်းမြစ်များ

مَتّیٰ 23:14

‏«‏وای حالینگیزا، اِی ایکی‌یوزلی دین عُلَمالار و فَریسی‌لِر!‏ سیز دول آیال‍لارینگ اُیلِرینی طالاب، گُز اوچین اوزین-اوزین دُغالار اُقیان بُلیارسینگیز.‏ شُنونگ اوچین هِم سیز اینگ آغیر جِزا سِزاوار بُلارسینگیز.‏]‏

رِسول‍لار 11:2

پِطرُس اورشلیمه گِلِنده، سونِّتلِنمِلی دییَّن یَهودی ایماندارلار اُنونگ بیلِن داعوالاشیپ:‏

رِسول‍لار 15:1

یهودیه‌دِن بیرنَچه آدام انطاکیَه گِلیپ، دُغانلارا:‏ ‏«‏موسانینگ شِریغاتینا گُرَه سونِّتلِنمِسِنگیز، نِجات تاپیپ بیلمِرسینگیز»‏ دییّپ اُورِدیَردیلِر.‏

رِسول‍لار 15:24

‏«‏بیزینگ اِشیدیشیمیزه گُرَه، آرامیزدان کَبیرلِری باریپ، اُز سُزلِری بیلِن سیزی قُرقا سالیپ، فیکرینگیزی بولاشدیریپدیرلار.‏ اِمّا اُلاری بیز ایبِرمِدیک.‏

رِسول‍لار 20:29

مِن گیدِنیمدِن سُنگرا، آرانگیزا ییرتیجی قورتلارینگ گِلجِگینی بیلیَرین، اُلار سورینی قُریمازلار.‏

غَلاطیه‌لِر 2:4

سونِّتلِنمه مِسِله‌سی کَبیر دُغان یالیلار اوچین یوزه چیقیپدی.‏ اُلار بیزی بِنده اِتمِک اوچین، آرامیزا اُغرینچا سوملوپ، عیسی مسیحینگ اوستو بیلِن آلان آزادلیغیمیزی اُغرینلیقدا گُزلِدیلِر.‏

غَلاطیه‌لِر 3:1

اِی عاقیلسیز غَلاطیه‌لِر!‏ سیزینگ گُزونگیزی کیم باغلادی؟ مِن سیزه خوش خاباری واغیظ اِدِنیمده، صلیبه چویلِنِن عیسی مسیحی اِدیل اُز گُزونگیز بیلِن گُریَن یالیدینگیز آخیرین!‏

اِفِسُسلار 4:14

شِیدیپ، موندان بِیلَک اینسانلارینگ یالانچیلیغینینگ و مِکرلیک بیلِن دوزیَن هِر هیلی تَعلیماتینینگ یِلینَه کُولوپ، اِیلَک-بِیلَک ایتیکلِنیَن چاغالار یالی بُلماریس.‏

۱ تیموتاوس 1:4

قُی، اُلار قادیمی رِوایاتلارا، توکِنمِیَن نِسل شِجِره‌لِرینه یورِک بِرمِسینلِر.‏ بولار داعوا-جِنجِل‍لِرینگ دُرِمِگینه سِبَپ بُلوپ، خودایینگ ایشلِرینینگ ایمان بیلِن عِمِله گِچیریلمِگینه پَسگِل بِریَندیر.‏

۱ تیموتاوس 1:6

کَبیر آداملار موندان دَنیپ، بُش گورّونگلِره باش اوردولار.‏

۱ تیموتاوس 1:9

موندان باشغا-دا، بو شِریغاتینگ دُغری آداملار اوچین دَل-ده، اُنی پُزیانلار و موطیع‌سیزلار، خودایسیزلار و گونَه‌کَرلِر، پَکسیزلِر و ایمانسیزلار، آتا-اِنه‌سینی اُلدوریَنلِر، قاتل‍لار،

۲ تیموتاوس 3:13

اِمّا شِرلِر و یالانچیلار بُلسا آلداپ، آلدانیپ، اُز شِرلیکلِرینده باردیغچا اُوه گیدِرلِر.‏

۲ تیموتاوس 4:4

اُلار حاقیقاتا قولاق آسمان، بُش رِوایاتلارینگ ایزینا دوشورلِر.‏

تیتوس 1:6

کِلیسانینگ یاشولیسی اِدیپ بِلِّنیلجِک حُکمَن عایپسیز و آیالینا بیوِفالیق اِتمِیَن آدام بُلمالیدیر.‏ اُنونگ فِرزِنتلِری هِم ایمان گِتیرِن، آخلاقسیزلیق و موطیع‌سیزلیقدا عاییپلانمایان بُلمالیدیر.‏

یعقوب 1:26

اِگِر هِر کیم اُزونی دیندار حاساپلایان بُلسا، اِمّا دیلینی ساقلامایان بُلسا، اُل اُزونی آلدایاندیر، اُنونگ دیندارلیغی باطیلدیر.‏

۱ یوحنا 2:18

اِی بالالار، بو دونیَه‌نینگ آخیرقی گونلِری یِتیپ گِلِندیر.‏ سیز مسیحه قارشی چیقیان دوشمانینینگ گِلجِکدیگینی اِشیدِنسینگیز.‏ اِدیل شو واقت هِم مسیحه قارشی چیقیانلارینگ اِنچِمه‌سی گُروندی.‏ اینه، بو واقالاردان بیز دونیَه‌نینگ آخیرقی گونلِرینینگ یِتیپ گِلِندیگینی بیلیَریس.‏

۱ یوحنا 2:4

‏«‏خودایی تانییارین»‏ دییّپ-ده، اُنونگ حُکوملِرینی بِرجای اِتمِیَن آدام یالانچیدیر و اُنونگ یورِگینده حاقیقات یُقدور.‏

۱ یوحنا 4:1

عزیزلِریم، اُزونده خودایینگ روحونینگ باردیغینی آیدیان هِر بیر آداما اینانیپ یُرمَنگ.‏ اُلارینگ خودایداندیغینی یا-دا دَلدیگینی بیلمِک اوچین ایمتِحان اِدیپ گُرونگ.‏ سِبَبی دونیَه‌ده اِنچِمه یالان نِبیلِر گُروندی.‏

آیانلیق 2:14

یُنه سانگا قارشی بیرنَچه آیتجاق زادیم بار.‏ سیزینگ آرانگیزدا بَلعامینگ تَعلیماتینگ ایزینا دوشیَنلِر بار.‏ بَلعام اسرائیل خالقینی گونَه‌نینگ تُرونا سالماغینگ یُلونی بالاقا اُورِتدی.‏ شِیدیپ، اسرائیل خالقی بُتا بِرلِن قربانلیغی اییّپ، زینا اِتدی.‏

آیانلیق 2:6

یُنه سِنده قاوی طاراف بار، سِن نیکولاچیلارینگ اِدیَن ایشلِرینی ییگرِنیَرسینگ، مِن هِم اُلاری ییگرِنیَرین.‏