رومیلار 8:9 - مُقادِّس کیتاب

⁹ اِگِر خودایینگ روحی دُغرودان-دا قالبینگیزدا مِسکِن توتان بُلسا، سیز اینسان هُوِسلِرینینگ ایختییاریندا دَلسینگیز، سیز روحونگ ایختییارینداسینگیز.‏ کیمده مسیحینگ روحی بُلماسا، اُل مسیحه دِگیشلی دَلدیر.‏

رومیلار 8:9 ပူးပေါင်းရင်းမြစ်များ

لوقا 11:13

شِیلِلیکده، سیز یامان بُلوپ-دا اُز فِرزِنتلِرینگیزه قاوی زادلار بِرمِگی بیلیَن بُلسانگیز، اُندا آسمانداقی آتانگیز اُزوندِن دیلِیَنلِره مُقادِّس روحی خاص-دا کَن بِرمِزمی؟»‏

یوحنا 14:23

عیسی اُنگا شِیله جُغاپ بِردی:‏ ‏«‏کیم مِنی سُییَن بُلسا، سُزومی بِرجای اِدِر.‏ آتام هِم اُنی سُیِر.‏ مِن آتام بیلِن اُل آدامینگ یانینا باریپ، اُنونگ بیلِن بیله مِکان توتاریس.‏

یوحنا 3:34

خودایینگ ایبِرِنی خودایینگ سُزلِرینی آیدیاندیر، سِبَبی خودای اُنگا مُقادِّس روحی اُلچِگسیز بِریَر.‏

یوحنا 3:6

بِدِندِن دُغان بِدِندیر، روحدان دُغان روحدیر.‏

رِسول‍لار 16:7

اُلار میسیه سِرحِدینه گِلیپ، بیطینیه وِلایاتینا گیرمِکچی بُلدولار.‏ اِمّا عیسانینگ روحی اُلارا اِجازا بِرمِدی.‏

رومیلار 7:5

بیز اینسان طِبیغاتیمیزا گُرَه یاشایارقاق، بو شِریغات بیزینگ بِدِن ‌اعضالاریمیزدا گونَه‌لی هُوِسلِری توروزیاردی.‏ بو هُوِسلِر بیزی گونَه‌لی ایشلِری قاوی گُرکِزدیریپ، اُلوم حاصیلی گِتیریَردی.‏

رومیلار 8:1

شِیلِلیکده، عیسی مسیحه دِگیشلی بُلانلار ایندی آصلا مَحکوم بُلماز.‏

رومیلار 8:11

اِگِر عیسی مسیحی اُلومدِن دیرِلدِنینگ روحی قالبینگیزدا یاشایان بُلسا، مسیحی اُلولِردِن دیرِلدِن خودای حتّیٰ فانی بِدِنلِرینگیزه-ده یاشاییش بِرِر.‏ اُل مونی سیزده یاشایان روحونینگ اوستو بیلِن اِدِر.‏

رومیلار 8:2

سِبَبی یاشاییش بِریَن روحونگ قانونی بیزی عیسی مسیحینگ اوستو بیلِن گونَه‌نینگ و اُلومینگ قانونیندان آزاد اِتدی.‏

۱ قُرِنتُس‌لار 15:23

یُنه هِر کیم اُز نوبَتیندا دیرِلِر.‏ عیسی مسیح اَوَّلکی بُلوپ دیرِلدی.‏ مسیح گِلِنده، اُنگا دِگیشلی بُلانلار-دا دیرِلِر.‏

۱ قُرِنتُس‌لار 3:16

اُندا سیز اُزونگیزینگ خودایینگ عیباداتخاناسیدیغینگیزی و آرانگیزدا خودایینگ روحونینگ یاشایاندیغینی بیلمِیَرسینگیزمی نَمه؟

۱ قُرِنتُس‌لار 6:17

اِمّا مسیح بیلِن بیرلِشِن هِم روحدا اُنونگ بیلِن بیر بُلار.‏

۱ قُرِنتُس‌لار 6:19

اُندا سیز اُز بِدِنینگیزینگ مُقادِّس روحونگ یاشایان عیباداتخاناسیدیغینی بیلمِیَرسینگیزمی؟ سیز بو روحی خودایدان آلدینگیز و سیز دینگه اُزونگیزینگکی دَلسینگیز.‏

۲ قُرِنتُس‌لار 10:7

مِسه-معلیم گُرنوپ دورانا سِراِدینگ!‏ اِگِر کیمدیر بیرینینگ اُزونینگ مسیحه دِگیشلیدیگی بارادا قاتی اینامی بار بُلسا، قُی، شونگا دوشونسین:‏ بیز هِم اِدیل شُنونگ یالی مسیحه دِگیشلیدیریس.‏

۲ قُرِنتُس‌لار 6:16

خودایینگ عیباداتخاناسی بیلِن بُتلارینگ، هِی-ده، اُزآرا راضیلاشیغی بُلارمی نَمه؟ چونکی بیز دیری خودایینگ عیباداتخاناسیدیریس.‏ خودای دییَّر:‏ ‏«‏مِن اُلارینگ آراسیندا مِسکِن توتارین و اُلارینگ آراسیندا بُلارین.‏ مِن اُلارینگ خودایی، اُلار هِم مِنینگ خالقیم بُلارلار»‏ دییّپدی آخیرین.‏

غَلاطیه‌لِر 4:6

سیز اُغولّیغا قابول اِدیلِنینگیز اوچین، خودای اُزونی ‏«‏آبّا!‏ آتام!‏»‏ دییّپ چاغیریان اُغلونینگ روحونی بیزینگ یورِکلِریمیزه ایبِردی.‏

غَلاطیه‌لِر 5:24

عیسی مسیحه باغلی بُلانلار اُز اینسان هُوِسلِرینی و ایسلِگلِرینی صلیبه چویلَندیرلِر.‏

اِفِسُسلار 1:13

ایندی سیز هِم حاقیقات سُزونی، یَعنی نِجات تاپماق باراداقی خوش خاباری اِشیدیپ، مسیحه ایمان گِتیردینگیز.‏ شُنگا گُرَه-ده خودایینگ واعدا بِرِن مُقادِّس روحی بیلِن مُهورلِندینگیز.‏

اِفِسُسلار 2:22

سیز هِم خودایینگ مُقادِّس روحونینگ اوستو بیلِن مِسکِنی بُلماق اوچین، هِمَّه‌نگیز بیرلیکده مسیحده بینا اِدیلیَرسینگیز.‏

اِفِسُسلار 3:17

عیسی مسیح ایمانینگیزینگ اوستو بیلِن یورِکلِرینگیزده یاشاسین.‏ شِیله-ده، مِن سُیگینینگ سیزده کُک اوروپ یِرلِشمِگینی، مسیحینگ سُیگوسینینگ نَهیلی گینگ، اوزین، بِییک و چونگّوردیغینا هِمّه مُقادِّسلِری بیلِن بیرلیکده دوشونمِگینگیزی خودایدان دیلِیَرین.‏

فیلیپیلِر 1:19

سِبَبی دُغالارینگیز و عیسی مسیحینگ روحونینگ کُمِگی بیلِن بو عاذاپلارینگ مانگا آزادلیق گِتیرجِکدیگینی بیلیَرین.‏

۲ تیموتاوس 1:14

اُزونگه تابشیریلان قاوی تَعلیماتی بیزده مِسکِن توتان مُقادِّس روحونگ اوستو بیلِن ساقلا.‏

۱ پِطرُس 1:11

اُلارینگ قالبینداقی مسیحینگ روحی اُنونگ چِکمِلی عاذاپلاری و عاذاپلاردان سُنگقی بِییکلیگی بارادا اُوالدان اَشکَر اِتدی.‏ اُلار بولارینگ نَهیلی و هاچان بُلجاقدیغی بارادا مُقادِّس روحونگ نَمه گُرکِزیَندیگینی دوشوندیرمَگَه چالیشدیلار.‏

۱ یوحنا 3:24

خودایینگ حُکوملِرینی بِرجای اِدیَن آدام خودای بیلِن، خودای هِم اُنونگ بیلِن یاشایاندیر.‏ خودایینگ بیزینگ بیلِن یاشایاندیغینی اُنونگ هِر بیریمیزه بِرِن روحوندان بیلیَریس.‏

۱ یوحنا 4:13

خودای هِر بیریمیزه اُز روحونی بِردی.‏ خودایینگ بیز بیلِن و بیز خودای بیلِن یاشایاندیغیمیز شُندان بیلیَریس.‏

۱ یوحنا 4:4

عزیز بالالار، سیز بُلسا خودایدانسینگیز.‏ سیزدَکی روحونگ دونیَه‌دَکی روحلاردان اوستوندیگی اوچین، سیز یالان نِبیلِری یِنگِنسینگیز.‏

آیانلیق 13:8

یِر یوزونده یاشایان هِر بیر اینسان بو جاناوارا سِجده اِدِر.‏ بو جاناوارا دینگه دونیَه یارادیلمازدان اُنگ آدلاری یاشاییش دِفتِرینه یازیلان آداملار سِجده اِتمِز.‏ یاشاییش دِفتِری داماغی چالنان قوزینینگقیدیر.‏

آیانلیق 20:15

آدلاری یاشاییش دِفتِرینه یازیلمادیقلارینگ هِمّه‌سی یانیپ دوران دِریاچا زینگیلدی.‏