رومیلار 8:4 - مُقادِّس کیتاب

⁴ خودای مونی شِریغاتینگ عادالاتلی ایسلِگلِرینینگ بیزده بِرجای بُلماغی اوچین عِمِل اِتدی.‏ شونلوقدا، بیز ایندی اینسان هُوِسلِریمیزه گُرَه دَل-ده، روحا گُرَه یاشایاریس.‏

رومیلار 8:4 ပူးပေါင်းရင်းမြစ်များ

لوقا 1:6

بو اَر-آیالینگ ایکیسی-ده خودایینگ اُوونده دُغری آداملار بُلوپ، اُلار خودایینگ هِمّه تابشیریقلارینی و پارضلارینی کِمسیز بِرجای اِدیَردیلِر.‏

رومیلار 2:26

شِیله هِم بیر سونِّتسیز آدام شِریغاتینگ حُکوملِرینی بِرجای اِدیَن بُلسا، اُنونگ سونِّتسیزلیگی سونِّتلی حاساپلانمازمی نَمه؟

رومیلار 3:31

اُندا نَمه؟ ایمانینگ اوستو بیلِن شِریغاتی باطیل اِدیَریسمی؟ آصلا یُق!‏ دُغورسی، بیز اُنی قاییملایاریس.‏

۲ قُرِنتُس‌لار 10:2

یالباریارین:‏ سیزینگ یانینگیزا بارانیمدا، مِنی سیزینگ بیلِن اَشکَر و آچیق گورلِشمَگه مِجبور اِتمَنگ.‏ هاووا، مِن اُزومی بو دونیَه‌نینگ یُل‍لارینا گُرَه گِزیَندیر دییّپ فیکر اِدیَنلِر بیلِن شِیله گورلِشیپ بیلیَرین.‏ یُنه اُزونگیز بیلِن شِیله گورلِشمَگه مِجبور اِتمَنگ.‏

۲ قُرِنتُس‌لار 10:3

بیز بو دونیَه‌ده یاشاساق-دا، دونیَه‌نینگ یُل‍لارینا گُرَه اوروشمایاریس.‏

غَلاطیه‌لِر 5:16

سیزه شونی آیداسیم گِلیَر:‏ مُقادِّس روحونگ اُغروندان یُرینگ.‏ شُندا سیز اینسان هُوِسلِرینی بِرجای اِتمِرسینگیز.‏

کولُسیلِر 1:22

اِمّا ایندی بُلسا خودای سیزی اُز حوضوریندا مُقادِّس، عایپسیز و تُهمِتسیز اِتمِک اوچین، مسیحینگ اینسانی بِدِنینینگ اُلومی بیلِن اُزی بیلِن یاراشدیردی.‏

عِبرانیلار 12:23

خودایینگ ایلکینجی فِرزِنتلِرینینگ جِماغاتینا قُلایلاشدینگیز، اُلارینگ آدلاری آسماندا یازیلاندیر.‏ هِمّه‌سینینگ قاضیسی بُلان و تاقوالی آداملارینگ روحلارینی کَمیلّیگه یِتیرِن خودایینگ حوضورینا گِلدینگیز.‏

۱ یوحنا 3:2

عزیزلِریم، بیز ایندی خودایینگ فِرزِنتلِریدیریس.‏ بیزینگ نَهیلی اویتگِجِکدیگیمیز هِنیز بِلّی دَل، اِمّا مسیحینگ گِلیپ گُرِنجِک واقتیندا اُنگا مِنگزِجِکدیگیمیزی بیلیَریس، سِبَبی اُنی بُلشی یالی گُرِریس.‏

یهودا 1:24

ایماندا بودریمِز یالی، خودای سیزی قُریماغی و شاتلیقدان دُلدوریپ، اُز اولی و بِییک حوضورینا سیزی عایپسیز گِتیرمِگی باشاریاندیر.‏

آیانلیق 14:5

بولارینگ آغیزلاریندان یالان سُز چیقان دَلدیر، اُلار عایپسیزدیرلار.‏