رومیلار 8:3 - مُقادِّس کیتاب

³ شِریغات اینسان هُوِسلِریمیزینگ چاره‌سیندِن گِلیپ بیلمَنسُنگ، بیزی آزاد اِدیپ بیلمِدی.‏ شِریغاتینگ باشارمادیق ایشینی خودای یِرینه یِتیردی.‏ خودای دونیَه‌دَکی گونَه سِبَپلی اُز اُغلونی بیر گونَه‌کَر اینسان کیمین ایبِردی-ده، اُنونگ اوستو بیلِن گونَه‌نی مَحکوم اِتدی.‏

رومیلار 8:3 ပူးပေါင်းရင်းမြစ်များ

مَرقُس 15:27

عیسی بیلِن بیله ایکی اُغرینی هِم صلیبه چویلِدیلِر، اُلارینگ بیری اُنونگ ساغ طارافیندا، بِیلِکیسی سُل طارافیندادی.‏ ‏[‏

یوحنا 1:14

سُز اینسان بُلوپ، آرامیزدا گِلیپ یاشادی.‏ اُل مِرحِمِتدِن و حاقیقاتدان دُلودی.‏ بیز اُنونگ بِییکلیگینی، یَعنی آتادان گِلِن یِکِجه اُغلونینگ بِییکلیگینی گُردوک.‏

یوحنا 9:24

شِیلِلیک بیلِن، فَریسی‌لِر اُزالقی کُری ایکینجی گِزِک چاغیریپ، اُنگا:‏ ‏«‏خودایینگ حاقی اوچین حاقیقاتی آیت.‏ بیز اُل آدامینگ گونَه‌کَردیگینی بیلیَریس»‏ دییدیلِر.‏

رومیلار 3:20

شِیلِلیکده، شِریغاتینگ تابشیریقلارینی بِرجای اِتمِگینگ اوستو بیلِن خودایینگ حوضوریندا هیچ کیم آقلانیپ بیلمِز.‏ تِرسینه، بو شِریغاتینگ اوستو بیلِن آدام اُزونینگ گونَه‌لیدیگینه قاوی بیلیَر.‏

رومیلار 6:6

موندان بِیلَک گونَه‌نینگ قولی بُلماز یالی، بیز کُهنه طِبیغاتیمیزینگ عیسی مسیح بیلِن صلیبه چویلِنِندیگینی بیلیَریس و ایندی گونَه‌نینگ قولّوغیندان بُشاندیق.‏

رومیلار 7:18

مِنده، هاووا، اینسان طِبیغاتیمدا قاوی زادینگ یُقدوغینی آچیق بیلیَرین.‏ سِبَبی قاوی ایشلِری اِتمِگَه ایسلِگیم بُلسا-دا، اُلاری عِمِل اِتمِگی باشارمایارین.‏

رومیلار 8:32

خودای حتّیٰ اُز اُغلونی قایغیرمان، اُنی بیزینگ گونَه‌لِریمیز اوچین اُلومه تابشیران بُلسا، اُندا اُنونگ بیلِن بیرلیکده بِیلِکی زاتلارینگ بارینی هِم باغیشلامازمی نَمه؟

رومیلار 9:3

هاووا، مِن قانیبیر دُغانلاریم بُلان یَعنی اسرائیل خالقینینگ عیسی مسیحدِن داش دوشِنیندِن، اُزومینگ لَعنِته قالیپ، اُلارینگ خاطیراسینا مسیحدِن داش دوشمَگه-ده راضی بُلاردیم.‏ خودای اُلاری اُغولّیغا آلدی، اُلارا اُز بِییکلیگینی بِلّی اِدیپ، اُلار بیلِن عَهد باغلاشدی.‏ اُل شِریغاتی و عیباداتخاناداقی خیدماتی اُلارا ایناندی، واعدالارینی هِم اُلارا بِردی.‏

۲ قُرِنتُس‌لار 5:21

بیز عیسی مسیحینگ اوستو بیلِن خودایینگ تاقوالیغی بُلاریمیز یالی، اُل بیزینگ گونَه‌لِریمیزی آصلا گونَه اِتمِدیک عیسی مسیحینگ اوستونه یوکلِدی.‏

غَلاطیه‌لِر 3:13

مسیح شِریغاتینگ اِعلان اِدِن لَعنِتینی اُز اوستونه آلیپ، بیزی شُل شِریغاتینگ لَعنِتدِن آزاد اِتدی.‏ چونکی تُورات‌دا:‏ ‏«‏آغاچدان آسیلان هِر کِس لَعنِتلِنِندیر»‏ دییّپ یازیلاندیر.‏

غَلاطیه‌لِر 3:21

دییمِک، شِریغات خودایینگ واعداسینا تِرس چیقیار-دا؟ اِلبِتّه، یُق!‏ یُنه شِریغات بیزه یاشاییش بِریپ بیلمِیَر آخیرین.‏ مونگا گُرَه، اُنونگ اوستو بیلِن تاقوالیغی-دا قازانیپ بیلمِیَریس.‏

فیلیپیلِر 2:7

قایتام، بیر قول طِبیغاتینی آلیپ، اینسان صوراتیندا بو دونیَه ایندی، اُل اُزونی آصلا هیچ اِتدی.‏ اُل اینسان شِکلینده بُلدی،

عِبرانیلار 10:12

اِمّا مسیح گونَه‌لِری هِمیشه‌لیک یوویان یِکِجه قربانلیغی هُدورلَندِن سُنگ، خودایینگ ساغیندا اُتوردی.‏

عِبرانیلار 10:14

سِبَبی اُل مُقادِّس اِدیَنلِرینی یِکِجه قربانلیق بیلِن هِمیشه‌لیک کَمیل اِتدی.‏

عِبرانیلار 2:14

بو فِرزِنتلِر تِن و هِم قانداندیقلاری اوچین، عیسی هِم اُلار یالی اینسان بُلدی.‏ اُلومه دوچار اِدیَن شِیطانی اُل اُز اُلومینینگ اوستو بیلِن یُق اِتدی،

عِبرانیلار 2:17

شُنونگ اوچین اُل هِر طارافدان بیزلِره مِنگزِمِلی بُلدی.‏ شِیدیپ، اُل خالقینگ گونَه‌لِرینی پَکلِیَندیر و خودایینگ خیدماتیندا رِحمدار هِم اِمین باش کاهیندیر.‏

عِبرانیلار 4:15

باش کاهینمیز آصلا گونَه اِتمِدیک هِم بُلسا، اِدیل بیز یالی هِمّه طارافدان وِسوِسه‌لِره سالنیپدی.‏ شُنونگ اوچین هِم اُل بیزینگ اِجیزلیکلِریمیزه دوشونیَر.‏

۱ پِطرُس 2:24

بیزینگ گونَه‌لِریمیز اوچین اُلوپ، تاقوالیق اوغروندا یاشاماغیمیز اوچین، اُل صلیبده گونَه‌لِریمیزی اُز اوستونه یوکلِدی.‏ سیز اُنونگ یارالارینینگ اوستو بیلِن شِفا تاپدینگیز.‏