رومیلار 8:23 - مُقادِّس کیتاب

²³ دینگه بیر یارادیلیش دَل-ده، شِیله بُلسا خودایینگ روحونونگ اَوَّلکی میوه‌سی بُلان بیز هِم ایچیمیزده آخی-ناله چِکیَریس.‏ سِبَبی بیز اُزومیزینگ اُغولّیغا آلنیپ، بِدِنیمیزینگ چویریمِدِن آزاد اِدیلمِگینه صابیرسیزلیق بیلِن قاراشیاریس.‏

رومیلار 8:23 ပူးပေါင်းရင်းမြစ်များ

لوقا 20:36

آصلا اُلمِزلِر، سِبَبی اُلار پِریشده‌لِر یالیدیر.‏ اُلار قیاماتینگ فِرزِنتلِریدیگی اوچین خودایینگ فِرزِنتلِریدیر.‏

لوقا 21:28

بو زاتلار یِرینه یِتیپ باشلاندا، باشینگیزی قالدیریپ، یُقاری باقینگ، سِبَبی نِجات تاپماغینگیز قُلایلاپ گِلیَندیر.‏»‏

رومیلار 5:11

موندان باشغا-دا، بیز خودایینگ تانگریمیز عیسی مسیحینگ اوستو بیلِن اِدِن ایشلِرینه بِگِنیَریس، سِبَبی اُل بیزی خودای بیلِن یاراشدیردی.‏

رومیلار 5:3

دینگه مونگا دَل، اُندان باشغا قینچیلیقلاریمیزا هِم بِگِنیَریس، سِبَبی قینچیلیقلارینگ جیدام گِتیریَندیگینی

رومیلار 5:5

شِیله اومید بیزی اوتاندیرماز، سِبَبی بِرلِن مُقادِّس روحونگ اوستو بیلِن یورِگیمیز خودایینگ سُیگوسیندِن دُلوپ-آقیار.‏

رومیلار 7:24

واخ، مِن باختیقارانی دییسِنه!‏ اُلومه اِلتیَن بو بِدِنیمدِن مِنی کیم آزاد اِدِر؟

رومیلار 8:19

خودایینگ اُز فِرزِنتلِرینینگ بِییکلیگینی آیان اِتجِک واقتینا هِمّه یارادیلیش هِم صابیرسیزلیق بیلِن قاراشیار.‏

۱ قُرِنتُس‌لار 1:7

شُنگا گُرَه-ده یَعنی تانگریمیز عیسی مسیحینگ آسماندان اینمِگینه صابیرسیزلیق بیلِن قاراشیانلارینگ روحی ناغماتلار باباتدا هیچ بیر کِملینگیز یُقدور.‏

۲ قُرِنتُس‌لار 1:22

مُهورلَپ، بولارینگ ضامِن حُکمونده یورِگیمیزه مُقادِّس روحونی بِردی.‏

۲ قُرِنتُس‌لار 7:5

بیز مَقدونیه بارانیمیزدا-دا، هیچ بیر راحاتلیق تاپمادیق.‏ قایتام، داش-تُوِرِگیمیزده داعوا-جِنجِل‍لِر، یورِگیمیزده قُرقی بُلوپ، هِر یاندان قیسیلدیق.‏

غَلاطیه‌لِر 5:5

بیز بُلسا مُقادِّس روحا دایانیپ، اومید باغلایان تاقوالی بُلمامیزا ایمان بیلِن قاراشیاندیریس.‏

اِفِسُسلار 1:14

خودایا باغلی آداملار آزاد بُلیانچا، مُقادِّس روح بیزینگ میراثیمیزینگ ضامِنیدیر.‏ بولارینگ باری خودایا جِلال گِتیریَر.‏

اِفِسُسلار 4:30

خودایینگ مُقادِّس روحونی غامگین اِتمَنگ.‏ چونکی سیز آزاد بُلما گونی اوچین شُل مُقادِّس روح بیلِن مُهورلِنِنسینگیز.‏

اِفِسُسلار 5:9

دُغرودان هِم، نورینگ میوه‌سی هِر هیلی یاخشیلیقدان، تاقوالیقدان و حاقیقاتدان عیباراتدیر.‏

۲ تیموتاوس 4:8

ایندی دُغرولیق قاضیسی بُلان خودای عیسی مسیح اُز گِلجِک گونونده مانگا تاقوالیق تاجینی بایراق بِرِر.‏ اُل بو بایراغی دینگه مانگا دَل، شِیله بُلسا اُزونه اینتیظارلیق بیلِن قاراشیانلارینگ هِر بیرینه بِرِر.‏

تیتوس 2:13

بیز بو یُلونگ ایزینا دوشوپ، موبارِک اومیدیمیز بُلان بِییک خوداییمیز و نِجات بِریَنچیمیز عیسی مسیحینگ بِییکلیک ایچینده آسمانلاردان اینمِگینه قاراشیاریس.‏

عِبرانیلار 9:28

اِدیل شُنونگ یالی، مسیح هِم کَن آداملارینگ گونَه‌لِرینی یووماق اوچین، بیر گِزِک قربانی بُلدی.‏ اِمّا اُل ایکینجی گِزِک گِلِنده، گونَه‌لِری یووماق اوچین دَل-ده، شِیله بُلسا اُزونه اینتیظارلیق بیلِن قاراشیانلاری نِجات بِرمِک اوچین گِلِر.‏

۱ پِطرُس 1:7

بو ایمتِحانلار سیزینگ ایمانینگیزینگ حاقیقیدیغینی بیلدیریَر.‏ حتّیٰ فانی قیزیل هِم اُددا تَمیزلِنیپ ایمتِحان اِدیلیَندیر.‏ شِیلِلیکده، قیزیلدان خاص قیماتلی بُلان ایمانینگیز ایمتِحاندان گِچیپ، عیسی مسیح اَشکَر بُلاندا، سیزه اُوگی، بِییکلیک و حُرمات گِتیرِر.‏

۱ یوحنا 3:2

عزیزلِریم، بیز ایندی خودایینگ فِرزِنتلِریدیریس.‏ بیزینگ نَهیلی اویتگِجِکدیگیمیز هِنیز بِلّی دَل، اِمّا مسیحینگ گِلیپ گُرِنجِک واقتیندا اُنگا مِنگزِجِکدیگیمیزی بیلیَریس، سِبَبی اُنی بُلشی یالی گُرِریس.‏