رومیلار 8:10 - مُقادِّس کیتاب

¹⁰ اِگِر عیسی مسیح قالبینگیزدا مِسکِن توتان بُلسا، اُندا گونَه سِبَپلی اُلمِلی بُلسانگیز-دا، روح سیزه یاشاییش بِرِر، سِبَبی سیز خودایینگ حوضوریندا آقلانانسینگیز.‏

رومیلار 8:10 ပူးပေါင်းရင်းမြစ်များ

یوحنا 14:23

عیسی اُنگا شِیله جُغاپ بِردی:‏ ‏«‏کیم مِنی سُییَن بُلسا، سُزومی بِرجای اِدِر.‏ آتام هِم اُنی سُیِر.‏ مِن آتام بیلِن اُل آدامینگ یانینا باریپ، اُنونگ بیلِن بیله مِکان توتاریس.‏

یوحنا 15:5

‏«‏مِن اوزوم باغیدیرین، سیز شاخالاریسینگیز.‏ کیم مِنده و مِن هِم اُندا یاشاسام، اُل بُل میوه بِرِر.‏ سیز مِندِن آیری هیچ زات اِدیپ بیلمِرسینگیز.‏

یوحنا 17:23

مِن اُلاردادیرین، سِن بُلسا مِندِسینگ.‏ مِنی سِنینگ ایبِرِندیگینگی، مِنی سُیشونگ کیمین اُلاری-دا سُییَندیگینگی دونیَه بیلِر یالی، اُلار کَمیل بیرلیکده بُلسونلار.‏

یوحنا 4:14

اِمّا مِنینگ بِرجِک سووومدان ایچِن آصلا سوساماز.‏ تِرسینه، مِنینگ بِرجِک سوووم اُنونگ ایچینده اِبِدیلیک یاشاییش بِریَن چِشمَه اُورولِر»‏ دییدی.‏

یوحنا 6:54

مِنینگ بِدِنیمی اییّپ، قانیمی ایچِن اِبِدی یاشایشا قاوشار.‏ آخیرات گون مِن اُنی دیرِلدِرین.‏

یوحنا 6:56

مِنینگ بِدِنیمی اییّپ، قانیمی ایچیَن مِنده یاشار، مِن هِم اُندا.‏

رومیلار 5:12

بیر اینسان، یَعنی آدام آتانینگ اوستو بیلِن گونَه دونیَه گیردی و گونَه‌نینگ اوستو بیلِن اُلومینگ گِلمِگینه سِبَپ بُلدی.‏ اینسانلارینگ هِمّه‌سی گونَه‌لی بُلانی اوچین، اُلوم هِم اُلارینگ آراسیندا یایراپ باشلادی.‏

رومیلار 5:21

اُزال گونَه حُکومرانلیق سوروپ، هِمّه‌لِری اُلوم طارافا اَکیتیَردی، ایندی بُلسا خودایینگ مِرحِمِتی حُکومرانلیق سوریَر.‏ شُنگا گُرَه-ده، بیز آقلانیپ، تانگریمیز عیسی مسیحینگ اوستو بیلِن اِبِدی یاشاییشا اِیه بُلدوق.‏

رومیلار 8:11

اِگِر عیسی مسیحی اُلومدِن دیرِلدِنینگ روحی قالبینگیزدا یاشایان بُلسا، مسیحی اُلولِردِن دیرِلدِن خودای حتّیٰ فانی بِدِنلِرینگیزه-ده یاشاییش بِرِر.‏ اُل مونی سیزده یاشایان روحونینگ اوستو بیلِن اِدِر.‏

۱ قُرِنتُس‌لار 15:45

چونکی مُقادِّس یازغیلاردا شِیله یازیلاندیر:‏ ‏«‏اَوَّلکی اینسان، یَعنی آدام، جانلی یاشایان بُلدی»‏.‏ آخیرقی آدام، یَعنی عیسی، یاشاییش بِریَن روح بُلدی.‏

۲ قُرِنتُس‌لار 13:5

ایماندا قاییم دوروپ-دورمایانیلیغینگیزی بیلمِک اوچین، اُزونگیزی ایمتِحان اِدیپ گُرونگ.‏ اُندا سیز عیسی مسیحینگ آرانگیزدادیغینی بیلمِیَنگیزمی نَمه؟ یا-دا سیز ایمتِحاندان گِچمِیَنلِردِنمی؟

۲ قُرِنتُس‌لار 4:11

بیزینگ فانی بِدِنیمیزده عیسی مسیحینگ یاشاییشی آیان بُلسون دییّپ، بیزی، یَعنی دیریلِری اِلمیداما اُنونگ خاطیراسینا اُلومه تابشیریارلار.‏

۲ قُرِنتُس‌لار 5:21

بیز عیسی مسیحینگ اوستو بیلِن خودایینگ تاقوالیغی بُلاریمیز یالی، اُل بیزینگ گونَه‌لِریمیزی آصلا گونَه اِتمِدیک عیسی مسیحینگ اوستونه یوکلِدی.‏

غَلاطیه‌لِر 2:20

مِن مسیح بیلِن صلیبه چویلِندیم، ایندی مِن دَل-ده، مِندَکی مسیح یاشایاندیر.‏ بِدِندَکی یاشایشیم بُلسا خودایینگ اُغلونا بُلان ایمانیمینگ اوستو بیلِندیر.‏ اُل مِنی سُیوپ، اُزونی مِنینگ اوچین قربانی اِتدی.‏

اِفِسُسلار 3:17

عیسی مسیح ایمانینگیزینگ اوستو بیلِن یورِکلِرینگیزده یاشاسین.‏ شِیله-ده، مِن سُیگینینگ سیزده کُک اوروپ یِرلِشمِگینی، مسیحینگ سُیگوسینینگ نَهیلی گینگ، اوزین، بِییک و چونگّوردیغینا هِمّه مُقادِّسلِری بیلِن بیرلیکده دوشونمِگینگیزی خودایدان دیلِیَرین.‏

فیلیپیلِر 1:23

مِن ایکی داغینگ آراسیندا قالدیم:‏ مِن دونیَه‌دِن وافات اِدیپ، مسیحینگ یانیندا بُلماق ایسلِیَرین.‏ بو خاص قاویدیر.‏

فیلیپیلِر 3:9

مِن شِریغاتا دایانیان اُز تاقوالیغیما دَل، شِیله بُلسا مسیحه بُلان ایمانا دایانیان، ایمانینگ اوستو بیلِن خودایدان بُلان تاقوالیغا اِیه بُلاسیم گِلیَر.‏

کولُسیلِر 1:27

خودای بو سیرینگ اولی بِییکلیگینی میلِّتلِرینگ آراسیندا مُقادِّسلِره بیلدیرمِک ایسلِدی.‏ بو سیر سیزه بِییکلیگَه قاووشماق اومیدینی بِریپ، سیزده بُلیان مسیحدیر.‏

۱ تِسالونیکیلِر 4:16

مسیحینگ اُزی حُکومدار قاتی سِسی بیلِن، خودایینگ سورنای سِسی بیلِن و پِریشده‌لِرینگ رِییسینینگ سِسی بیلِن آسماندان اینِر.‏ شُندا اَوَّل مسیحه ایمان گِتیرِن اُلولِر دیرِلِر.‏

عِبرانیلار 12:23

خودایینگ ایلکینجی فِرزِنتلِرینینگ جِماغاتینا قُلایلاشدینگیز، اُلارینگ آدلاری آسماندا یازیلاندیر.‏ هِمّه‌سینینگ قاضیسی بُلان و تاقوالی آداملارینگ روحلارینی کَمیلّیگه یِتیرِن خودایینگ حوضورینا گِلدینگیز.‏

عِبرانیلار 9:27

اینسانینگ تاقدیریندا بیر گِزِک اُلوم باردیر، اُندان سُنگ خودایینگ اُوونده حاساپ بِرمِلیدیر.‏

آیانلیق 14:13

اُنسُنگ آسماندان بیر سِس اِشیتدیم.‏ اُل شِیله دییدی:‏ ‏«‏مونی یاز:‏ ‏”‏موندان بِیلَک خوداییمیزا ایمان گِتیریپ اُلِنلِر خوشواقتدیر!‏“‏»‏ روح هِم شِیله دییدی:‏ ‏«‏هاووا، اُلار چِکِن زَحمِتلِریندِن دینچ آلارلار و چِکِن زَحمِتلِرینینگ حاصیلنی گُرِرلِر»‏.‏