رومیلار 6:4 - مُقادِّس کیتاب

⁴ هاووا، بیز تَعمید بِریلمِگینگ اوستو بیلِن مسیح بیلِن اُلوپ، جایلاندیق.‏ شُنگا گُرَه-ده، آتانینگ بِییک قودراتینینگ اوستو بیلِن مسیحینگ اُلومدِن دیرِلیشی یالی، بیز هِم تَزه یاشایشا اِیه بُلوپ بیلِریس.‏

رومیلار 6:4 ပူးပေါင်းရင်းမြစ်များ

یوحنا 11:40

عیسی اُنگا:‏ ‏«‏اِگِر ایمان گِتیرسِنگ، خودایینگ بِییکلیگینی گُرِرسینگ دییمَنمیدیمّی؟»‏ دییدی.‏

یوحنا 2:11

بو عیسانینگ اَوَّلکی گُرکِزِن عالاماتیدی.‏ اُل مونی جلیل‌ینگ قانا شَهرینده گُرکِزیپ، اُز بِییکلیگینی اَشکَر اِتدی.‏ مونی گُرِن شَگیرتلِری اُنگا ایمان گِتیردیلِر.‏

رِسول‍لار 2:24

اِمّا خودای اُنی دیرِلدیپ، اُلوم عاذابیندان آزاد اِتدی.‏ اُنونگ اُلوم پِنجِسینده قالماغی مومکین دَلدی.‏

رِسول‍لار 2:32

خودای عیسانی اُلومدِن دیرِلتدی، بیزینگ هِمَّه‌میز مونگا شاهاتدیریس.‏

رومیلار 6:19

سیزینگ اینسان ناتووانلیغینگیزی ناظارا آلیپ، سیزه سادا سُزلِر بیلِن آیدیارین:‏ سیز اُزال اُزونگیزی تِلِکه‌لیگه و گیتدیگیچه آرتیان یامانلیغینگ قولّوغینا تابشیریپدینگیز.‏ ایندی بُلسا اُزونگیزی مُقادِّس یاشاییشا اِلتیَن تاقوالیغینگ قولّوغینا تابشیرینگ.‏

رومیلار 6:3

یا-دا سیز تَعمید بِریلمِگینگ اوستو بیلِن عیسی مسیح بیلِن بیرلِشیپ، ایندی اُنونگ اُلومینه شِریک بُلیاندیغیمیزی بیلمِیَنگیزمی نَمه؟

رومیلار 6:8

اِگِر بیز مسیح بیلِن اُلِن بُلساق، اُندا اُنونگ بیلِن یاشاجاقدیغیمیزا هِم اینانیاریس.‏

رومیلار 6:9

بیز مسیحینگ اُلومدِن دیرِلیپ، آصلا اُلمِجِکدیگینی و اُلومینگ ایندی اُنگا اُز حُکومینی یُرِدیپ بیلمِیَندیگینی بیلیَریس.‏

رومیلار 7:6

اِمّا بیز اُزومیزی دانگیلماقدا ساقلان شِریغات باباتدا اُلوپ، اُندان آزاد اِدیلدیک.‏ بیز ایندی شِریغاتا موطیع بُلان کُهنه یُل‍لارا گُرَه دَل-ده، شِیله بُلسا مُقادِّس روحونگ ایزینا دوشوپ تَزه یُل‍لارا گُرَه خودایا خیدمات اِدیپ بیلِریس.‏

رومیلار 8:11

اِگِر عیسی مسیحی اُلومدِن دیرِلدِنینگ روحی قالبینگیزدا یاشایان بُلسا، مسیحی اُلولِردِن دیرِلدِن خودای حتّیٰ فانی بِدِنلِرینگیزه-ده یاشاییش بِرِر.‏ اُل مونی سیزده یاشایان روحونینگ اوستو بیلِن اِدِر.‏

۱ قُرِنتُس‌لار 6:14

خودای اُز گویجینینگ اوستو بیلِن مسیحی دیرِلتدی و بیزی هِم دیرِلدِر.‏

۲ قُرِنتُس‌لار 13:4

عیسی مسیح اِجیزلیکده صلیبه چویلِنِن بُلسا-دا، ایندی خودایینگ قودراتینینگ اوستو بیلِن یاشایاندیر.‏ اِدیل شُنونگ یالی بیز هِم مسیحینگ اِجیزلیگینه شِریک بُلماق بیلِن، سیزینگ اوغرونگیزدا خودایینگ قودراتینینگ اوستو بیلِن مسیحینگ یاشاییشینا هِم شِریکدیریس.‏

۲ قُرِنتُس‌لار 5:17

شُنگا گُرَه-ده، کیم عیسی مسیحده بُلسا، اُل تَزه یارادیلیشدیر.‏ کُهنه زاتلار گِچیپ گیتدی، ایندی هِمّه زات تَزه بُلدی!‏

اِفِسُسلار 4:17

شُنونگ اوچین عیسی مسیحینگ آدیندان سیزه شونی بویوریارین:‏ موندان بِیلَک بیگانه میلِّتلِر یالی بُش دوشونجِلِر بیلِن یاشامانگ.‏

اِفِسُسلار 5:8

یادینگیزدامی، بیر واقتلار سیز قارانگقیدینگیز، یُنه ایندی مسیحینگ اوستو بیلِن نورسینگیز.‏ شُنونگ اوچین نورینگ فِرزِنتلِری یالی بُلوپ یاشانگ.‏

کولُسیلِر 3:10

ایندی یارادانینگ صوراتینا مِنگزِمِکده و اُنی کَمیل تانیماقدا تَزه یارادیلیشا گِیینینگ.‏

کولُسیلِر 4:1

اِی آقالار، قول‍لارینگیز باباتدا عادالاتلیغی و دِنگلیگی بِرجای اِدینگ، سِبَبی اُزونگیزینگ هِم آسماندا آقایینگیزینگ باردیغینی بیلیَنسینگیز.‏

۱ پِطرُس 3:21

اینه، بو سو حَضیر سیزی نِجات بِریَن تَعمیدینگ نیشانیدیر.‏ سیز بِدِنینگیزینگ کیری یوولاندیغی اوچین دَل-ده، عیسی مسیحینگ دیرِلمِسینینگ اوستو بیلِن و پَک وِجدان بیلِن خودایا طاراف اُورولِندیگینگیز اوچین نِجات تاپدینگیز.‏

۱ یوحنا 2:6

‏«‏مِن خودایا اینانیپ یاشایارین»‏ دییَّن آدام عیسی مسیحینگ یاشایشی یالی یاشامالیدیر.‏