رومیلار 5:6 - مُقادِّس کیتاب

⁶ بیزینگ اُزومیزی آقلاماغا گویجومیز یُقّا، عیسی مسیح بِلِّنِن واقتیندا بیز خودایسیزلار اوچین اُلدی.‏

رومیلار 5:6 ပူးပေါင်းရင်းမြစ်များ

رومیلار 11:26

چونکی تامام اسرائیل خالقی اِدیل شِیله نِجات بِریلِر.‏ مُقادِّس یازغیلاردا هِم شِیله یازیلاندیر:‏ ‏«‏مِن یعقوب نِسلینینگ گونَه‌لِرینی باغیشلانیمدا، اُلار بیلِن شِیله عَهد باغلاشارین:‏ صَهیوندان نِجات بِریَنچی گِلِر، اُل یعقوب نِسلینینگ ایمانسیزلیغینی آیرار.‏»‏

رومیلار 4:25

عیسی مسیح بیزینگ گونَه‌لِریمیز اوچین اُلومه تابشیریلیپ، خودایینگ ناظاریندا آقلانیلماغیمیز اوچین دیرِلدیلدی.‏

رومیلار 4:5

اِمّا خودایسیزلاری آقلایان خودایا ایمان گِتیریَن آدام هیچ ایش اِتمِسه-ده، ایمان گِتیریَندیگی اوچین خودایینگ حوضوریندا آقلانیاندیر.‏

رومیلار 5:10

چونکی دوشمانقاق اُغلونینگ اُلومینینگ اوستو بیلِن خودای بیلِن یاراشان بُلساق، ایندی یاراشانیمیزدان سُنگ اُنونگ یاشاییشینینگ اوستو بیلِن نِجات تاپیلجاغیمیز هِم گورّونگسیزدیر.‏

رومیلار 5:7

حتّیٰ تاقوالی آدام اوچین اُلمَگه تاییار آدامی تاپماق قیندیر.‏ یُنه کیم بیلیَر، بِلکی، یاخشی آدام اوچین اُلوپ بیلجِگینگ تاپیلماغی-دا مومکین.‏

رومیلار 5:8

اِمّا عیسی مسیح هِنیز گونَه‌کَرکَک، بیزینگ اوچین اُلدی.‏ شِیدیپ، خودای بیزه بُلان سُیگوسینی گُرکِزدی.‏

رومیلار 8:32

خودای حتّیٰ اُز اُغلونی قایغیرمان، اُنی بیزینگ گونَه‌لِریمیز اوچین اُلومه تابشیران بُلسا، اُندا اُنونگ بیلِن بیرلیکده بِیلِکی زاتلارینگ بارینی هِم باغیشلامازمی نَمه؟

رومیلار 8:34

بیزی کیم مَحکوم اِدیپ بیلِر؟ هیچ کیم، سِبَبی اُلوپ دیرِلِن عیسی مسیح خودایینگ ساغیندا اُتوریپ، بیزینگ اوچین تُوِلّا اِدیَر.‏

غَلاطیه‌لِر 2:20

مِن مسیح بیلِن صلیبه چویلِندیم، ایندی مِن دَل-ده، مِندَکی مسیح یاشایاندیر.‏ بِدِندَکی یاشایشیم بُلسا خودایینگ اُغلونا بُلان ایمانیمینگ اوستو بیلِندیر.‏ اُل مِنی سُیوپ، اُزونی مِنینگ اوچین قربانی اِتدی.‏

غَلاطیه‌لِر 4:4

اِمّا بِلِّنیلِن واقت یِتیپ گِلِنده، خودای اُز اُغلونی ایبِردی.‏ اُل آیالدان دُغلوپ، شِریغاتلیغیندا یاشادی.‏

اِفِسُسلار 5:2

مسیح یالی سُیوپ یاشانگ.‏ اُل بیزی سُیوپ، خودایا ایسلی عاطیر و هِم قربانلیق حُکمونده بیزینگ اوچین جانینی قربان اِتدی.‏

کولُسیلِر 2:13

اُوال سیز سونِّتسیز بُلان اُوالقی طِبیغاتینگیزدا گونَه‌لِرینگیزده اُلودینگیز.‏ ایندی بُلسا خودای هِمّه گونَه‌لِرینگیزی باغیشلاپ، سیزی مسیح بیلِن بیله دیرِلتدی.‏

۱ تیموتاوس 1:9

موندان باشغا-دا، بو شِریغاتینگ دُغری آداملار اوچین دَل-ده، اُنی پُزیانلار و موطیع‌سیزلار، خودایسیزلار و گونَه‌کَرلِر، پَکسیزلِر و ایمانسیزلار، آتا-اِنه‌سینی اُلدوریَنلِر، قاتل‍لار،

تیتوس 2:12

بو مِرحِمِت بیزه خودایسیزلیغی و دونیِوی هُوِسلِری رِد اِتمِگی اُورِدیَر، بو زاماندا اُز نِفسینی ساقلاماغی، تاقوالیغی، خودایینگ یُلونینگ ایزینا دوشمِگی ناصیحاتلایار.‏

عِبرانیلار 8:3

هِر بیر باش کاهین صاداقالار هِم قربانلیقلار هُدورلِمِک اوچین بِلِّنیلیَر.‏ شو سِبَپدِن بیزینگ باش کاهینیمیزینگ هِم قربانلیق هُدورلِمِگی گِرِکدی.‏

عِبرانیلار 9:26

بِیله بُلسا، مسیح دونیَه یارادیلان بَری بیرنَچه گِزِک عاذاپ چِکمِلی بُلاردی.‏ مونگا دِرِک اُل آداملارینگ گونَه‌لِرینی یووماق اوچین اُزونی قربانی اِتمِک بیلِن آخیرقی دُوورده بیر گِزِک گِلدی.‏

۱ پِطرُس 1:20

مسیح دونیَه یارادیلمازدان اُنگ بِلِّنِن هِم بُلسا، سیزینگ خاطیرانگیزا بو زامانلارینگ آخیریندا آیان بُلدی.‏

۲ پِطرُس 3:7

اینه، حَضیرکی یِر بیلِن آسمان بُلسا خودایینگ سُزی بیلِن ساقلانیپ، خودایسیز آداملارینگ حُکوم و هِلَک اِدیلجِک گونونه چِنلی اُد اوچین تاییار دور.‏

یهودا 1:15

اُل هِمّه آدامزادا قاضیلیق اِدِر، گونَه اِدِن خودایسیزلاری حُکوم اِدِر.‏ خودایسیزلارینگ یامان اِتمیشلِرینی و اُنگا کُفر آیداندیقلاری اوچین اُلاری جِزالاندیرار.‏»‏

یهودا 1:18

اُلار سیزه:‏ ‏«‏دونیَه‌نینگ آخیرقی گونلِرینده اُز تِن هُوِسلِرینی راضیلاندیریان ماسغاراچیلار گُرونِر»‏ دییّپدیلِر.‏

یهودا 1:4

سِبَبی کَبیر خودایسیزلار اُغرینچا آرانگیزا سوملوپ گیردیلِر.‏ اُلار آخلاقسیزلیق اِتمِک اوچین خوداییمیزینگ مِرحِمِتینی اُز پِیداسینا اویتگِدیَرلِر و یِکه آقامیز و تانگریمیز عیسی مسیحی رِد اِدیَرلِر.‏ اُلارینگ جِزاسی قادیمدان بَری یازیلیپ قُیلاندیر.‏