رومیلار 5:2 - مُقادِّس کیتاب

² عیسی مسیح بیزه خودایینگ مِرحِمِتینینگ قاپیسینی آچیپ بِردی.‏ بیز ایمانینگ اوستو بیلِن بو مِرحِمِته بیریکیشیپ، قاییم دوروس و خودایینگ بِییکلیگینَه شِریک بُلجاقدیغیمیزا اومید باغلاپ بِگِنیَریس.‏

رومیلار 5:2 ပူးပေါင်းရင်းမြစ်များ

مَتّیٰ 25:21

آقاسی اُنگا:‏ ‏”‏بِرِکِلّا، یاخشی هِم صادیق خیدماتکَر!‏ سِن کیچیجیک ایشده صادیق بُلانینگ اوچین، ایندی بِییک ایشلِرده هِم سانگا اینانارین.‏ گِل، آقانگ شاتلیغینا اُرتاق بُل!‏“‏ دییَّر.‏

یوحنا 10:7

عیسی یِنه-ده اُلارا شِیله دییدی:‏ ‏«‏مِن سیزه دُغروسینی آیدیارین، قُیون آخُرینگ قاپیسی مِندیرین.‏

یوحنا 10:9

قاپی مِندیرین.‏ کیم مِندِن گیرسه، نِجات تاپار.‏ اُل گیریپ-چیقیپ، اُزونه اُتلیق تاپار.‏

یوحنا 14:6

عیسی اُنگا:‏ ‏«‏یُل، حاقیقات و یاشاییش مِندیرین، مِنسیز هیچ کیم آتانینگ یانینا باریپ بیلمِز.‏

یوحنا 5:24

‏«‏سیزه دُغروسینی آیدیارین، مِنینگ سُزلِریمی دینگلَپ، مِنی ایبِرِنه ایمان گِتیرِن آدام اِبِدی یاشایشا اِیه بُلیاندیر، اُل آصلا مَحکوم بُلماز.‏ اُل اُلومدِن یاشایشا گِچِندیر.‏

رِسول‍لار 14:27

انطاکیَه گِلِنلِریندِن سُنگ، رِسول‍لار ایماندارلاری بیر یِره چاغیریپ، اُلارا خودایینگ اُزلِرینینگ اوستو بیلِن هِمّه بیتیرِن ایشلِرینی و یَهودی دَل‍لِرینگ ایمان گِتیرمِگی اوچین، اُنونگ آچان قاپی بارادا گورّونگ بِردیلِر.‏

رومیلار 11:20

سیز حاقلی، یُنه اُلار ایمانسیزلیغی سِبَپلی کِسیلدی.‏ سیز بُلسا ایمانینگ اوستو بیلِن دورسونگیز.‏ شُنگا گُرَه، مَغرور بُلمانگ، قایتام قُرقونگ.‏

رومیلار 12:12

اومیدینگیزینگ باردیغینا بِگِنینگ، قینچیلیقلارا جیداملی بُلونگ و دُغا-دا قاییم دورونگ.‏

رومیلار 14:4

باشغا بیرینینگ خیدماتکَرینی عاییپلار یالی سِن کیم؟ خیدماتکَرینگ اُزونه تابشیرلانلاری بِرجای اِدیپ-اِتمَندیگینی دینگه اُنونگ آقاسی بِلّی اِدیَندیر.‏ یُنه خیدماتکَر اُزونه تابشیرلانلاری بِرجای اِدیپ بیلِر، سِبَبی اُنونگ آقاسی عیسی مسیحدیر، اُل خیدماتکَرینی قوواتلاندیرماغی باشاریاندیر.‏

رومیلار 15:13

مُقادِّس روحونگ گویجی بیلِن اومیدینگیزینگ آرتماغی اوچین، اومیدینگ چِشمه‌سی بُلان خودای ایمانینگیزینگ اوستو بیلِن، قُی، سیزی شاتلیقدان و پاراحاتلیقدان دُس-دُلی اِتسین.‏

رومیلار 2:7

خودایدان بِییکلیک، حُرمات و اُلمِزلیگی آغتاریپ، هِمیشه یاخشیلیق اِدیَنلِره اُل اِبِدی یاشایشی بِرِر.‏

رومیلار 3:23

سِبَبی هِمّه‌لِر گونَه اِدیپ، خودایینگ بِییکلیگینه یِتمِکدِن ماحروم بُلدولار.‏

رومیلار 5:5

شِیله اومید بیزی اوتاندیرماز، سِبَبی بِرلِن مُقادِّس روحونگ اوستو بیلِن یورِگیمیز خودایینگ سُیگوسیندِن دُلوپ-آقیار.‏

رومیلار 8:1

شِیلِلیکده، عیسی مسیحه دِگیشلی بُلانلار ایندی آصلا مَحکوم بُلماز.‏

رومیلار 8:24

بیز نِجات تاپیلانیمیز اوچین، ایندی بو اومیدیمیز باردیر.‏ یُنه گُزه گُرنوپ دوران اومید آصلا اومید دَلدیر.‏ گُروپ دوران زادینا اومید باغلایان آدام بارمی نَمه؟

۱ قُرِنتُس‌لار 15:1

ایندی بُلسا، اِی عزیزلِر، سیزه واغیظ اِدِن خوش خاباریمی یادلاپ گِچمِکچی.‏ سیز اُنی قابول اِدیپ، اُندا قاییم دورسونگیز.‏

۲ قُرِنتُس‌لار 3:18

بیز هِم یوزومیزی باسیرمان، خودایینگ بِییکلیگینینگ یالقیمینی گُریَریس.‏ خودایینگ روحی هِمَّه‌میزی گیتدیگیچه نورلاندیریپ، بیزی اُز صوراتینا اویتگِدیَر.‏

۲ قُرِنتُس‌لار 4:17

چونکی واقتلایین و یِنگیل قینچیلیقلاریمیز بیزه خاص عجاییپ، اولی و اِبِدی بِییکلیک قازاندیرار.‏ شُندا بو قینچیلیقلار اِدیل بُلمادیق یالی بُلار.‏

اِفِسُسلار 2:18

ایندی مسیحینگ اوستو بیلِن بیزینگ هِمَّه‌میز یَهودی و یَهودی دَل‍لِر بیر روح بیلِن آتانینگ حوضورینا باریپ بیلیَریس.‏

اِفِسُسلار 3:12

عیسی مسیح و اُنگا بُلان ایمانیمیزینگ اوستو بیلِن بیز خودایینگ حوضورینا اولی اینام و باتیرلیق بیلِن یاقینلاشیپ بیلیَریس.‏

اِفِسُسلار 6:13

شُنونگ اوچین یامان گونده قارشیلیق بِریپ بیلمِگینگیز اوچین، خودایینگ هِمّه یاراغلارینی گِینینگ.‏ شُندا یِرینگیزده قاییم دورماغی باشارارسینگیز.‏

۲ تِسالونیکیلِر 2:16

آتامیز خودای بیزی سُیوپ، اُز مِرحِمِتینینگ اوستو بیلِن بیزه اِبِدی گُوونلیک بیلِن یاخشی اومید بِردی.‏ قُی، تانگریمیز عیسی مسیحینگ اُزی و آتامیز خودای سیزه گُوونلیک بِرسین و هِر بیر یاخشی ایشده و سُزده سیزه گویچ بِرسین.‏

عِبرانیلار 3:6

اِمّا عیسی مسیح خودایینگ اُیونه اُغول حُکمونده اِمیندیر.‏ اِگِر قایراتیمیزی و قووانیان اومیدیمیزی ساقلاماغی باشارساق، بیز خودایینگ اُیودیریس.‏

عِبرانیلار 6:18

شِیلِلیکده، خودای بیزه ایکی زات:‏ هِم واعدا بِردی، هِم قاسام ایچدی.‏ مونونگ ایکیسی هِم اویتگِمِیَندیر، سِبَبی خودای هیچ واقت یالان آیتمایار.‏ شُنونگ اوچین هِم، بیز خودایدا پِناه گِتیریپ، اُزومیزه بِرلِن اومیدا قاییم یاپیشیپ گُوونلیک تاپیاریس.‏

۱ پِطرُس 3:18

مسیح هِم بیزی خودایینگ یانینا اِلتمِک اوچین، گونَه‌لِر سِبَپلی هِمیشه‌لیک و بیر گِزِک عاذاپ چِکدی.‏ اُزی عادیل بُلسا-دا، گونَه‌کَرلِر اوچین اُلدی.‏ بِدِن تایدان اُلدوریلسه-ده، اِمّا روح تایدان اُل دیرِلدیلدی.‏

آیانلیق 21:11

اُل خودایینگ بِییکلیگِندِن دُلوپ، بیر خاص جواهیر یالی، و ییلدیراپ دوران یَشم یالی پارلایاردی.‏

آیانلیق 21:23

شَهری یاغتیلاندیرماق اوچین گون یا-دا آی گِرِک دَل.‏ چونکی شَهری خودایینگ بِییکلیگی یاغتیلاندیریار و قوزی هِم اُنونگ چیراغیدیر.‏

آیانلیق 21:3

مِن تاختدان قاتی بیر سِسینگ شِیله دییِنینی اِشیتدیم:‏ ‏«‏خودایینگ مِسکِنی ایندی اینسانلارینگ آراسیندادیر!‏ اُل ایندی اینسانلارینگ آراسیندا مِسکِن توتار.‏ اُلار اُنونگ خالقی بُلارلار و اُل هِم اُلار بیلِن بُلوپ، اُلارینگ خودایی بُلار.‏

آیانلیق 3:21

مِن یِنگیپ چیقیپ، آتام بیلِن اُنونگ تاختیندا اُتوریشیم یالی، یِنگِن آدامدا مِنینگ بیلِن اُز تاختیمدا اُتورماغا ایختییار بِرِرین.‏