رومیلار 5:17 - مُقادِّس کیتاب

¹⁷ چونکی بیر آدامینگ گونَه‌سینینگ اوستو بیلِن و شُل آدامینگ اوستو بیلِن اُلوم حُکوم سوروپ باشلادی.‏ اِمّا خودایینگ اِندازاسیز مِرحِمِتی بیلِن آقلانما ناغماتینینگ بُلّوغینی آلانلارینگ باری ایندی بیر آدام، یَعنی عیسی مسیحینگ اوستو بیلِن اِبِدی یاشاییشدا حُکوم سورِرلِر.‏

رومیلار 5:17 ပူးပေါင်းရင်းမြစ်များ

مَتّیٰ 25:34

سُنگرا پادیشاه ساغینداقیلارا شِیله دییِر:‏ ‏”‏اِی آتامینگ بِرِکِت آلانلاری!‏ گِلینگ-ده، دونیَه یارادیلاندان بَری سیزینگ اوچین تاییارلانان پادیشاهلیغی میراث آلینگ.‏

یوحنا 10:10

اُغری دینگه اُغورلاماق، اُلدورمِک و یُق اِتمِک اوچین گِلیَندیر.‏ اِمّا مِن اُلارا یاشاییش، بُل یاشاییش بِرمِک اوچین گِلدیم.‏

رومیلار 5:12

بیر اینسان، یَعنی آدام آتانینگ اوستو بیلِن گونَه دونیَه گیردی و گونَه‌نینگ اوستو بیلِن اُلومینگ گِلمِگینه سِبَپ بُلدی.‏ اینسانلارینگ هِمّه‌سی گونَه‌لی بُلانی اوچین، اُلوم هِم اُلارینگ آراسیندا یایراپ باشلادی.‏

رومیلار 5:15

اِمّا خودایینگ ناغمات بِرِن مِرحِمِتینی آدام آتانینگ گونَه‌سی بیلِن دِنگِشدیریپ-ده بُلماز!‏ چونکی بیر آدامینگ گونَه‌سی کَن آداملاری اُلومه دوچار اِتدی.‏ باشغا بیر آدامینگ، یَعنی عیسی مسیحینگ مِرحِمِتینینگ اوستو بیلِن بُلسا کَن آداملار خودایینگ بو ناغماتینی بُلدان-بُل آلدی.‏

رومیلار 5:20

گونَه‌نینگ اَشکَر بُلماغی اوچین، شِریغات آرا گیردی.‏ یُنه آداملار گونَه‌نی کَندِن-کَن اِتدیگیتچَه، خودایینگ مِرحِمِتی خاص-دا آرتدی.‏

رومیلار 6:14

شُندا گونَه سیزه اُز حُکومینی یُریتمِز، سِبَبی سیز شِریغاتینگ ایختییاریندا دَل-ده، مِرحِمِتینگ ایختییارینداسینگیز.‏

رومیلار 6:23

چونکی گونَه‌نینگ جِزاسی اُلوم، اِمّا خودایینگ ناغماتی بُلسا تانگریمیز عیسی مسیحینگ اوستو بیلِن بِریلیَن اِبِدی یاشاییشدیر.‏

رومیلار 8:39

نه بِییکلیگینگ، نه-ده آشاقلیغینگ و یارادیلان زاتلارینگ بیرینینگ-ده بیزی تانگریمیز عیسی مسیحینگ اوستو بیلِن آیان بُلان خودایینگ سُیگوسیندِن آیریپ بیلمِجِکدیگینه قاتی اینانیارین.‏

۱ قُرِنتُس‌لار 15:49

بیز تُپراقدان یارادیلان اینسانا نَهیلی مِنگزَن بُلساق، آسماندان بُلانا هِم شِیله مِنگزَریس.‏

۱ قُرِنتُس‌لار 4:8

سیز اِییَم دُیوپ، هِر زادا یِتیپسینگیز!‏ سیز اِییَم باییپسینگیز!‏ بیزسیز پادیشاهلیق اِتدینگیز.‏ واخ، کَشگَه دُغرودان-دا پادیشاهلیق اِتسِدینگیز!‏ شُندا بیز-ده سیزینگ بیلِن بیله پادیشاهلیق اِدِردیک.‏

فیلیپیلِر 3:9

مِن شِریغاتا دایانیان اُز تاقوالیغیما دَل، شِیله بُلسا مسیحه بُلان ایمانا دایانیان، ایمانینگ اوستو بیلِن خودایدان بُلان تاقوالیغا اِیه بُلاسیم گِلیَر.‏

۱ تیموتاوس 1:14

تانگریمیز عیسی مسیحینگ اُلچِکسیز مِرحِمِتی، سُیگوسی و اُنونگ بِرِن ایمانی اوستومه بُلدان-بُل یاغدی.‏

۲ تیموتاوس 2:12

زَحمِتلِره جیدایان بُلساق، اُنونگ بیلِن بیله هِم شاهلیق اِدِریس.‏ اِگِر اُنی اینکَر اِتسِک، اُل هِم بیزی اینکَر اِدِر.‏

یعقوب 2:5

قولاق آسینگ، اِی عزیزلِریم!‏ خودای بو دونیَه‌ده قاریپلاری ایماندا بای بُلماقلاری اوچین سایلامادیمی؟ خودای اُزونی سُییَنلِره واعدا بِرشی یالی، قاریپلاری پادیشاهلیغینی میراث آلماقلاری اوچین سایلامادیمی نَمه؟

۱ پِطرُس 2:9

اِمّا سیز بِیله دَلسینگیز، چونکی سیز سایلانیپ-سِچیلِن خالقسینگیز.‏ سیز پادیشاهینگ کاهینلاری، مُقادِّس میلِّت و خودایا باغلی خالقسینگیز.‏ خودای سیزی قارانگقیلیقدان اُزونینگ عجاییپ نورینا چاغیردی.‏ سیز اُنونگ بِییکلیگینی اِعلان اِتمِک اوچین سایلانیپ-سِچیلِنسینگیز.‏

آیانلیق 20:4

اُنسُنگ مِن تاختلاری و اُلارینگ اوستونده اُتورانلاری گُردوم.‏ اُلارا قاضیلیق اِتمِکلیک ایختییاری بِریلدی.‏ موندان باشغا-دا، مِن عیسی مسیح و خودایینگ خوش خاباری حاقدا شاهاتلیق اِدِنلِری اوچین باشلاری کِسیلِن آداملارینگ روحونی گُردوم.‏ اُلار جاناوارا و اُنونگ مُجِسِّمه‌سینه سِجده اِتمَندیرلِر و مانگلایینا یا-دا اِل‍لِرینه اُنونگ عالاماتینی باسدیرماندیرلار.‏ اُلار دیرِلیپ، مسیح بیلِن مونگ ییل پادیشاهلیق اِتدیلِر.‏

آیانلیق 20:6

اَوَّلکی دیرِلیشده پایی بُلان خوشواقت و مُقادِّسدیر!‏ ایکینجی اُلوم اُلارا گویجی یِتمِز.‏ اُلار خودایینگ و مسیحینگ کاهینلاری بُلوپ، اُنونگ بیلِن مونگ ییل پادیشاهلیق اِدِرلِر.‏

آیانلیق 22:5

شَهرده گیجه آصلا بُلماز، و نه چیراغینگ ایشیغی، نه-ده گونونگ نوری گِرِک بُلار، سِبَبی تانگری خودای اُلارا یاغتیلیق سِچِر.‏ و اُلار اِبِدیلیک پادیشاهلیق اِدِرلِر.‏

آیانلیق 3:21

مِن یِنگیپ چیقیپ، آتام بیلِن اُنونگ تاختیندا اُتوریشیم یالی، یِنگِن آدامدا مِنینگ بیلِن اُز تاختیمدا اُتورماغا ایختییار بِرِرین.‏