رومیلار 3:5 - مُقادِّس کیتاب

⁵ یُنه بیزینگ هِمّه دُغری دَلدیگیمیز خودایینگ دُغرولیغینی خاص اَشکَر اِدیَن بُلسا، مونگا نَمه دییِریس؟ اینسانلارینگ شِیله آیدماقلاری مومکین:‏ خودای اُز غاضابینی باشیمیزدان ایندِرِنده، بیز باباتدا عادالاتسیزلیق اِدیَرمیکَه؟

رومیلار 3:5 ပူးပေါင်းရင်းမြစ်များ

رومیلار 12:19

اِی عزیزلِریم، اُزونگیز اِنتِقام آلجاق بُلمانگ، مونی خودایا تابشیرینگ.‏ سِبَبی خودای:‏ ‏«‏اِنتِقام مِنینگکیدیر، جِزالاندیرجاق مِندیرین»‏ دییَّر.‏

رومیلار 2:5

یُنه سِن قاتی یورِکلیلیک و توبا اِتمِزلیلیک بیلِن باشینگدان اینجِک غاضابی جِملِیَرسینگ.‏ بو جِزا خودایینگ عادالاتلی حُکومینینگ آیان بُلجاق گونونده بِریلِر.‏

رومیلار 3:19

یُنه هِر آغیز باغلانیپ، بوتین دونیَه خودایینگ مَحکومییِتینه سِزاوار بُلار یالی، شِریغاتینگ آیدانلارینینگ بارینی شِریغات آشاغینداقیلارا آیدیاندیغینی ایندی بیلیَریس.‏

رومیلار 3:7

یُنه مِنینگ یالانلیغیمینگ اوستو بیلِن خودایینگ دُغورلیغی خاص اَشکَر بُلوپ، اُنونگ بِییکلیگی آرتیان بُلسا، مِن بیر گونَه‌کَر حُکمونده مَحکوم اِدیلمِلیمی نَمه؟

رومیلار 4:1

اُنسُنگ، بِدِنه گُرَه حاساپلانیان جِدّیمیز ابراهیم باباتدا نَمه آیدیپ بیلِریس؟

رومیلار 5:8

اِمّا عیسی مسیح هِنیز گونَه‌کَرکَک، بیزینگ اوچین اُلدی.‏ شِیدیپ، خودای بیزه بُلان سُیگوسینی گُرکِزدی.‏

رومیلار 6:1

اُندا نَمه، خودای اُز مِرحِمِتینی بیزه کَندِن-کَن گُرکِزسین دییّپ، گونَه اِدیبِرمِلیمی نَمه؟

رومیلار 6:19

سیزینگ اینسان ناتووانلیغینگیزی ناظارا آلیپ، سیزه سادا سُزلِر بیلِن آیدیارین:‏ سیز اُزال اُزونگیزی تِلِکه‌لیگه و گیتدیگیچه آرتیان یامانلیغینگ قولّوغینا تابشیریپدینگیز.‏ ایندی بُلسا اُزونگیزی مُقادِّس یاشاییشا اِلتیَن تاقوالیغینگ قولّوغینا تابشیرینگ.‏

رومیلار 7:7

ایندی نَمه آیدایلینگ؟ شِریغات گونَه زاتمی نَمه؟ اِلبِتّه، یُق!‏ یُنه بو شِریغات بُلمادیق بُلسا، مِن گونَه‌نینگ نَمِدیگینی-ده بیلمِزدیم.‏ شِریغات:‏ ‏«‏باشغانینگ زادینا گُز تیکمه»‏ دییّپ آیدمادیق بُلسا، مِن مونونگ گونَه‌دیگینی هِم بیلمِزدیم.‏

رومیلار 8:31

بولاردان باشغا آیدارا زات قالدیمی نَمه؟ خودای بیز بیلِن بُلسا، کیم بیزه قارشی چیقیپ بیلِر؟

رومیلار 9:30

اُندا نَمه دییّپ بیلِریس؟ خودایینگ حوضوریندا آقلانماغینگ ایزینا دوشمِدیک یَهودی دَل‍لِر ایمانینگ اوستو بیلِن آقلانماغا یِتدیلِر.‏

۱ قُرِنتُس‌لار 15:32

اِگِر-ده مِنینگ دِلیل‍لِریم دینگه اینسان دِلیل‍لِری بُلان بُلسا، مِن اُندا اِفِسُسداقی وَحشی حایوانلار بیلِن اوروشارمیدیم؟ موندان نَمه پِیدا قازاناردیم؟ اِگِر اُلولِر دیرِلمِیَن بُلسالار، ‏«‏گِلینگ، اییِیلینگ و ایچِیلینگ، چونکی اِرتیر بیز اُلِریس!‏»‏

۱ قُرِنتُس‌لار 9:8

مِن مونی دینگه اینسان دوشونجِسیندِن آیتمایارین.‏ شِریغات هِم بو باباتدا شِیله دییمِیَرمی نَمه؟

۲ قُرِنتُس‌لار 6:4

تِرسینه، هِمّه زاتدا اُزومیزی خودایینگ لاییق خیدماتچیلاری حُکمونده اَشکَر اِدیَریس.‏ بیز قینچیلیقلاردا، مَحتَجلیکلِرده، چاره‌سیز یاغدایلاردا،

۲ قُرِنتُس‌لار 7:11

خودایدان بُلان قینانجینگ سیزده اِدِنلِرینی بیر گُرونگ!‏ اُل سِبَپلی سیزده نَهیلی قایرات، اُزونگیزی پَکلِمَگه نَهیلی ایخلاص دُرِتدی!‏ اُل سیزده، گُر، نَهیلی ناراضیچیلیق، قُرقی، نَهیلی کویسِمِک، ایخلاص و عادالاتا بُلان ایسلِگی توروزدی.‏ سیز بو مِسِله‌ده هِمّه طارافلایین تاقصیرسیزدینگیزی گُرکِزدینگیز.‏

غَلاطیه‌لِر 2:18

مِن شِریغاتچیلیق بیناسینی ییقدیم.‏ ایندی اُنی قایتادان دیکِلتسِم، اُندا شِریغاتی پُزیاندیغیمی اُزوم تاصدیقلایارین.‏

غَلاطیه‌لِر 3:15

اِی عزیزلِر!‏ مِن هِر گوندَکی یاشاییشدان بیر میثال گِتیرِیین:‏ اینسانلارینگ اُزآرا راضیلاشیپ باغلاشان عَهدینی هیچ کیم پُزوپ-دا، اُنگا زات قُشوپ-دا بیلمِیَر.‏

آیانلیق 15:3

اُلار خودایینگ خیدماتکَری موسانینگ و قوزینینگ آیدیمینی آیدیاردیلار:‏ ‏«‏اِی تانگری، قودراتلی-گویچلی خودای!‏ سِنینگ ایشلِرینگ اولی و عجاییپدیر.‏ اِی میلِّتلِرینگ پادیشاهسی!‏ سِنینگ یُل‍لارینگ دُغری و حاقدیر.‏

آیانلیق 18:20

‏«‏اِی آسمانلار، اُنگا شاتلانینگ!‏ اِی خودایینگ خالقی، رِسول‍لار و نِبیلِر، شاتلانینگ!‏ بابِلینگ سیزه اِدِنلِری اوچین خودای اُنی جِزالاندیردی.‏»‏