رومیلار 3:4 - مُقادِّس کیتاب

⁴ آصلا اِتمِز!‏ هِمّه آداملار یالان آیتسادا خودای هیچ هاچان یالان آیتماز.‏ سِبَبی مُقادِّس یازغیلاردا خودای بارادا:‏ ‏«‏شُنونگ اوچین سِن کِپلَنینگده حاقلیسینگ، و قاضیلیق اِدِنینگده، اوستون چیقانسینگ»‏ دییّپ یازیلاندیر.‏

رومیلار 3:4 ပူးပေါင်းရင်းမြစ်များ

مَتّیٰ 11:19

اینسان اُغلی گِلدی، اُل هِم اییَّر، هِم ایچیَر، اُلار اُنگا:‏ ‏”‏اینه، بو اییِگِنه و عاراقخُرا سِراِدینگ!‏ اُل مالییات آلیانچیلار و گونَه‌کَرلِر بیلِن دُست بُلدی“‏ دییَّرلِر.‏ اِمّا حِکمِتینگ حاقدیغی اُز عِمِل‍لِری بیلِن تاصدیقلانار.‏»‏

لوقا 20:16

اُل گِلیپ، بو باغبانلاری اُلدورِر و اوزومچیلیگی بُلسا باشغالارا بِرِر.‏»‏ خالق مونی اِشیدیپ:‏ ‏«‏خودای اِتمِسین!‏»‏ دییدی.‏

یوحنا 3:33

اِمّا اُنونگ شاهاتلیغینی قابول اِدِن کیشی خودایینگ حاقدیغینی تاصدیقلایاندیر.‏

رومیلار 11:1

ایندی شونی سُرایین:‏ اُندا خودای اُز خالقینی رِد اِتدیمی نَمه؟ اِلبِتّه، یُق!‏ مِن-ده ابراهیمینگ نِسلیندِن، بِنیامین طایفاسیندان بُلان اسرائیل‌لارینگ بیریدیرین.‏

رومیلار 11:11

اُندا شِیله سُراق یوزه چیقیار:‏ شِیله بُلسا یَهودیلِر قایدیپ قالماز یالی بودریدیلِرمی نَمه؟ اِلبِتّه، یُق!‏ یُنه اُلارینگ موطیع‌سیزلیغی بِیلِکی میلِّتلِرینگ هِم نِجات بِرمِگینه سِبَپ بُلدی.‏ بِیلِکی میلِّتلِرینگ نِجات بِریلمِگی یَهودیلِرینگ قایراتلارینی توروزمالیدی.‏

رومیلار 3:31

اُندا نَمه؟ ایمانینگ اوستو بیلِن شِریغاتی باطیل اِدیَریسمی؟ آصلا یُق!‏ دُغورسی، بیز اُنی قاییملایاریس.‏

رومیلار 6:15

ایندی نَمه؟ بیز ایندی شِریغاتینگ ایختییاریندا دَل-ده، مِرحِمِتینگ ایختییاریندا دییّپ، گونَه اِدیبِرمِلیمی نَمه؟ اِلبِتّه، یُق!‏

رومیلار 6:2

اِلبِتّه، یُق!‏ بیز گونَه باباتدا اُلدوک آخیرین.‏ اُنسُنگ نَهیلی گونَه ایچینده یاشاپ بیلِریس؟

رومیلار 7:13

اُندا قاوی زات مِنینگ اُلمِگیمه سِبَپ بُلایدیمی نَمه؟ اِلبِتّه، یُق!‏ گونَه قاوی زادینگ اوستو بیلِن مِنده اُلوم دُرِتدی و گونَه‌نینگ حاقیقی طِبیغاتی اِدیل شِیله آیان بُلمالیدی.‏ شِیدیپ، گونَه‌نینگ نَدِرِجِده تِلِکه‌دیگی شِریغاتینگ حُکوملِرینینگ اوستو بیلِن اَشکَر بُلدی.‏

رومیلار 7:7

ایندی نَمه آیدایلینگ؟ شِریغات گونَه زاتمی نَمه؟ اِلبِتّه، یُق!‏ یُنه بو شِریغات بُلمادیق بُلسا، مِن گونَه‌نینگ نَمِدیگینی-ده بیلمِزدیم.‏ شِریغات:‏ ‏«‏باشغانینگ زادینا گُز تیکمه»‏ دییّپ آیدمادیق بُلسا، مِن مونونگ گونَه‌دیگینی هِم بیلمِزدیم.‏

رومیلار 9:14

مونگا نَمه دییِیلی؟ اُندا خودای عادالاتسیزمی نَمه؟ اِلبِتّه، یُق!‏

۱ قُرِنتُس‌لار 6:15

اُندا سیز اُز بِدِنینگیزینگ مسیحینگ بِدِنینینگ ‌اعضاسیدیغینی بیلمِیَرسینگیزمی؟ ایندی مسیحینگ ‌اعضاسینی آلیپ، اُنی بیر فاحیشه بیلِن بیریکدیرِیینمی؟ هِرگِز اِتمِرین!‏

۲ قُرِنتُس‌لار 1:18

بُلشی یالی خودای اِمیندیر، بیزینگ سیزه آیدان سُزیمیزینگ هِم ‏«‏هاووا»‏، هِم ‏«‏یُق»‏ دَلدیگینه اُل شاهاتدیر.‏

غَلاطیه‌لِر 2:17

شِریغات بیزی، یَعنی مسیحینگ اوستو بیلِن آقلانماقچی بُلیانلاری هِم گونَه‌لی چیقاریار.‏ اُندا مسیح گونَه‌نی قُلّایارمی؟ یُق، بو دویبوندِن بِیله دَل!‏

غَلاطیه‌لِر 2:21

مِن خودایینگ مِرحِمِتینی اینکَر اِتمِیَرین.‏ چونکی شِریغاتی بِرجای اِتمِگینگ اوستو بیلِن آقلانیپ بُلیان بُلسادی، اُندا مسیحینگ اُلومی بیدِرِک بُلاردی.‏

غَلاطیه‌لِر 6:14

مِن بُلسا تانگریمیز عیسی مسیحینگ صلیبیندِن باشغا زات باباتدا آصلا قاباراسیم گِلمِیَر.‏ شو صلیبینگ اوستو بیلِن مِن بو دونیَه اوچین، بو دونیَه-دَه مِنینگ اوچین اُلودیر.‏

۱ تیموتاوس 3:16

ایمان سیرینینگ اولیدیغینا آصلا شِک یُقدور:‏ عیسی مسیح اینسان بِدِنینده آیان بُلوپ، مُقادِّس روحونگ اوستو بیلِن تاصدیقلانیلدی.‏ پِریشده‌لِر اُنی گُردولِر، اُل میلِّتلِر آراسیندا واغیظ اِدیلدی.‏ اُنگا بو دونیَه‌ده ایمان گِتیریلدی، اُل بِییکلیک ایچینده آسمانا آلیندی.‏

تیتوس 1:2

خودایینگ بو یُلی باقی یاشاییش اومیدینی بِریَر.‏ سُزونده آصلا یالان بُلمادیق خودای بو یاشایشی دونیَه یارادیلمازدان اُنگ واعدا بِریپ،

عِبرانیلار 6:18

شِیلِلیکده، خودای بیزه ایکی زات:‏ هِم واعدا بِردی، هِم قاسام ایچدی.‏ مونونگ ایکیسی هِم اویتگِمِیَندیر، سِبَبی خودای هیچ واقت یالان آیتمایار.‏ شُنونگ اوچین هِم، بیز خودایدا پِناه گِتیریپ، اُزومیزه بِرلِن اومیدا قاییم یاپیشیپ گُوونلیک تاپیاریس.‏

۱ یوحنا 5:10

خودایینگ اُغلونا ایمان گِتیرِنده خودایینگ شاهاتلیغی اُزونده باردیر.‏ کیم خودایینگ اُز اُغلی باراداقی شاهاتلیغینا اینانمایان بُلسا، اُل خودایی یالانچی حاساپلاپ، اُنگا ایمان گِتیریَن دَلدیر.‏

۱ یوحنا 5:20

بیز یِنه شونی بیلیَریس:‏ حاق خودایی تانیپ بیلمِگیمیز اوچین، خودایینگ اُغلی گِلیپ، بیزه عاقیل-فیکری بِردی.‏ بیز حاق خودای و اُنونگ اُغلی عیسی مسیح بیلِن یاشایاریس.‏ عیسی مسیح حاق خودایدیر و اِبِدی یاشاییشدیر.‏

آیانلیق 3:7

‏«‏فیلادِلفیه‌دَکی کِلیسانینگ پِریشده‌سینه شونی یاز:‏ ‏«‏بو خابار مُقادِّس و حاقیقی بُلانداندیر.‏ اُل داوود پیغامبار آچارینینگ اِیه‌سیدیر.‏ اُنونگ آچان قاپیسینی هیچ کیم یاپیپ بیلمِز و اُنونگ یاپان قاپیسینی هِم هیچ کیم آچیپ بیلمِز.‏ اینه، اُل شِیله دییَّر:‏