رومیلار 3:28 - مُقادِّس کیتاب

²⁸ بیز آداملار شِریغاتی بِرجای اِتمِگینگ اوستو بیلِن دَل-ده، ایمانینگ اوستو بیلِن آقلانیاندیغینی بیلیَریس.‏

رومیلار 3:28 ပူးပေါင်းရင်းမြစ်များ

یوحنا 5:24

‏«‏سیزه دُغروسینی آیدیارین، مِنینگ سُزلِریمی دینگلَپ، مِنی ایبِرِنه ایمان گِتیرِن آدام اِبِدی یاشایشا اِیه بُلیاندیر، اُل آصلا مَحکوم بُلماز.‏ اُل اُلومدِن یاشایشا گِچِندیر.‏

یوحنا 6:40

اُغلی گُرِن و اُنگا ایمان گِتیرِن هِر بیر آدامینگ اِبِدی یاشایشا قاووشماغی آتامینگ ایسلِگیدیر.‏ مِن-ده بو آداملاری آخیرات گون قایتادان دیرِلدِرین.‏»‏

رومیلار 4:5

اِمّا خودایسیزلاری آقلایان خودایا ایمان گِتیریَن آدام هیچ ایش اِتمِسه-ده، ایمان گِتیریَندیگی اوچین خودایینگ حوضوریندا آقلانیاندیر.‏

رومیلار 5:1

شِیلِلیکده، بیز ایمانیمیز بیلِن آقلانیپ، تانگریمیز عیسی مسیحینگ اوستو بیلِن خودای بیلِن یاراشدیق.‏

رومیلار 8:3

شِریغات اینسان هُوِسلِریمیزینگ چاره‌سیندِن گِلیپ بیلمَنسُنگ، بیزی آزاد اِدیپ بیلمِدی.‏ شِریغاتینگ باشارمادیق ایشینی خودای یِرینه یِتیردی.‏ خودای دونیَه‌دَکی گونَه سِبَپلی اُز اُغلونی بیر گونَه‌کَر اینسان کیمین ایبِردی-ده، اُنونگ اوستو بیلِن گونَه‌نی مَحکوم اِتدی.‏

۱ قُرِنتُس‌لار 6:11

سیزینگ-ده کَبیرلِرینگیز اُزال شُلار یالیدینگیز.‏ یُنه سیز تانگریمیز عیسی مسیحینگ آدی بیلِن و خوداییمیزینگ روحونینگ اوستو بیلِن یووولدینگیز و خودایینگ تاقوالی خالقی بُلوپ، پَکلِندینگیز.‏

غَلاطیه‌لِر 2:16

آدام شِریغاتی بِرجای اِتمِگینگ اوستو بیلِن دَل-ده، دینگه عیسی مسیحه بُلان ایمانینینگ اوستو بیلِن آقلانیاندیر.‏ مونی حتّیٰ بیز هِم بیلیَریس.‏ شُنگا گُرَه-ده، بیز شِریغاتی بِرجای اِتمِگینگ اوستو بیلِن دَل-ده، عیسی مسیحه بُلان ایمانیمیزینگ اوستو بیلِن آقلانماق اوچین، اُنگا ایمان گِتیردیک.‏ چونکی شِریغاتی بِرجای اِتمِگینگ اوستو بیلِن هیچ کیم آقلانیان دَلدیر.‏

غَلاطیه‌لِر 3:24

شونلوقدا، بیز ایمانینگ اوستو بیلِن تاقوالی بُلار یالی، مسیح گِلیَنچَه، شِریغات بیزینگ تِربیِتچیمیز بُلدی.‏

غَلاطیه‌لِر 3:8

خودای ابراهیما:‏ ‏«‏هِمّه خالقلار سِنینگ اوستونگ بیلِن بِرِکِتلِنِر»‏ دییّپ، اُنگا اُزال-باشدا بوشلاپدی.‏ مُقادِّس یازغیلارینگ شو سُزلِری خودایینگ خالقلاری ایمانلارینا گُرَه آقلاجاقدیغینی اَوَّلدِن خابار بِریپدی.‏

اِفِسُسلار 2:9

هیچ کیم اینسان تاقالّاسی بیلِن نِجات تاپدیم دییّپ قابارماسین.‏

فیلیپیلِر 3:9

مِن شِریغاتا دایانیان اُز تاقوالیغیما دَل، شِیله بُلسا مسیحه بُلان ایمانا دایانیان، ایمانینگ اوستو بیلِن خودایدان بُلان تاقوالیغا اِیه بُلاسیم گِلیَر.‏

یعقوب 2:18

بیری بُلسا:‏ ‏«‏سِنینگ ایمانینگ بار، مِنینگ بُلسا یاخشی عِمِل‍لِریم»‏ دییمِگی مومکین.‏ اِمّا مِن آیدیارین، هانی، یاخشی عِمِل‍لِری اِتمِزدِن مانگا ایمانینگی گُرکِز، مِن هِم سانگا ایمانیمی یاخشی عِمِل‍لِریمینگ اوستو بیلِن گُرکِزِیین!‏

یعقوب 2:20

اِی سامسیق، عِمِلسیز ایمانینگ پِیداسیزدیغینی بیلِنگُقمی؟

یعقوب 2:24

گُردونگمی، اینسان دینگه بیر ایمان بیلِن دَل، شِیله بُلسا، عِمِل‍لِرینگ اوستو بیلِن تاقوالی حاساپلانیاندیر.‏