رومیلار 3:27 - مُقادِّس کیتاب

²⁷ ایندی قووانماغا باهانامیز قالدیمی نَمه؟ آصلا قالان دَلدیر!‏ بو هایسی شِریغاتا گُرَه شِیله بُلدی؟ تابشیریقلاری بِرجای اِدیلمِلی شِریغاتا گُرَمی؟ یُق، ایمان شِریغاتینا گُرَه شِیله بُلدی.‏

رومیلار 3:27 ပူးပေါင်းရင်းမြစ်များ

مَرقُس 16:16

ایمان گِتیریپ تَعمید آلینان نِجات تاپار، یُنه ایمان گِتیرمِدیک مَحکوم بُلار.‏

یوحنا 3:36

اُغلا ایمان گِتیرِن آدام اِبِدی یاشایشا اِیه بُلیار، اِمّا ایمان گِتیرمِیَن اِبِدی یاشایشا قاووشماز، اُندان باشغا اُل خودایینگ غاضابینا دوچار بُلیار.‏»‏

رومیلار 10:5

شِریغاتا دایانیپ آقلانیان یُلی بارادا موسی شِیله یازیار:‏ ‏«‏اُنی بِرجای اِدیَن آدام شُنونگ اوستو بیلِن یاشار.‏»‏

رومیلار 11:6

مِرحِمِته گُرَه سایلانان بُلسالار، اُندا اینسان ایشلِرینه گُرَه سایلانان دَلدیر.‏ یُغسا مِرحِمِت، مِرحِمِت بُلمازدی.‏

رومیلار 2:17

ایندی بُلسا سِن اُزونگی یَهودی بیلیپ، شِریغاتا بیل باغلایارسینگ، خودایی تانییاندیغینگا قووانیارسینگ.‏

رومیلار 2:23

سِن اُزونگه بِرلِن شِریغاتا قووانسانگ-دا، اُنی پُزوپ، خودایینگ آدینا حُرماتسیزلیق اِتمِیَرسینگمی؟

رومیلار 3:19

یُنه هِر آغیز باغلانیپ، بوتین دونیَه خودایینگ مَحکومییِتینه سِزاوار بُلار یالی، شِریغاتینگ آیدانلارینینگ بارینی شِریغات آشاغینداقیلارا آیدیاندیغینی ایندی بیلیَریس.‏

رومیلار 4:2

اِگِر ابراهیم خودایینگ ناظاریندا یاخشی ایشلِرینینگ اوستو بیلِن آقلانان بُلسا، اُندا، دُغرودان-دا، قووانیپ بیلِردی، اِمّا خودایینگ اُوونده دَل.‏

رومیلار 7:21

شِیلِلیکده، مِن دورموشدا شِیله قانونینگ باردیغینی بیلدیم:‏ قاوی ایشی اِتمِکچی بُلان واقتیمدا، مِنده یامانلیق حَضیر بُلیار.‏

رومیلار 7:23

بِدِنیمینگ ‌اعضالاری شُل قانونا ماییل بُلیاندیغینی گُریَرین.‏ بو قانون مِنینگ دوشونجَمدَکی قانونا قارشی اوروشیپ، بِدِنیمدَکی ‌اعضالاری گونَه قانونسینا مِنی اِسیر اِدیَر.‏

رومیلار 7:25

خودایا شوکور!‏ اُل بیزی تانگریمیز عیسی مسیحینگ اوستو بیلِن آزاد اِدِر!‏ شونلوقدا، دوشونجَم بیلِن خودایینگ شِریغاتینا قولّوق اِتسِم-ده، اینسان طِبیغاتیما گُرَه گونَه قانونینینگ قولودیرین.‏

رومیلار 8:2

سِبَبی یاشاییش بِریَن روحونگ قانونی بیزی عیسی مسیحینگ اوستو بیلِن گونَه‌نینگ و اُلومینگ قانونیندان آزاد اِتدی.‏

رومیلار 9:11

یُنه اِکیز فِرزِنتلِر هِنیز دُغولمانقا، هِنیز یامانلیق یا یاخشیلیق ایش اِتمَکَه، خودای رِبِکا ‏«‏اولوسی کیچیسینه خیدمات اِدِر»‏ دییّپ آیدیپدی.‏ بو سُزلِر سایلانیپ-سِچیلمَنینگ اینسان ایشلِرینه دَل-ده، دینگه چاغیرانا باغلیدیغینی معلیم اِتمِک اوچین آیدیلیپدی.‏

رومیلار 9:31

اسرائیل خالقی بُلسا شِریغاتی بِرجای اِتمِگینگ اوستو بیلِن آقلانماقچی بُلدی، یُنه مونی باشارمادی.‏

رومیلار 9:32

نَمه اوچین؟ سِبَبی اُلارینگ چالیشمالاری ایمانا دَل-ده، شِریغاتا دایاندی.‏ اُلار ‏«‏بودریمه داشینا»‏ بودریدیلِر.‏

۱ قُرِنتُس‌لار 4:7

اُندا سیز بِیلِکیلِردِن اویتگِشیکمی؟ سیز اُزونگیزدَکیلِرینگ بارینی خودایدان آلمادینگیزمی نَمه؟ اِگِر اُندان آلان بُلسانگیز، نَمه اوچین اُزونگیز قازانان یالی قاباریارسینگیز؟

غَلاطیه‌لِر 2:16

آدام شِریغاتی بِرجای اِتمِگینگ اوستو بیلِن دَل-ده، دینگه عیسی مسیحه بُلان ایمانینینگ اوستو بیلِن آقلانیاندیر.‏ مونی حتّیٰ بیز هِم بیلیَریس.‏ شُنگا گُرَه-ده، بیز شِریغاتی بِرجای اِتمِگینگ اوستو بیلِن دَل-ده، عیسی مسیحه بُلان ایمانیمیزینگ اوستو بیلِن آقلانماق اوچین، اُنگا ایمان گِتیردیک.‏ چونکی شِریغاتی بِرجای اِتمِگینگ اوستو بیلِن هیچ کیم آقلانیان دَلدیر.‏

غَلاطیه‌لِر 3:22

اِمّا مُقادِّس یازغیلارینگ اِعلان اِتمِگینه گُرَه، بیزینگ هِمَّه‌میز گونَه دانگیلاندیریس.‏ خودای بُلسا بیزه واعدا بِرِنینی عیسی مسیحه ایمان گِتیریَنیمیز اوچین هُدورلِیَر.‏