رومیلار 3:25 - مُقادِّس کیتاب

^25-26 خودای اُز عادالاتینی گُرکِزمِک اوچین عیسی مسیحی قربانی حُکمونده ایبِریپ، اُنونگ دُکولِن قانینینگ اوستو بیلِن ایمان گِتیریَنلِری اُزی بیلِن یاراشدیردی.‏ خودای اُزالقی زاماندا اِدیلِن گونَه‌لِردِن گِچدی.‏ ایندی بُلسا عیسی مسیحه ایمان گِتیریَن هِر کِسی آقلایار.‏ و شِیدیپ، اُل اُزونینگ عادالاتلیدیغینی تاصدیق اِدیَر.‏

رومیلار 3:25 ပူးပေါင်းရင်းမြစ်များ

یوحنا 6:47

مِن سیزه دُغروسینی آیدیارین، مانگا ایمان گِتیرِن اِبِدی یاشایشا قاوشاندیر.‏

رِسول‍لار 14:16

گِچِن زاماندا خودای هِمّه خالقلارا اُز یُل‍لارینا گُرَه یُریمَگه اِجازا بِردی.‏

رِسول‍لار 15:18

بولار قادیمدان معلیمدیر.‏

رِسول‍لار 17:30

خودای گِچمیشده اینسانلارینگ بو دوشونمِزلیکلِرینی اینکَر اِتمِسینه گُز یومدی.‏ ایندی بُلسا اُل هِمّه یِرده تامام آداملارینگ توبا اِتمِگینی اِمر اِدیَر.‏

رِسول‍لار 2:23

خودای اُز توتان ماقصادینا گُرَه، عیسانی سیزینگ اِلینگیزه بِرمِگی اُنگدِن قارار اِدیپدی.‏ سیز اُنی بیگانه‌لِرینگ اِلی بیلِن توتدونگیز و صلیبه چویلَپ اُلدوردینگیز.‏

رِسول‍لار 3:18

اِمّا خودای اُز مسیحینینگ عاذاپ گُرجِکدیگی بارادا هِمّه پیغامبارلارینگ اوستو بیلِن اُنگدِن آیدانلارینی بِرجای اِتدی.‏

رِسول‍لار 4:28

اُلار سِنینگ قودراتینگ و اِرادانگ بیلِن اُوالدان قارارا گِلِن هِر بیر ایشینگی حاقیقاتا اُوورمِک اوچین ییغناندیلار.‏

رومیلار 2:4

یا-دا سِن خودایینگ اولی رِحم-شِپاقاتینا، یاخشیلیغینا، صابیر-طاقادینا اَهمییِتسیز حاساپلایارسینگمی؟ اُنونگ رِحمینینگ سِنی توبا طارافا اِلتیَندیگینه دوشونمِیَرسینگمی نَمه؟

رومیلار 5:1

شِیلِلیکده، بیز ایمانیمیز بیلِن آقلانیپ، تانگریمیز عیسی مسیحینگ اوستو بیلِن خودای بیلِن یاراشدیق.‏

رومیلار 5:11

موندان باشغا-دا، بیز خودایینگ تانگریمیز عیسی مسیحینگ اوستو بیلِن اِدِن ایشلِرینه بِگِنیَریس، سِبَبی اُل بیزی خودای بیلِن یاراشدیردی.‏

رومیلار 5:18

شِیلِلیکده، بیر آدامینگ گونَه‌سی اوچین هِمّه اینسانلارینگ مَحکوم بُلماغا دوچار بُلشی یالی، بیر آدامینگ تاقوالی ایشینینگ اوستو بیلِن-ده هِمّه اینسانلارا یاشاییش بِریَن آقلانما گِلدی.‏

رومیلار 5:9

شُنگا گُرَه-ده، مسیحینگ قانی بیلِن آقلانان بُلساق، اُنونگ اوستو بیلِن خودایینگ غاضابیندان نِجات تاپجاغیمیز هِم گورّونگسیزدیر.‏

۱ قُرِنتُس‌لار 5:7

تَزه پِتیرلیک خامیر بُلوپ بیلِرینگیز یالی، کُهنه خامیرمایانی اُزونگیزدِن آییریپ اُقلانگ.‏ آصلیندا شُل تَزه پِتیرلیک خامیر سیزسینگیز!‏ چونکی عیسی مسیح، بیزینگ پِسَح قوزیمیز، قربانی اِدیلِندیر.‏

۲ قُرِنتُس‌لار 5:21

بیز عیسی مسیحینگ اوستو بیلِن خودایینگ تاقوالیغی بُلاریمیز یالی، اُل بیزینگ گونَه‌لِریمیزی آصلا گونَه اِتمِدیک عیسی مسیحینگ اوستونه یوکلِدی.‏

اِفِسُسلار 1:7

خودای قاتی بای مِرحِمِتی بیلِن اُغلونینگ دُکِن قانینینگ اوستو بیلِن گونَه‌لِریمیزی باغیشلاپ، بیزی آزاد اِتدی.‏

اِفِسُسلار 2:13

اِمّا بیرواقتلار خودایدان اوزاق بُلان سیز ایندی عیسی مسیحینگ دُکِن قانی بیلِن اُنگا یاقینلاشدینگیز.‏

۱ تیموتاوس 1:15

شُنگا گُرَه-ده:‏ ‏«‏عیسی مسیح گونَه‌کَرلِری نِجات بِرمَگه دونیَه‌میزَه گِلدی»‏ دییِن سُزلِر دُغری و هِر طارافدان قابول اِدِرلیکدیر.‏ شُل گونَه‌کَرلِرینگ اینگ گونَه‌کَری-ده مِندیرین.‏

عِبرانیلار 10:4

سِبَبی سیغیرلارینگ و گِچیلِرینگ قانی بیلِن گونَه‌لِری یووماق مومکین دَلدیر.‏

عِبرانیلار 11:14

گُچوپ گِلِندیکلِرینی بُیون آلیان آداملار اُزلِرینینگ بیر واطان آغتاریاندیقلارینی اَشکَر گُرکِزیَرلِر.‏

عِبرانیلار 11:17

خودای ابراهیمی ایمتِحانلاندا، اُل ایمانینگ اوستو بیلِن اسحاقی قربانلیق حُکمونده هُدورلِدی.‏ خودای اُنگا:‏ ‏«‏سِنینگ نِسلینگ اسحاقینگ اوستو بیلِن دُوام اِدِر»‏ دییّپ واعدا بِرِن هِم بُلسا، ابراهیم شُل یِکِجه اُغلونی قربانلیق اِتمَگه تاییاردی.‏

عِبرانیلار 11:7

نوح ماشغالاسینینگ نِجات تاپماغی اوچین ایمانینگ اوستو بیلِن بیر کِشتی بِجِردی.‏ اُل هِنیز بُلمادیق واقالار حاقدا خودایدان ایلهام آلاندا، اُندان قُرقوپ، اُنگا قولاق آسدی.‏ شِیلِلیکده، تامام دونیَه مَحکوم بُلدی، نوح بُلسا ایمانینگ اوستو بیلِن تاقوالیغی میراث آلدی.‏

عِبرانیلار 9:28

اِدیل شُنونگ یالی، مسیح هِم کَن آداملارینگ گونَه‌لِرینی یووماق اوچین، بیر گِزِک قربانی بُلدی.‏ اِمّا اُل ایکینجی گِزِک گِلِنده، گونَه‌لِری یووماق اوچین دَل-ده، شِیله بُلسا اُزونه اینتیظارلیق بیلِن قاراشیانلاری نِجات بِرمِک اوچین گِلِر.‏

عِبرانیلار 9:5

صاندیقینگ قاپاغینینگ اوستونده بِییکلیگَه شایلانان کِروبیلِر باردی.‏ بو کِروبیلِر قاناتلاری بیلِن قاپاغا کُلِگه سالیاردیلار.‏ اِمّا حَضیر بولار بارادا جیکمه-جیک گورّونگ اِتمِگینگ واقتی دَل.‏

۱ یوحنا 1:10

اِگِر گونَه اِتمِدیک دییسِک، خودایی یالانچی اِدیَندیریس و قالبیمیزدا اُنونگ سُزی یُقدور.‏

۱ یوحنا 2:2

اُل اُزی گونَه‌لِریمیزینگ قربانیسی و دینگه بیزینگ گونَه‌لِریمیز دَل-ده، اُندان باشغا، هِمّه دونیَه‌نینگ گونَه‌لِرینینگ قربانیسی.‏

۱ یوحنا 4:10

بیز خودایی دَل-ده، اَوَّل خودای بیزی سُیدی.‏ اُل بیزینگ گونَه‌لِریمیزی پَکلِمِک اوچین، اُز اُغلونی قربانلیق حُکمونده ایبِردی.‏ اینه، حاقیقی سُیگی شودور.‏

آیانلیق 1:5

اُلومدِن اَوَّلکی بُلوپ دیرِلِن، دونیَه پادیشاهلارینینگ حُکومداری بُلان اِمین شاهات عیسی مسیحینگ مِرحِمِتی و پاراحاتلیغی سیزه یار بُلسون!‏ بِییکلیک و قودرات اِبِدی مسیحینگکیدیر!‏ چونکی اُل بیزی سُیِندیگی سِبَپلی، قانینی دُکوپ، گونَه‌لِریمیزدِن آزاد اِتدی.‏ اُل بیزدِن پادیشاهلیق یارادیپ، بیزی آتاسی خودایا خیدمات اِتمِک اوچین کاهینلار بِلِّدی.‏ اَمین!‏

آیانلیق 13:8

یِر یوزونده یاشایان هِر بیر اینسان بو جاناوارا سِجده اِدِر.‏ بو جاناوارا دینگه دونیَه یارادیلمازدان اُنگ آدلاری یاشاییش دِفتِرینه یازیلان آداملار سِجده اِتمِز.‏ یاشاییش دِفتِری داماغی چالنان قوزینینگقیدیر.‏

آیانلیق 20:15

آدلاری یاشاییش دِفتِرینه یازیلمادیقلارینگ هِمّه‌سی یانیپ دوران دِریاچا زینگیلدی.‏

آیانلیق 5:9

اُلار تَزه بیر آیدیم آیدیاردیلار:‏ ‏«‏سِن میناسیپسینگ بو طوماری آلماغا، هِم-ده اُنونگ مُهورلِرینی دُومَگه.‏ چونکی داماغینگ چالنیپ و اُز قانینگ بیلِن، هِر طایفادان، هِر دیلدِن، هِر خالقدان و هِر میلِّتدِن خودای اوچین آداملاری ساتین آلانسینگ.‏